Levitikus 26:25 - সান্তালী বাইবেল

²⁵ Ińakʼ bondobospe rạputʼ akatʼte ape cetanre lạṛhạikoń ạguiya. Unre bạiriko ńelte nagrahatepe bolokʼre iń do mahamạriń kola, ar onate bạirikoakʼ tirepe paṛaokʼa.

Levitikus 26:25 Referans Kwoze

Numeri 14:12

Iń do onkore mahamạriń paṛao ocoya ar onkoń gokʼ akawatʼko disạm reakʼ ạidạri do onko khoniń recʼ ocoya, menkhan onko khon hõ mitʼṭecʼ maraṅ jạtrenkoge am khoniń sirjạukoa.”

Jeheskel 5:17

Am upạrte iń do akal ar jojom janwarkoń kolkoa; onko do amren hoponkoko jomkoa. Mahamạri ar mãyãm do amre ạtukʼa ar iń do am upạrte lạṛhạiyiń ạguiya. Iń Probhu Isorge noa katha doń meneda.”

Jeheskel 33:2

“E manwa hopon, am jạtren hoṛko metakom, Probhu Isore meneda, ‘jãhã mitʼṭecʼ disạmre lạṛhạiyiń ạgui, ar ona disạmren hoṛko do akoren mitʼṭecʼ hoṛ bachaokate horhoyicʼko dohoye,

Jeheskel 29:8

“Ona iạte iń Probhu Isorgeń menetʼkana, iń do am upạrte tarwaṛeń ạguiya ar amren hoṛko ar janwarkoń gocʼ cabakoa.

Jeheskel 20:37

Ińakʼ ṭheṅga latarteń sen parom ocopea; ar ińakʼ bondobos reakʼ tonolreń aderpea.

Jeheskel 14:17

“Iń do ona disạm upạrte tarwaṛe ạgukateń men, ‘disạm reakʼ sanam ṭhạ̃ire lạṛhại hoyokʼma,’ ar iń do onaren hoṛko ar janwarkoń gocʼko.

Jirimiạ 24:10

Ar onkoren hapṛamko okaṭakʼ disạmiń emakawatʼko ona disạmre tin hạbicʼ bako marao utạrokʼ un hạbicʼ onko talare lạṛhại, mahamạri ar akal iń kola.”

Dosar Biboron 32:25

Onkoren hopon ar hoponerako do nagraha bahrere tarwaṛe reakʼ hạnteko gujukʼa, ar oṛakʼ bhitrire botorteko udạsokʼa. Onkoren juạn koṛa ar kuṛiko, kạṭicʼ gidrạko ar haṛam buḍhiko doko marao utạrokʼa.

Dosar Biboron 28:21

Okaṭakʼ disạmpe dokhol lạgidokʼkan Probhu Isor do onḍe nonkae hoeocoya jemon ape talare mahamạriko paṛaokʼte sesre disạm khonpe caba utạrokʼa.

Luk 21:11

Ạḍi ãṭ dhạrti laṛao hoyokʼa ar jaega jaegakore akal ar mahamạriko hoyokʼa. Ona chaḍa sermare nonkan ghoṭnako hoyokʼa ar cinhạko ńelokʼa, oka do ạḍi botorge.

Amos 4:10

Misorre cetʼlekań kolletʼ onkage ape talare iń do mahamạriń kolkeda. Ar lạṛhại hotete aperen juạnkoń gocʼketʼkoa ar aperen sadomkoń idiketʼkoa. Apeakʼ chạuni reakʼ bạṛicʼ so do mũreyiń jiyatʼpea; enhõ ape do iń ṭhen bape ruạṛ hecʼlena.

Rak̕joṅ 2:21

Koṛa hoṛ ar haṛamko do kulhi dhuṛireko guṛdạu akana; ińren juạn ar juạniko do tarwaṛeteko hạ̃n akana. Amakʼ edrekʼ dinre am do onkom gocʼketʼkoa; onko dom kaman sapha akatʼkoa, ar bam mãyã akatʼkoa.

Jirimiạ 9:16

Ar nonkan boṅgan hoṛ jạtrenko talareń chirchạturkoa okoe do akohõ baṅ ar akoren hapṛamko hõ bako baḍae akatʼko. Ar ạuriko marao utạrko hạbicʼ onko tayom tayomte lạṛhạiyiń kola.’ ”

Sereńko 94:1

E Probhu Isor, am do hala ruạṛicʼ Isor kanam, E hala ruạṛicʼ Isor, amakʼ marsal baṛe sodorokʼma.

2 Samuel 24:15

Ar Probhu Isor do unre setakʼ khon ehopʼkate niṭ akatʼ okte hạbicʼ Israel cetanre mitʼṭecʼ mahamạriye kolkeda. Onate Dan khon Ber-seba hạbicʼ goṭa disạmren hoṛko tala khon eaegel hajar hoṛko gocʼena.

Dosar Biboron 32:41

Ińakʼ malkaokʼkan tarwaṛe iń doń lasertińạ, ar bicạr reakʼ ray purạu lạgitʼte ona doń saba, ar ińren bạirikoń sạjạikoa, okoe ińko hirkhạwạń onko do kuṛạiyiń emkatakoa.

Dosar Biboron 32:35

Behok reakʼ sạjại emokʼ reakʼ ạidạri do ińakʼge; okoeyakʼ oka kuṛại onage uniń emaea. Okte purạulen khan bạirikoakʼ jaṅga do leńjedokʼtakoa; onkoakʼ maraokʼ reakʼ din do sor hecʼakana. Onko lạgitʼ oka ṭhik dohoakan, ona do usạrage onkore paṛaokʼa.”

