Biblia Todo Logo
Bib sou entènèt

- Piblisite -




Levitikus 25:21 - সান্তালী বাইবেল

21 Enḍekhan turuiyakʼ bochorre iń do nonkań bhorapea jemon pe bochor hạbicʼ phosol calakʼtape.

Gade chapit la Kopi




Levitikus 25:21
13 Referans Kwoze  

“Apeakʼ murạiko cetanre Probhu Isorakʼ bhor tahena ar jãhãnakʼrege hatpe em onarege uni doe jo-baha ocoytapea. Aperen Probhu Isor do acʼakʼ noa disạmregeye bhorapea.


Probhu Isor okoeye bhorae uni doe kisạ̃ṛgea; ar ona bhorre jãhãn duk ar kosṭo do baṅ tahena.


Cacasicʼ lạgitʼ itạ ar jom lạgitʼ piṭhạ okoeye kulạu juṛạuetʼ, uni do erokʼ lạgitʼ itạ hõe kulạuapea are baḍhao ocoytapea; ar apeakʼ dhorom reakʼ phosole borket ocoytapea.


Ona do Hermon buru reakʼ sisir dakʼ leka one oka do ạtu pheḍokʼkan Sion burure; ente Probhu Isor do onḍegeye ạsirbad akawada, ar ona ạsirbad do jaejug jionge.


“Apeakʼ tahen ṭhạ̃i ar khet-baṛgeko reakʼ jotowakʼ cetanre bhor paṛaokʼa.


Ńelpe, ape lạgitʼ jirạukʼ mãhã reakʼ noa bondobos do Probhu Isorgeye dohoakada. Onate turui mãhã hilokʼ uni do bar din reakʼ jomakʼe jogao ape kana. Ar eae mãhã hilokʼ do okoe hõ oṛakʼ bahrete alope oḍokokʼa, bhitrirege tahenpe.”


Ar ona eae bochor Misor disạmre asambheṛ phosol hoyena.


Isahak do ona bochorge ona disạmreye cas-abadkeda ar mitʼsae doboṛ phosole ńamkeda. Probhu Isor do uniye bhoradea,


Menkhan eae bochorre do jumikope jirạu ocowakʼa. Noa jirạukʼ do Probhu Isor ńutumtege hoyokʼa. Unre jumire jãhãn itạ alope era ar darkha nạ̃ṛĩ hõ alope kamana.


Jirạukʼ bochorre jumire acʼte oka janamokʼ onage apeko lạgitʼ, guti kạ̃ṛmĩko lạgitʼ, ape talareko girobasokʼkan eṭakʼ jạtren kạmiyạko lạgitʼ, eṭakʼ hoṛko lạgitʼ,


Iń do onkoń bhorakoa ar ińakʼ buru reakʼ beṛhaeteakʼ ṭhạ̃iko hõń bhorakʼa. Iń do okte nạpitre dakʼ iń kola; ar ona do ạsirbad reakʼ dakʼge hoyokʼa.


Hapta reakʼ turuiyakʼ dinre jemon din hilokʼ reakʼ dobṛa halaṅkate jomakʼko benaojoṅ.”


Swiv nou:

Piblisite


Piblisite