Levitikus 26:19 - সান্তালী বাইবেল

¹⁹ Iń do apeakʼ daṛe reakʼ bạḍạigeń rạputʼ giḍitapea. Ar apeakʼ bohokʼ cetan reakʼ rimil do mẽṛhẽtʼ leka ar jaṅga latar reakʼ ot do pitạl lekań keṭecʼ ocoya.

Levitikus 26:19 Referans Kwoze

Dosar Biboron 28:23

Amakʼ bohokʼ cetan reakʼ serma do tamba leka ar latar ot do mẽṛhẽtʼ leka keṭecʼ hoyokʼa.

1 Rapajko 17:1

Gilead reakʼ Tisbe atoren Eliạ do Ahabe metadea, “Iń okoeyiń sewawaekan Israelren uni jiwetʼ Probhu Isorre kiriạkateń meneda, iń ạuriń men hạbicʼ darakan bochorkore sisir hõ baṅ ńurokʼa, ar dakʼ hõ bae daga.”

Luk 4:25

Eliại tahẽkan oktere pe bochor turui cando bae dakʼleda ar goṭa disạmre maraṅ akal hoylena, unre Israel disạmre ạḍi utạr rạnḍi maejiuko tahẽkana.

Sephaniạ 3:11

Ar ińre okako behok reakʼem kạmiakatʼ ona iạte enhilokʼ am dom lajaokʼa, ente niạ nagraha khon iń do sanam hulạsokʼ ar bạḍạiyokʼkan hoṛkoń oḍok giḍikoa. Ińakʼ sonot buru cetanre am do ar tishõ bam gorbokʼa.

Daniel 4:37

Ńitokʼ iń Nebukadnesar do uni sermaren raj sarhao, manot ar ṭhonokiń emaekana, ente uni okaṭakʼe cekae ona do ṭhikakʼgeye onkayeda, ar uniyakʼ jotowakʼ horge dhoromte perecʼgetaea. Ar okoe bạḍạiteko perecʼge uni do onkoe copotʼkoa.

Jeheskel 30:6

Misorren gate disạmkoren hoṛ doko gurokʼa ar uniyakʼ daṛe reakʼ bạḍại hõ cabakʼtaea. Migdol khon Seyene hạbicʼ hoṛko do lạṛhạireko gujukʼa. Iń Probhu Isorge noa katha doń meneda.

Jirimiạ 13:9

“Iń Probhu Isor do noa kathań meneda, Jihudạ reakʼ bạḍại ar Jerusalem reakʼ maraṅ bạḍại do nonkageń maraoa.

Jesaea 25:11

Paerakʼicʼ cetʼ leka tiye pasnaoetʼtae onkage onko hõ guricʼre akoakʼ tiko pasnaotakoa. Onkoakʼ ti reakʼ kurumuṭu do ạuṛiyakʼge hoyokʼtakoa; Isorge onkoakʼ bạḍại doe rạpudtakoa.

1 Samuel 4:11

Ar Isorakʼ goha sinduk do bạirikoko idikeda. Ar Eliren banar hopon Hopni ar Pinehas hõkin gocʼena.

Jeheskel 7:24

Onkoakʼ oṛakʼ-duạr dokhol lạgitʼ iń do jạt jạtrenko tala khon dusṭạmi jạtrenkoń ạgukoa. Iń do daṛeankoakʼ bạḍạiyiń rạpudtakoa, ar onkoakʼ sonot ṭhạ̃ikoń besapha ocoytakoa.

Jesaea 26:5

Okoe usul ṭhạ̃ireko girobasokʼ kan onko doe copotʼ akatʼkoa; uni do ona cetan nagrahakoe copotʼ ocoyeda. Ona do ot hạbicʼgeye copotʼeda, ar dhuṛireye milạueda.

Jesaea 2:12

Phạdkoren Probhu Isor do gorbokʼ ar bạḍại udukʼetʼ hoṛko ar cetanre menakʼko onko sanamko lạgitʼ mitʼṭecʼ dine ṭhik dohoakada; enhilokʼ do jotogeko tumbutʼ ocokʼa.

1 Samuel 4:3

Ado Israelren lạṛhại phạdko akoakʼ ḍerateko ruạṛ calaoen khan onkoren murubbikoko metatʼkoa, “Philsiṭiko ṭhen Probhu Isor do cedakʼ teheńe bhagao ocoketʼbona? Dela, Probhu Isorakʼ goha sinduk do Silo khon bon ạguiya jemon Probhu Isor do abo sãote tahẽkate bạirikoakʼ ti khone rukhiyạ bon.”

1 Rapajko 8:35

“Am birudre amren hoṛkoakʼ kại gunạkʼte tinre rimil esedokʼte bae daga unre onko do niạ jaegare ruạṛkate amko sarhaome ar am ṭhenko koejoṅ ar akoakʼ kại khonko ruạṛokʼ,

Jesaea 28:1

Hae, Ephrayimren bul hoṛkoakʼ mukuṭ lekan nagraha, one oka iạte onko doko bạḍạiyetʼ tahẽkan! Hae, ona Ephrayim reakʼ bạḍạite perecʼ ṭhonok reakʼ mosotʼ akan mala, one oka do buru-nala otet reakʼ muthnire menakʼakʼ! Ona buru-nalaren hoṛko do darkha rasateko ńũ oborakana.

Jirimiạ 3:3

Ona iạte achaṛ dakʼko akoṭokʼ kana ar niron din reakʼ dakʼ hõ baṅ hijukʼkana. Am do kusumbi ạimại lekagem ńelokʼkana; ar lajao hõ bam lajaokʼ kana.

Dosar Biboron 11:17

Onate Probhu Isor do ape cetanre edrete pit caṛhaokʼtaea ar serma reakʼ duạrkoe bond ocoya, onate dakʼ hõ bae kola ar jumire phosol hõ baṅ hoyokʼa. Ar okaṭakʼ mońj disạm Probhu Isorre emape lạgidokʼkan onḍe thoṛa dintegepe marao utạrokʼa.

Jeheskel 33:28

Israel disạm do mitʼṭecʼ ujạṛ utạrakʼ ṭhạ̃igeń hoeocoya; uniyakʼ daṛe reakʼ bạḍạitetʼ do caba utạrokʼtaea ar uniyakʼ buru-ḍuṅgriko do ujạṛ akange tahena, ar onkate do celege bako sen paromokʼa.