Numeri 16:49

Korah iạte okoeko gocʼen onko chaḍa arhõ gelpon hajar eaesae hoṛ do mahamạriteko gocʼena.

Levitikus 26:6

“Unre iń do disạmre sulukiń emokʼa. Ar suluktepe jạpitʼjoṅa; okoe hõ bako botor ocopea. Iń do disạm khon kaṭaha janwarkoń laga ńirkoa. Cele palṭonge apeakʼ disạmre do bako cahṭao daṛeakʼa.

Numeri 31:3

Unre Mose do Israelkoe metatʼkoa, “Midiạnko birudre lạṛhại lạgitʼ ape mod khon thoṛa hoṛ sapṛaokope, jemon onko do Probhu Isor ńutumte Midiạnko cetanreko hala hạli daṛeakʼ.

Bikʼcạrko 15:11

Unre Jihudạren pe hajar hoṛ do Etam dhiri huṭupʼ reakʼ ciritʼ ṭhen senkate Samsonko metadea, “Philisṭikoko bicạretʼ bon kan ona do cetʼ bam baḍaekana? Alere noa do cetʼem ceka akatʼa? ” Samsone roṛ ruạṛatʼkoa, “Ińre okako ceka akatʼ iń hõ onko cetanreń onka akada.”

1 Rapajko 8:33

“Am birudre kại gunạkʼte amren hoṛ Israelko akoren bạiri ṭhen khonko bhagao ocolenre ar am ṭhenko ruạṛ hecʼlenre ar koejoṅ oṛakʼre amko sarhaome ar am ṭhen nehõrkateko koejoṅ,

1 Rapajko 8:37

“Disạmre akal se mahamạri ńellenre, ar phosol jhãoralenre se gocʼlenre, ar phosolko pohokoko jom cabaetakore, ar bạiriko onkoakʼ nagrahako gherao esetʼletakore, ar jãhãlekan ruạ se muhinko hecʼ paṛao akore,

Jirimiạ 50:28

Ańjompe, Babel khon ńir paskao akan hoṛkoakʼ aṛaṅ do Sionre hecʼkateko lại jạhiretʼkana, aboren Probhu Isor do cetʼleka acʼakʼ oṛakʼ iạteye hala hạlikʼ kana.

Jirimiạ 51:11

Ape do apeakʼ sarko lasertape, ar ḍhalko hatao joṅpe. Probhu Isor do Madaeren rajkoakʼ jiue uskur akatʼtakoa, ente bạiriko upạrte uniyakʼ monejoṅakʼ do jarkharakʼge. Probhu Isor do khạṭige acʼakʼ oṛakʼ lạgitʼe hala hạlikʼa.

Exodus 5:3

Unre Mose ar Aronkin menkeda, “Ibrikoren Isor do ạliń ṭhene ńel ocoakana. Onate dayakate sen ocoaleme jemon hahaṅkarre pe din reakʼ horte senkate Probhu Isor ńutumte dãṛẽle samaṅ daṛeakʼ. Ar baṅkhan jãhãn moṛok se lạṛhại hotete uni do ale cetanre sạjạiye kola.”

2 Rapajko 17:3

Asurren raj Salmaneser do Hosea akromone lạgitʼe rakapʼ hecʼena. Ar onate Hosea do Salmaneser taberen raje hoyena ar uni khajna emaye ehopʼena.

2 Bõsbudạ 24:24

Jihudạren hoṛko do akoren hapṛamkoren Probhu Isorko bạgiyade tahẽkante Aramren lạṛhại phạdko do thoṛageko tahẽkanre hõ Probhu Isor do maraṅ lạṛhại phạdko onkoakʼ tireye jimạkatʼkoa. Nonkate Aramrenko hotete Joas doe sạjại ocoyena.

Jesaea 1:20

menkhan tabe akae bape aṅgoc arpe hul enḍekhan khạṭige tarwaṛetepe marao ocokʼa.” Probhu Isor do acʼge niạ kathae roṛeda.

Jesaea 65:12

apeakʼ likhạ do tarwaṛegeń hoeocoya, ar ape sanamkoge gur ocokʼ lạgitʼ hoṭokʼpe lahaetapea. Ente, iń do apeń hohowatʼpe tahẽkana menkhan bape goṅledińa, ińiń roṛleda menkhan bape ańjomletʼtińạ. Ińakʼ mẽtʼre ape do bạṛicʼakʼpe kạmi akada ar iń edre ocoyiń lạgitʼ onape bachao akawana.”

Jirimiạ 19:7

“ ‘Niạ ṭhạ̃ire iń do Jihudạ ar Jerusalemren hoṛkoakʼ goṭawakʼ iń ạuṛiyakʼ ocoytakoa. Ar okoe onkoakʼ jiwi hataoko khoj onko do onkoren bạiriko hotete lạṛhạireń gocʼkoa ar onkoakʼ mạ̃ṛĩ do coṭren cẽṛẽ ar bir janwarkoń jom ocokoa.

Hosea 11:6

Onkoakʼ nagrahakore botorge lạṛhại hoyokʼa; onate onkoakʼ phaṭok duạrko reakʼ huṛkạṛko do rạpudokʼtakoa ar onkoakʼ goṭawakʼ iạte onko doko marao utạrokʼa.

Habakkuk 3:5

Uni laha lahate do mahamạrige calakʼkana; ar uni tayom tayomte do ruạ ar hasoge.