Levitikus 26:13 - সান্তালী বাইবেল

¹³ Ińge Probhu aperen Isor do. Misor disạm khon ińgeń oḍok ạgu akatʼpea jemon Misri hoṛkoren golamko ar alope tahen. Apeakʼ taren reakʼ ãṛãṛ rạputʼkate ińge apeakʼ bohokʼ iń sojhetapea.

Levitikus 26:13 Referans Kwoze

Jeheskel 34:27

Ona do ṭạnḍi reakʼ darekore joye sapʼ ocoya ar ot do phosole emokʼa; ar onko do apan ạpin jumireko girobasokʼa. Ar onkoakʼ arãṛ tinreń rạputʼ giḍikakʼa ar okoe do golamko benaoletʼko onkoakʼ ti khoniń chaḍao ạgukoa, ar unreko baḍae daṛeakʼa, ińkangeạń Probhu Isor do.

Sereńko 116:16

E Probhu Isor, sạrige iń do amren golam kạnạń, amren golamge, ar amren kạ̃ṛmĩren gidrạge; amge ińakʼ tonolem raṛa akatʼtińạ.

Levitikus 25:38

Ińge Probhu aperen Isor do. Ińge Kanan disạm emape lạgitʼ ar aperen Isor hoyokʼ lạgitʼ Misor disạm khoniń oḍok ạguakatʼpea.

Exodus 20:2

“E Israelko, ińge amren Probhu Isor do. Misor disạm khon golam oṛakʼ khon ińgeń oḍok ạguakatʼmea.

Jirimiạ 2:20

“Ḍher din laharege am do amakʼ arãṛem rạputʼ giḍi akada ar amakʼ tonolem topakʼ akada; arem meneda, ‘am do bạń sapʼ sorama.’ Am do mimitʼ usul buru ar hạṛiạṛ dare buṭạkore kusumbi leka ombakʼkatem laṭghaṭetʼ kana.

Levitikus 25:55

Israelko do ińren golam kanako. Ińge Misor disạm khoniń oḍokʼ ạgu akatʼkoa; onko do ińrenge golam akanko tahena. Ar ińkangeạń Probhu aperen Isor do.

Jesaea 51:23

Ona bạṭi do amren cikʼpạkankoakʼ tireń jimạya, ar okoe amko metam kan, ‘ma ombagokʼme, jemon am cetanteń taṛam parom daṛeakʼ.’ Am cetante taṛam paromokʼ lạgitʼ amakʼ dea do ot ar kulhi lekam hoyocoakada.”

Levitikus 25:42

Israel do ińren golam kanako; ińge Misor disạm khoniń oḍok ạgu akatʼkoa; onate onko do ar tishõ golam lekate bako ạkhrińokʼa.

Exodus 6:7

Ona tayom ińren hoṛ menkate apeń ataṅpea ar aperen Probhu Isoriń hoyokʼa. Unrepe baḍae daṛeakʼa, iń Probhu Isor doń aperen Isor kana, ar Misorrenkoakʼ bojhatepe ten akan khon ińgeń oḍok ạguakatʼpea.

Jeheskel 30:18

Iń do tinre Misor reakʼ arãṛiń rạputʼ giḍikakʼa unre Tahpanhesre siń do ńutokʼa; onḍe uniyakʼ daṛe reakʼ bạḍạitetʼ hõ cabakʼtaea. Uni do rimilteye danaṅ esedokʼa ar uniyakʼ atoren hoṛko do bondikateko idi ocokʼa.

Hosea 11:4

Iń do daya reakʼ baberte ar dulạṛ reakʼ tonolteń calaoetʼko tahẽkana; onkoakʼ taren khon arãṛiń ocokʼkeda ar eṅgotʼkateń jom ocoyetʼko tahẽkana.

Exodus 14:8

Probhu do Misorren raj Pharaoakʼ mone keṭecʼ ocoketʼtaea. Ar Israelko dilkate samaṅ secʼko sen idikʼkan tahẽkanre uni do onkoe khudạu idiketʼkoa.

Jesaea 9:3

Am do onko jạtrenkom ḍherkoa ar onkoakʼ rạskạm maraṅtakoa; phosol ir jokhecʼ cetʼ leka hoṛko rạskạkʼ, luṭakʼ jinis hạṭiń oktere cetʼ leka rạskạ hecʼako, onkage onko do am samaṅreko rạskạkʼa,

Jirimiạ 28:2

Israelkoren Isor phạdkoren Probhui meneda, ‘iń do Babelren rajakʼ arãṛ iń rạpudtaea.

Jirimiạ 28:4

Ona chaḍa iń do Jehoyakim hopon Jihudạren raj Jekoniạ ar Jihudạren eṭakʼ bondiko okoe do Babelteko senakan onko hõ niạ jaegateń ruạṛ ạgukoa, ente Babelren rajakʼ arãṛ doń rạputʼ giḍiytaea. Iń Probhu Isorge niạ katha doń meneda.’ ”

Nạhum 1:13

Ńitokʼ do amakʼ taren khon onkoakʼ arãṛiń rạputʼ giḍikakʼa ar amakʼ tol koń topakʼ giḍikakʼa.”