Levitikus 26:17 - সান্তালী বাইবেল

¹⁷ Iń do mẽtʼ ar mẽtʼteń ńelpea ar bạiriko ṭhenpe bhagao ocokʼa. Ar hirkhạwape hoṛge apeko ḍanṭaopea ar celege bako khudạupere hõ ape dope ńir baṛaea.

Levitikus 26:17 Referans Kwoze

Kạhtukko 28:1

Bedhoromko do begor khudạukotegeko dạṛ joṅa, menkhan dhorom hoṛ do dhạcri kul leka dil akaeko tahena.

Levitikus 17:10

“Jãhãe Israel hoṛ se onko talareye girobasokʼkan eṭakʼ jãhãn jạtren hoṛge mãyãme jom enḍekhan uni doń dea giḍikaea ar acʼakʼ jạtrenko khoniń meṭao utạrea,

Sereńko 53:5

Amre jhãp emokʼkankoakʼ jaṅ do uniye gejertakoa; onko do lahate botor baṅ tahẽkantakore hõ, enhõ ńitokʼ do ạḍi bạṛicʼko botorena; Isor do onkoe bad giḍikatʼkoa, onate onko do lajaorem paṛao ocoakatʼkoa.

Dosar Biboron 28:25

“Probhu Isorgeye nonkaea jemon ape do aperen bạiriko samaṅrepe bhagao ocokʼ. Ape do mitʼ horte jhãpe ema menkhan onko do eae horteko dạṛ pạnḍuja. Dhạrtiren eṭakʼ sanam rajosṭiren hoṛ do apeakʼ halot ńelte botorteko keklesedokʼa.

Jirimiạ 19:7

“ ‘Niạ ṭhạ̃ire iń do Jihudạ ar Jerusalemren hoṛkoakʼ goṭawakʼ iń ạuṛiyakʼ ocoytakoa. Ar okoe onkoakʼ jiwi hataoko khoj onko do onkoren bạiriko hotete lạṛhạireń gocʼkoa ar onkoakʼ mạ̃ṛĩ do coṭren cẽṛẽ ar bir janwarkoń jom ocokoa.

Bikʼcạrko 2:14

Ona iạte Probhu Isor do Israelko luluṭkoakʼ tireye jimạyetʼko tahẽkana. Onko do onkoakʼ jiniskoko luṭetʼ tahẽkana. Uni do onkoren beṛhaeten bạiriakʼ tireye jimạyetʼko tahẽkana, ar onate bạiriko upạrte bako teṅgo daṛeakʼkan tahẽkana.

Rak̕joṅ 1:5

Uni upạrtenko do uniren kisạ̃ṛko hoyakana; Uniren bạiriko do khạtirjomako tahenkana. Uniyakʼ ḍher ghạṭ iạte Probhu do dukreye paṛao ocoakadea. Uniren kạṭicʼ gidrạko do bondikate bạiriko laha lahateko senakana.

1 Samuel 31:1

Philisṭiko do Israelko tulucʼko lạṛhạiyena ar Israelko do onko samaṅ khonko dạṛkeda. Onko modren ḍherkoge Gilboa burure Philisṭiko hoteteko gocʼ ocoyena.

1 Samuel 4:10

Unre Philisṭiko doko lạṛhạiyena ar Israelkoko bhagao ocoyente apan ạpin oṛakʼteko dạṛkeda. Israelko do ḍhergeko gocʼ ocoyena; ar onkoren pegel lạṛhại phạdko gocʼena.

Genesis 4:12

Jumi dom casgea menkhan ḍher phosol do baṅ hoyokʼtama. Ar uḍạcal hoṛ leka dhạrtirem ạcur baṛaea.”

Josuạ 7:4

Ona iạte pe hajar gan hoṛ onḍeko senena; menkhan onko do Ae nagraharen hoṛko ṭhenko bhagao ocoyenteko dạṛ pạnḍucʼkeda.

