Levitikus 26:22 - সান্তালী বাইবেল

²² Ape talare jojom kaṭaha janwarkoń kolkoa. Onko do aperen gidrạkoko jomkoa, ar aperen mĩhũ-meromkoko maraokoa ar aperen hoṛko komaokʼtapea. Onate apeakʼ horko do khạlige tahena.

Levitikus 26:22 Referans Kwoze

Jeheskel 14:15

“Iń do ona disạmre bir janwarkoń dãṛã ạcur ocoko ar onko do onako jarkhar ar ona do nonkan ujạṛakʼ hoyokʼ, onko janwarko iạte onkate cele hõ bako parom sen daṛeakʼ,

Dosar Biboron 32:24

Onko do reṅgecʼteko loraokʼa ar durdurạukʼ ruạ ar bisanakʼ rogteko capoṭokʼa. Onko upạrte iń do kaṭaha janwarko ar dhuṛire leńokʼkan bisan bińkoń kolkoa.

Bikʼcạrko 5:6

Anatren hopon Samgar ar Jayel bidạlre hortenko do sodor ḍahar bạgikate ạcur bihur horko pańjakeda.

Sakariạ 7:14

Iń do bin oprom jạtrenko talareń pasnaoletʼkoa. Inạ tayom onkoakʼ disạm do nonka khaṅgoṭakʼ hoylena, onḍe do celege bako senokʼkan tahẽkana. Nonkate ona mońj disạm do ujạṛ utạrakʼko hoyocoleda.”

Rak̕joṅ 1:4

Sion reakʼ kulhiko doe homor halaṅeda, ente niṭ akatʼ porobre okoehõ bako hijukʼkana. Uniyakʼ sanam phaṭok duạrte bolokʼ hor do khạligea. Uniren naekeko doko jare jarekʼ kana, ar juạn kuṛiko doko dukokʼ kana, onate uni do monre ạḍi duke ńameda.

Jesaea 33:8

Ḍaharko do khạligea, cele hoṛ hõ horte bako calakʼ kana. Bondobos do rạputʼ akana; nagrahako do nihạ̃t ocokʼkana ar manwa do cele hõ bako metakokana.

2 Rapajko 17:25

Onḍe girobasokʼko ehopʼen pạhil secʼ onko do Probhu Isor bako sewawae kan tahẽkana, onate uni do onko talare dhạcri kulkoe kolketʼkoa. Ar onko do onkoren hoṛkoko gocʼketʼkoa.

Levitikus 26:6

“Unre iń do disạmre sulukiń emokʼa. Ar suluktepe jạpitʼjoṅa; okoe hõ bako botor ocopea. Iń do disạm khon kaṭaha janwarkoń laga ńirkoa. Cele palṭonge apeakʼ disạmre do bako cahṭao daṛeakʼa.

Mikạ 3:12

Onatege Sion do ape iạte khet baṛge lekae cas ocokʼa, ar Jerusalem do dhaṅ dhaserakʼ ḍhipi leka hoyokʼa, ar koejoṅ oṛakʼ reakʼ buru do jhạuạkote dapal esedokʼa.

Jeheskel 33:28

Israel disạm do mitʼṭecʼ ujạṛ utạrakʼ ṭhạ̃igeń hoeocoya; uniyakʼ daṛe reakʼ bạḍạitetʼ do caba utạrokʼtaea ar uniyakʼ buru-ḍuṅgriko do ujạṛ akange tahena, ar onkate do celege bako sen paromokʼa.

Jeheskel 14:21

“Ńitokʼ iń Probhu Isorgeń menetʼ kana, iń do tinre Jerusalemren manwa ar janwarko gocʼko lạgitʼ uni upạrte lạṛhại, akal, bir janwarko ar mahamạri noa ponea botoranakʼ sạjạiyiń kola unre tinạkʼ artetʼ bạṛicʼ hoyokʼa!

Jeheskel 5:17

Am upạrte iń do akal ar jojom janwarkoń kolkoa; onko do amren hoponkoko jomkoa. Mahamạri ar mãyãm do amre ạtukʼa ar iń do am upạrte lạṛhạiyiń ạguiya. Iń Probhu Isorge noa katha doń meneda.”

Jirimiạ 15:3

Probhu Isore meneda, “Onko upạrte pon lekan nonosṭokoń kolkoa. Tarwaṛete doko gujukʼa, setako doko or cirạkoa, ar coṭren cẽṛẽko ar otren janwarko doko jomkoa arko mohor meṭaokoa.

Jesaea 24:6

Ona iạte mitʼṭecʼ sarap do dhạrtiye utʼ cabaea; ar uniren hoṛko do dusikoko hoyokʼa. Ona iạte dhạrtire okoeko girobasokʼ kan onko doko atar giḍi ocokʼa ar thoṛa hoṛge jiwetʼko tahena.

2 Bõsbudạ 15:5

Onako dinre jãhãte oḍok calakʼ ar hijukʼre jãhãn sulukge baṅ tahẽkana, ente sanam jaegare ạlmạlge tahẽkana.

2 Rapajko 2:24

Elisae do onko secʼ ạcurenteye beṅgetʼatʼkoa ar Probhu Isor ńutumteye sarapatʼkoa. Unre bir khon barea banakin oḍok hecʼente onko modren pongel bar goṭen koṛa kin khanḍa khunḍiketʼkoa.