Levitikus 25:23 - সান্তালী বাইবেল

²³ “Jaejug lạgitʼ okoeyakʼ jumi hõ baṅ ạkhrińokʼa, ente joto jumi do ińakʼ kana ar iń samaṅre ape do porjạtrenko lekape girobasokʼa.

Levitikus 25:23 Referans Kwoze

1 Patras 2:11

E gateko, noa dhạrtire ape do upriạko kanape ar eṭakʼ disạmre thoṛa dinpe tahẽnkante iń do asokaeteń nehõrape kana, jel reakʼ sana khon sahaṛ akae tahenpe,

Sereńko 39:12

E Probhu Isor, ińakʼ koejoṅ ańjomtińme; ar goṛowạń lạgitʼ ińakʼ rakʼ joṅ ańjomtińme; ińakʼ mẽtʼ dakʼ ńelte am do alom thir hapekokʼa; ente ińren sanam hapṛamko cetʼlekako tahẽkan onkage ińhõ dhạrtire upriạ hoṛko leka minạńa.

Jeheskel 48:14

Liwiko ona jumi do bako ạkhriń daṛeakʼa se akoakʼ hĩs hõ bako bodol daṛeakʼa. Ona do joto khon bhageakʼ jumi kana ar eṭakʼkoakʼ tire ona emako do baṅ ganokʼa, ente Probhu Isor ńutumte ona do sonot akana.

Sereńko 24:1

Dhạrti ar onare menakʼakʼ jotowakʼge Probhu Isorakʼ kana; Prithimi ar onare tahenko hõ uniren kanako;

1 Bõsbudạ 29:15

Ale do amakʼ mẽtʼre aleren sanam hapṛamko leka bidisiạ hoṛ kanale. Dhạrtire aleakʼ dinko do umul leka, aleakʼ do jãhãn asge bạnukʼtalea.

Dosar Biboron 32:43

E sanam jạtren hoṛko, Probhu Isorren hoṛko sãote uni baṛe sarhaoepe, ente acʼren gutikoakʼ mãyãm reakʼe hala hạliya, uni do acʼren bạirikoe sạjạikoa ar acʼakʼ disạm ar acʼren hoṛkoakʼ kại ikại reakʼe bondobosa.

Exodus 19:5

Onate ińakʼ kathako dohoy ar ińakʼ bondobos lekako calakʼ enḍekhan dhạrtiren sanam jạtrenko khon onkoge ińren bises sompottiko hoyokʼa, ente dhạrtiren sanam hoṛge ińakʼ ạidạrire menakʼkoa.

Joel 3:2

unre iń do sanam jạtrenkoń jarwa mitʼkoa ar Jehosaphat reakʼ buru nalareń pheḍ ạgukoa. Onḍe ińakʼ sompotti, metakʼme ińren hoṛ Israelko reaṅ onko upạrteń bicạra, ente jạt jạtrenko tala khon onko do ińren hoṛko chirchạturletʼkoa ar ińakʼ disạmko hạṭińjoṅan tahẽkana.

Joel 2:18

Unre Probhu Isor do acʼakʼ disạm lạgitʼe ãṭokʼa ar acʼren hoṛkoe mãyãwakoa.

Hosea 9:3

Onko do Probhu Isorakʼ disạmre bako tahena; Ephrayim do Misorteye ruạṛ calakʼa ar Ạsur do besaphawakʼ jomakʼgeye joma.

Sereńko 85:1

E Probhu Isor, amakʼ disạm lạgitʼ do dayam udukʼ akada; am do Jakob acʼakʼ bondi dosa khonem ruạṛ ạguakadea.

2 Bõsbudạ 7:20

enḍekhan iń okaṭakʼ disạmiń emakawatʼpe ona khon rehetʼ sudhạń totʼ giḍikapea ar iń ńutumte okaṭakʼ koejoṅ oṛakʼ iń begar dohoakatʼ ona hõ ińakʼ mẽtʼãhã samaṅ khoniń sạṅgiń giḍikakʼa. Unre sanam jạtrenko ṭhen ona oṛakʼ do landa-dhutʼakʼ iń hoeocoya.

Levitikus 25:10

Noa mõṛẽ gelakʼ bochor do Probhu Isor ńutumtepe begar dohoya ar disạmren sanam hoṛko ṭhen chaḍaokʼ reakʼpe lại sodora. Ape lạgitʼ niạ do ‘hulạsokʼ bochor hoyokʼa.’ Niạ bochorre ape mimitʼko do apan ạpin bõsrenko ar apan ạpin gharońjrenko reakʼ sompottirepe ruạṛ calakʼa.

Jesaea 8:8

ar Jihudạ disạm talateye ạtu idiyte uniyakʼ hoṭokʼ hạbicʼe cape rakapʼ ocoya. E Immnuel, Ạsurren raj do oneye lap lapa akatʼtae phạ̃kṛạ̃kʼte amakʼ goṭa disạme umul eseda.

Sereńko 119:19

Iń do dhạrtire girobas akan mitʼṭen porjạt hoṛ kạnạń; amakʼ hukum do iń khon alom danaṅ dohokakʼa.

1 Rapajko 21:3

Menkhan Nabate roṛ ruạṛkeda, “Ạpuń ar goṛomiń ṭhen khoniń ńamakatʼ sompotti amiń emam ona Probhu Isor do aloe hoyocoyma.”

Genesis 47:9

Jakobe menkeda, “Noa dhạrtire thoṛa dinren hoṛ lekate ińakʼ umer do mitʼ sae pegel bochor paromena. Menkhan onako din reakʼ lekha do ḍher din baṅkana, ona do duktege parom akana. Tobe thoṛa dinren hoṛ lekate ińren hapṛamko tinạkʼ dinko khemao akatʼ unạkʼ din iń do bạń khemao akada.”

Genesis 23:4

“Iń do eṭakʼ disạm khon upriạ lekate apeko talareń girobasokʼ kana. Ona iạte dayakate topa ṭạnḍi benao lạgitʼ ape talare thoṛa jaega aṛakʼ ạńpe jemon ińren bạhuń topa daṛeae.”

Exodus 2:22

Silpạren mitʼṭen koṛa gidrại hoyen khan Mose do uniyakʼ ńutum Gerseme dohoketʼtaea, ente uni doe menkeda, “Iń do upriạ hoṛiń hoyakana.”

Levitikus 25:24

Ape mimitʼkoakʼ kiriń akatʼ jumi jemon arhõpe chaḍao ruạṛ daṛeakʼ ona reakʼ bebostape dohokakʼa.

Sereńko 39:13

Iń khon eṭakʼ secʼ beṅgedme, jemon ạuriń calakʼre, ar ạuriń uṭhạukʼre, arhõń kharsala daṛeakʼ.