Levitikus 26:16 - সান্তালী বাইবেল

¹⁶ enḍekhan ape cetanre noakoń ạguya, iń do ackage apeakʼ hoṛmore khoy rogko, mẽtʼ bolokʼ rog ar jiwi loraokʼ rogkoń ạguiya. Ar ape do noako rog iạte bape ńeńela ar hoṛmo reakʼ daṛeko ńur cabakʼtapea. Unre itạpe erlere hõ jãhãn lab do baṅ hoyokʼtapea, ente apeakʼ phosol do bạirikoko joma.

Levitikus 26:16 Referans Kwoze

Jobakʼ 31:8

enḍekhan okań er akatʼ ona do eṭakʼ hoṛko jom ma, ińakʼ anaj do rehetʼ sudhạko totʼ giḍikakʼma.

1 Samuel 2:33

Enhõ am bõsren sanamko do ińakʼ pinḍ khon bạń chaṭao cabakoa jemon onko iạte hiḍir hiḍir mẽtʼdakʼ jorokʼte amakʼ ńeńel reakʼ daṛe cabakʼtam ar ontorre dukem ńam; ar am bõsren jotokoge juạn umerregeko gujukʼa.

Mikạ 6:15

Itạpe eragea menkhan phosol do bape getʼ rakapʼ daṛeakʼa; ape do jạitun jope lelena menkhan ona reakʼ sunum do bape beohar daṛeakʼa, ar darkha len katehõ ona reakʼ rasa hõ bape ńũ daṛeakʼa.

Jeheskel 33:10

“E manwa hopon, am do Israel jạtrenkom metakoa, ‘apepe meneda apeakʼ behokakʼ ar kại reakʼ bojhatepe lade ocoakana; ar onategepe heṛokʼkana, jiwetʼ tahen reakʼ asge bạnukʼtapea.’

Jirimiạ 5:17

Onko do apeakʼ phosol ar jomakʼko jomtapea, aperen hopon ar hoponerakoko jomkoa; onko do aperen bhiḍi-merom-ḍaṅgra palko jomkoa, ar apeakʼ sanam darkha bagwan ar loa dareko jom cabaetapea. Ar okaṭakʼ gaṛ nagraharepe bhorsakʼkan ona do tarwaṛeteko dhaṅdhasera.”

Sereńko 78:33

Onate onkoakʼ din do ạuṛiyakʼtegeye cabaketʼtakoa. Ar bochorko do torastege.

Dosar Biboron 28:51

Onko do aperen mĩhũ-meromko ar khet reakʼ phosolko jom cabaetapea ar sesrepe marao utạrokʼa. Ape lạgitʼ jãhãn phosol, nãwã darkha rasa, sunum se gại ḍaṅgra se bhiḍi meromkoren hopon hõ bako sarecʼkoa, ar ape do sesrepe marao utạrokʼa.

Ibriko 10:31

Jiwetʼ Isorakʼ tire paṛaokʼ do ạḍi botoranakʼ kangea.

Sakariạ 14:12

Ar jãhãn jạtrenko Jerusalem upạrteko lạṛhại khan Probhu Isor do onko jạtrenko mahamạriteye ńẽtʼkoa. Onko do teṅgo akaeko tahenrege onkoakʼ hoṛmo reakʼ jel do seakʼtakoa ar onkoakʼ mẽtʼ do mẽtʼ ṭhuyạ̃kʼre tahenrege seakʼa ar alaṅ hõ mocarege seakʼtakoa.

Hagae 1:6

Ape do ḍhergepe eretʼkana, menkhan thoṛagepe ireda. Jom dope jometʼgea, menkhan bape bikʼ kana. Darkha rasape ńũiyetʼkangea, menkhan ḍher do bape ńameda. Kicricʼpe horokʼetʼgea, menkhan bape lolokʼ kana. Ar beton ńamkate do bhugạkʼ thạilạkʼrepe dohoyetʼkana.

Jirimiạ 20:4

Ente Probhu Isore meneda, ‘apnar lạgitʼ ar ar amren gateko lạgitʼ mitʼṭecʼ torasgeń hoyocomea. Onko do am ńeńel tulucʼge akoren bạirikoakʼ tarwaṛeteko gocʼ ocokʼa. Iń do goṭa Jihudạ Babelren rajakʼ tireń soprota. Uni do onkoren ḍher hoṛge Babelteye bondi idikoa ar sarecʼ hoṛ do tarwaṛeteye gocʼkoa.

Jirimiạ 15:8

Onkoren rạnḍi maejiukoakʼ lekha do gaṅgaren gitil lekań hoeocoya. Am do bir banṭa hoṛren eṅgat kanam, amren hoṛko upạrte tikin jokhecʼ mitʼṭecʼ nonosṭoyicʼ iń ạguiyea; ar onko cetanre ackage haso ar botoriń paṛao ocoya.

Jirimiạ 12:13

Onko do guhumko ereda menkhan jạnumgeko ireda; onko do kạṭhinko khaṭaokʼkana menkhan cetʼge bako ńameda. Probhu Isorakʼ jolokʼkan edre iạte ape do apeakʼ phosol irpe lajaokʼ kana.”

