Levitikus 26:15 - সান্তালী বাইবেল

¹⁵ ar ińakʼ niạmko bape hetawakʼ ar ińakʼ ạn-ạrikope nindạu ar ińakʼ hukumko bape senakʼte ińakʼ bondobospe rạpud,

Levitikus 26:15 Referans Kwoze

2 Rapajko 17:15

Onko do uniyakʼ joto niạm, onkoren hapṛamko lạgitʼ bandhaoakʼ uniyakʼ bondobos ar onko ṭhen uniyakʼ emakʼ sontor katha do bako aṅgocleda. Onko do ạuṛiyakʼren boṅgako sewawatʼkote ako hõko ạuṛiyakʼena. Probhu Isor do Israelko okoeko leka calakʼe baronletʼko onkage onko do beṛhaeten jạtrenko lekako kạmikan tahẽkana.

Dosar Biboron 31:16

Probhu Isor do Moseye metadea, “Am do amren hapṛamko ṭhen giticʼ lạgitʼem calakʼkana, menkhan noko hoṛ okaṭakʼ disạmko bolo lạgidokʼkan onḍe onko do ạnạṛi deb debi ṭhenko ạkhrińokʼa arko laṭghaṭa. Onko do ińko bạgiyińạ ar oka bondobosiń doholetʼ ona hõko rạpuda.

Jeheskel 16:59

“Amakʼ kạmi lekage am sãoteń beohara, ente ińakʼ bondobosem rạputʼ akatʼte ińakʼ kiriạwakʼem nihạ̃t giḍi akada.

Jirimiạ 11:10

Onko do onkoren hapṛamkoakʼ kại secʼgeko ruạṛ akana one okoe do ińakʼ katha ańjom bako rebenlen. Onko do debotako sewawako lạgitʼ onkoko pańjaketʼkoa. Onkoren hapṛamko lạgitʼ oka bondobosiń doholetʼ ona do Israel ar Jihudạren hoṛko bako manaoleda.

Jesaea 24:5

Dhạrti do uniren hoṛko besonot akada. Onko do ạn-ạriko bemanot akada; ạnko rạputʼ akada ar Probhu Isorakʼ bondobos leka do bako taṛam akada.

Numeri 15:31

Uni do Probhu Isorakʼ kathae nihạ̃t akatʼte ar uniyakʼ hukume bebatao akatʼte khạṭigeye marao ocokʼa, ar uniyakʼ dos do unirege paṛaokʼa.”

Ibriko 8:9

Misor disạm khon onkoren hapṛamko ti sapʼkateń oḍok ạguko jokhecʼ onko lạgitʼ oka bondobos iń doholetʼ tahẽkan, ona leka noa nãwã bondobos do baṅ hoyokʼa. Ińakʼ ona bondobos leka bako calaolente onko secʼ do bạń beṅgetʼ ruạṛeda.” Probhu Isor do noa kathae meneda.

1 Thessalonikikko 4:8

Onate okoe noa cecetʼakʼ bae hetawakʼ uni do manwa do baṅ, bickom okoe acʼren sonot Jiue dan akawatʼpe uni Isorge bae hetawae kana.

Romiko lạgitʼ Pạul Apostolakʼ ciṭhi 8:7

Okaṭakʼ mon do kại okae khoj onageye moneyakʼ, ona mon do Isor birudgea, ente ona do Isorakʼ ạn bae bataoa ar manao hõ bae manaoa.

Aposkạmi 13:41

Ape okoe do Isor sãotepe khiloḍkan, ańjompe ape do bhaṛokʼpe ar mohor meṭaokʼpe; ente ape bidạlrege iń do nonkanakʼ iń kạmiya one uniyakʼ katha ohogepe pạtiạulen, jãhãeye lạiyapere hõ baṅa.”

Jirimiạ 31:32

Onkoren hapṛamko Misor disạm khon ti sapʼkateń oḍok ạguko jokhecʼ onko lạgitʼ oka bondobos iń doholetʼ noa nãwã bondobos do ona leka do baṅ hoyokʼa. Iń do unkinren jãwãe lekań tahẽkanre hõ enhõ unkin do ińakʼ bondobos kin rạputʼ akada.

Jirimiạ 6:19

E pirthimi, ańjomme, iń do hoṛko cetanre muhiniń paṛao ocoya; ona do onkoakʼ hudis joṅ reakʼ joge hoyokʼa, ente ińakʼ katha do bako ańjomleda ar ińakʼ ạn-ạri hõko nihạ̃t giḍiakada.

Kạhtukko 5:12

Amem mena, “Hae! Iń do ḍanṭaoiń kurud akada, ar ińakʼ ontor do sudhrạukʼ reakʼ kathae nihạ̃t akada.

Kạhtukko 1:30

Ona iạte onko do ińakʼ solha hõ bako ataṅleda, samka sạṭikʼ lạgitʼ okań menletʼ ona do jaṅgateko lebetʼ gańjaokeda;

Kạhtukko 1:7

Probhu Isor botorae do ạkil reakʼ etohopʼ kana, menkhan lelha hoṛ do ạkil ar sikhạunako nihạ̃tetʼ kana.

Sereńko 50:17

Am ma ińakʼ ḍanṭaoem hirkhạwakʼ kan ar ińakʼ katha ma bam moneyakʼkan.

2 Bõsbudạ 36:16

Menkhan onko do Isoren kol hoṛkoko landa-dhutʼako kan tahẽkana, ar onkoakʼ kathako chi baṅakʼ kan tahẽkana ar uniren nạbikoko ṭiṭkạriyetʼko tahẽkana. Mucạtʼre Probhu Isorakʼ edre do uniren hoṛko upạrte caṛhaoena; ar rukhiyạ ńam lạgitʼ jãhãn hor do ar baṅ tahẽlen takoa.

Levitikus 26:43

Ar jarkhar iạte akoakʼ disạmko bạgiyakʼ tayom onkoakʼ disạm do jirạukʼ bochor reakʼ suke joma. Onko do ińakʼ bicạrko nihạ̃t akatʼte ar ińakʼ ạn-ạriko hirkhạ akatʼte sạjạiko ńamgea.

Exodus 24:7

Ona tayom uni do bondobos olakʼ puthi hataokate hoṛkoe paṛhao ańjomatʼkoa. Unre hoṛko doko roṛ ruạṛadea, “Ale dole bataoa ar Probhu Isor okakoe menakatʼ ona jotowakʼle palona.”

Exodus 19:5

Onate ińakʼ kathako dohoy ar ińakʼ bondobos lekako calakʼ enḍekhan dhạrtiren sanam jạtrenko khon onkoge ińren bises sompottiko hoyokʼa, ente dhạrtiren sanam hoṛge ińakʼ ạidạrire menakʼkoa.

Genesis 17:14

Ar okoe hoṛakʼ hereltetʼ reakʼ laha harta bae getʼ giḍikakʼ uni do jạtrenko tala khone marao ocokʼa, ente uni do ińakʼ bondobose bemanot akada.”

Levitikus 26:9

Unre iń do daya mẽtʼteń ńelpea ar apeń bạḍ ocopea ariń saṅge ocopea, ar ape sãote ińakʼ bondobosiń bandhaoa.

Levitikus 26:11

Iń do bạń dea giḍikapea. Ape talaregeń girobasokʼa.

1 Samuel 12:15

Menkhan Probhu Isorakʼ bape batao ar uniyakʼ hukum upạrtepe taṛam, enḍekhan cetʼleka aperen hapṛamko sạjạiye ematʼko tahẽkan onkage ape hõe emapea.