Levitikus 25:9 - সান্তালী বাইবেল

⁹ Ar ona dosar bochor reakʼ eae cando reakʼ gelakʼ dinre, metakʼme kại reakʼ puruchun dinre apeakʼ disạmre sanam jaegare sakwape oroṅa.

Levitikus 25:9 Referans Kwoze

Levitikus 23:27

“Niạ eae cando reakʼ gelakʼ din do kại ńutumte puruchun reakʼ din kana. Ona din do apeakʼ mitʼṭecʼ sonot jarwakʼpe hoeocoya ar apnarakʼ jiwipe nindhạntapea. Ar apeakʼ ona din do Probhu Isor ńutumte seṅgelteakʼ samaṅokʼakʼpe samaṅa.

1 Thessalonikikko 1:8

Eken Makedoniạ ar Akhaea Prodesrege ape ṭhen khon Probhu Isorakʼ katha pasnao akana ona do baṅ, menkhan Isorre apeakʼ biswạs reakʼ katha hõ sanam jaegakore seṭer akana. Ar noa babotre aleakʼ do mementeakʼ cetʼge jạruṛ bạnukʼtalea,

Romiko lạgitʼ Pạul Apostolakʼ ciṭhi 10:18

Menkhan ińiń mena, Israelko do cetʼ ona katha bako ańjom ńamleda? Khạṭigeko ańjom akada. Sonot sostore meneda, Onkoakʼ aṛaṅ do goṭa dhạrtire ḍamḍahe akana, ar kathako hõ pasnao akana dhạrti reakʼ mucạtʼ hạbicʼge.

Sereńko 89:15

Bhạgangeako onko hoṛ do, okoe do ona rạskạ aṛaṅko ańjomakatʼ; E Probhu Isor, amakʼ mẽtʼãhã reakʼ marsalte onko doko dãṛãn kana.

Numeri 36:4

Israelkoakʼ ruạṛ ńam bochorre onkoakʼ sompotti do sesre akoren jãwãekoakʼ gusṭi reakʼ sompotti sãote midokʼa. Ar nonkate aboren hapṛamkoakʼ gusṭi reakʼ sompotti khon onkoakʼ sompotti do oḍok hoyokʼa.”

Numeri 10:10

Apeakʼ rạskạ ar porob oktere, ape lạgitʼ niṭ akan eṭakʼ eṭakʼ porobkore ar cando reakʼ jeredokʼ samaṅokʼakʼ ar sulukren samaṅokʼakʼpe samaṅre pepṛẽtʼpe oroṅa. Onate ape do Isor samaṅrepe hạjir ocokʼa. Ar iń kangeạń aperen Probhu Isor do.”

Levitikus 27:24

Ar ona jumi okoe ṭhen khone kiriń ona do hulạsokʼ bochor arhõ uni ṭhen, metakʼme lahaten jumiren mạlik ṭhen ruạṛokʼa.

Levitikus 27:17

Ar hulạsokʼ bochorre acʼakʼ jumi Probhu Isor ńutumteye sonot khan enḍekhan naeke oka dame ṭhikae onage jumi reakʼ dam do hoyokʼa.

Levitikus 16:30

ente niạ dinrege kại ńutumte puruchun reakʼ kạmikatepe saphakʼa, ar ona tayom do Probhu Isor samaṅre apeakʼ sanam kại khonpe sapha utạrokʼa.

Levitikus 16:20

“Sonot utạrakʼ ṭhạ̃i, ńapamokʼ tạmbu ar pinḍ ńutumte puruchun reakʼ kạmi sạtkate Aron do uni jiwetʼicʼ merom bodae ạguiyea.

Levitikus 25:8

“Eae jirạukʼ bochorre, metakʼme eae jirạukʼ bochorpe lekhaya. Ar ona eae jirạukʼ bochor paromlen khan pongel are bochor hoyokʼa.

Josuạ 6:4

Ar eae naekeko do bheḍa dereń reakʼ eae goṭecʼ sakwa do bondobos-sinduk laha lahate idikʼa. Ar eaeakʼ dinre ape do nagraha beṛhaete eae dhaope ạcurokʼa ar ona sãote naekeko do sakwako oroṅa.

Jesaea 27:13

Enhilokʼ maraṅ mitʼṭecʼ sakwa do oroṅokʼa. Unre Ạsur disạmre okoe do atʼko tahẽkan ar Misorte okoeko laga ńir ocolen onkoko ruạṛ hijukʼa ar Jerusalem reakʼ sonot burure Probhu Isorko sewawaea.

Levitikus 16:29

“Inạ tayom okań menetʼ ona do ape lạgitʼ mitʼṭecʼ tahẽ utạrakʼ niạmge tahena. Bochor reakʼ eae cando reakʼ gelakʼ dinre ape do apeakʼ ontorpe nindhạn ocoytapea. Enhilokʼ do cetʼge alope kạmiya. Israelkoge cetʼ ar Israelko talareko girobasokʼkan eṭakʼ jạtren hoṛkoge cetʼ, ona do sanamko manao hoyokʼtapea,

Sereńko 89:16

Goṭa dinge am iạteko rạskạkʼ kana; amakʼ dhoromge onko do coṭteye rakapʼetʼkoa.