Jesaea 10:4

Ape do bondiko talarepe tahena se gocʼkoren gatepe hoyokʼa; unre ape do cetʼge bape ceka daṛeakʼa. Ar niạko hoylenre hõ uniyakʼ edre do baṅ thirokʼtaea; ńit hõ uniyakʼ ti do tulge menakʼtaea.

Jesaea 7:2

Unre Dạud bõsren hoṛko men ocoyena, “Aramren lạṛhại phạdko do gate lekate Ephrayimreko ḍera akana.” Niạ katha ańjomkate Ahas ar uniren hoṛkoakʼ mon do botorte hoete bir reakʼ dareko leka dalmalaoentakoa.

Sereńko 109:6

Onko upạrte am do bedhorom bikʼcạrko bahalkom; ar okoe onkoko dusiko onko do onkoakʼ jojomsa aṛereko teṅgokʼma.

Sereńko 73:19

Onko do acʼkageko maraokʼa ar botoranakʼ muhinreko caba utạrokʼa.

Jobakʼ 20:25

Ona jhalkaokʼkan ạ̃pạ̃ṛi reakʼ kạni do uniyakʼ haṛhatʼ sisir khon oḍokokʼa, ar acʼakʼ hoṛmo khon ona doe or oḍoka. Ar ạḍi lekan botor unire hijukʼa.

Jobakʼ 18:11

Botor do uni beṛhaete tahena; ar taṛam pichạge ona doe khudạu baṛayea.

Bikʼcạrko 6:11

Mitʼdin Probhu Isorren goḍet do hecʼkate Ophra ato reakʼ Elon dare buṭạreye duṛupʼena. Ona jaega do Abieser bõsren Joasakʼ ạidạrire tahẽkana. Onḍe uniren hopon Gideon do Midiạnrenko ṭhen khon guhum okoe lạgitʼ darkha lelen kunḍre onae enokʼkan tahẽkana.

Dosar Biboron 32:25

Onkoren hopon ar hoponerako do nagraha bahrere tarwaṛe reakʼ hạnteko gujukʼa, ar oṛakʼ bhitrire botorteko udạsokʼa. Onkoren juạn koṛa ar kuṛiko, kạṭicʼ gidrạko ar haṛam buḍhiko doko marao utạrokʼa.

Exodus 15:26

Uni doe metatʼko tahẽkana, “Ape do aperen Probhu Isorakʼ kathape bataotaea ar uniyakʼ mẽtʼre oka lek reakʼ kan onape onkaea ar uniyakʼ hukumkope luturakʼa ar uni emakʼ sanam niạmpe dohoya, enḍekhan Misriko cetanre okako rog iń ạguletʼ ape cetanre ona bạń ạguya. Ar iń Probhu Isorge ape doń bogepea.”

1 Rapajko 8:37

“Disạmre akal se mahamạri ńellenre, ar phosol jhãoralenre se gocʼlenre, ar phosolko pohokoko jom cabaetakore, ar bạiriko onkoakʼ nagrahako gherao esetʼletakore, ar jãhãlekan ruạ se muhinko hecʼ paṛao akore,

Kạhtukko 3:33

Bạṛicʼ hoṛkoakʼ oṛakʼre Probhu Isorakʼ sarap tahena, menkhan Isor botoraekoakʼ oṛakʼ doe bhor atakoa.

Jesaea 62:8

Probhu Isor do acʼakʼ jojom tite, acʼakʼ daṛeanakʼ tite kiriạkateye men akada, “Iń do ar tishõ amakʼ anajko bạirikoakʼ tire bạń emokʼa ar okaṭakʼ darkha rasa lạgitʼpe khaṭaokʼkan ona hõ bidisiạko do tishõ bako ńũiya.

Jirimiạ 15:3

Probhu Isore meneda, “Onko upạrte pon lekan nonosṭokoń kolkoa. Tarwaṛete doko gujukʼa, setako doko or cirạkoa, ar coṭren cẽṛẽko ar otren janwarko doko jomkoa arko mohor meṭaokoa.

Jeheskel 24:23

Bohokʼre dạhṛipe tola ar jaṅgare cạṭkipe horoga. Ar bape homora se rakʼ hõ bape raga, menkhan apan ạpin ghạṭ iạtepe nijorokʼa ar eṭakʼko ṭhenpe geraṅ baṛaea.

Malaki 2:3

Ape khạtirte aperen bõskoń sạjạikoa; apeakʼ porobre samaṅokʼkan janwarkoakʼ mạilạ do apeakʼ mẽtʼãhãregeń thopramapea ar ona mạilạ sudhạ sạṅgińteń giḍikapea.”

Amos 5:11

Ape do reṅgecʼ hoṛpe santaoetʼkoa ar jor julumkate onko ṭhen khon guhumpe ạdạiyetʼkana. Ape do dhiri reakʼ maraṅ maraṅ oṛakʼkope benaojoṅ kangea menkhan onare do bape girobas daṛeakʼa. Ape do mońj darkha bagwanpe benao joṅkangea enhõ ona reakʼ darkha rasa do bape ńũ ńama.