1 Rapajko 8:33

“Am birudre kại gunạkʼte amren hoṛ Israelko akoren bạiri ṭhen khonko bhagao ocolenre ar am ṭhenko ruạṛ hecʼlenre ar koejoṅ oṛakʼre amko sarhaome ar am ṭhen nehõrkateko koejoṅ,

Sereńko 44:10

Bạiriko samaṅ khonem pạc ocoketʼlea; ale upạrtenko do aleko luṭ akatʼlea.

Jirimiạ 44:11

“Ona iạte iń Israelren phạdkoren Probhu Isor doń ṭhik dohoakada, ape cetanre muhiniń ạguiya ar goṭa Jihudạ disạmgeń marao utạra.

Jeheskel 15:7

Iń do onko upạrteń teṅgona. Ar seṅgel khonko oḍoklenre hõ onko do seṅgelgeye jomkoa. Iń do tinre onko upạrteń teṅgona unrepe baḍae daṛeakʼa, iń kangeạń Probhu Isor do.

Bikʼcạrko 3:8

Ona iạte Probhu Isor do Israelko cetanreye edre seṅgelena ar Aram-Nahrayimren raj Kusan-Risithayimakʼ tire onkoe jimạketʼkoa. Ar onko do irạl bochor uni tabereko tahẽyena.

Bikʼcạrko 3:14

Israelko do gel irạl bochor Moab raj Eglonakʼ tabereko tahẽyena.

Bikʼcạrko 6:2

Israelko cetanre Midiạnrenkoakʼ santao do nunạkʼ ḍher idiyena je, Israelko do buru reakʼ paṛakʼre, danderre ar buru cetan reakʼ gaṛkore asrayokʼko ehopʼena.

1 Samuel 12:15

Menkhan Probhu Isorakʼ bape batao ar uniyakʼ hukum upạrtepe taṛam, enḍekhan cetʼleka aperen hapṛamko sạjạiye ematʼko tahẽkan onkage ape hõe emapea.

2 Rapajko 13:3

Ona iạte Probhu Isor do Israel upạrte pit caṛhaoentaea; ar uni do Aramren raj Hasael ar uniren hopon Benhadadakʼ tire ghane ghạṛicʼe soprotetʼko tahẽkana.

2 Rapajko 13:7

Mõṛẽgel aswariko, gel goṭecʼ rãt gạḍi ar gel hajar palṭonko chaḍa Jehoahasren lạṛhại phạdren do ar celege bako tahẽkana, ente Aramren raj do sarecʼ sanamkoe marao giḍi utạrletʼkoa. Uni do ot lekage jaṅgateye lebetʼ gańjaoletʼkoa.

Sereńko 53:6

Israelkoakʼ babańcao do Sion khonge hijukʼa. Isor do tinre acʼren hoṛkoakʼ dosae ruạṛkatakoa unre Jakob bõskoren doko rạskạkʼa ar Israelko doko kusikʼa.

Jesaea 30:17

Mitʼ hoṛ botoraete aperen do hajar hoṛko dạṛa ar mõṛẽ hoṛ botorakote sanamkogepe dạṛ pạnḍuja; onate aperen lạṛhại phạdko do buru cetan reakʼ jhạnḍi chaḍa ar cetʼge baṅ tahentakoa.

Jesaea 63:10

Enhõ onko doko hulkeda ar uniren sonot Jiuko duk ocokedea. Ona iạte uni do onkoren bạiriye hoyena ar acʼtetʼge onko upạrte lạṛhạiye ehopʼena.

Rak̕joṅ 2:4

Bạiri leka uni do acʼakʼ sare aṛakʼ akatʼtaea, acʼakʼ jojomti tulkateye teṅgoyena mitʼṭecʼ modoi leka. Okoe ńelte onkoko rạskạkʼkan tahẽkan onko doe gocʼ giḍi akatʼkoa. Sion hoponerawakʼ tạmbure seṅgel leka acʼakʼ edreye dul akatʼtaea.