Levitikus 25:18 - সান্তালী বাইবেল

¹⁸ “Ińakʼ niạm manaope ar ińakʼ ạn-ạriko senakʼpe; onate disạmre khạtirjomape girobasokʼa.

Levitikus 25:18 Referans Kwoze

Jirimiạ 23:6

Unre Jihudạ do rukhiyại ńama ar Israelko do khạtirjomako girobasokʼa. Ar uni do noa ńutumgeye hoho ocokʼa ‘Probhu Isorge aboakʼ dhorom do.’

Dosar Biboron 12:10

Aperen Probhu Isor do sompotti lekate okaṭakʼ disạme emape lạgidokʼkan ar jordan gaḍa paromkate tinre onḍepe girobasokʼa unre uni do beṛhaeten bạiriko sãote lạṛhại khone jirạu ocopea, ar nirạite onḍepe girobasokʼa.

Kạhtukko 1:33

Menkhan okoe ińakʼ kathako ańjom onko do khạtirjomako girobasokʼa; onko do sulukteko tahena, ar bạṛicʼakʼ do bako botorakʼa.”

Sereńko 4:8

E Probhu Isor, amge bin botortem doho akadińạ, onate iń do sulukteń jạpida.

Jeheskel 33:29

Onkoakʼ hirkhạwakʼ sanam kạmiko iạte tinre disạm do ujạṛ utạrakʼ iń hoeocoya unre onko doko baḍae daṛeakʼa, ińkangeạń Probhu Isor do.

Jirimiạ 33:16

Ona jokhecʼ Jihudạren hoṛ do bańcaoko ńama ar Jerusalemren hoṛ do khạtirjomako girobasokʼa. Uni do niạ ńutumgeye hoho ocokʼa, ‘Probhu Isorge aboakʼ dhorom do.’

Dosar Biboron 33:28

Onate Israel do khạtirjomae tahena. Jakob reakʼ jharna do eskarge tahena; onḍe do ḍher phosol ar nãwã darkha rasa hoyokʼa, ar onare do serma reakʼ sisir dakʼe jorowakʼa.

Dosar Biboron 33:12

Benjạmin reaṅ uni doe menkeda, “E Probhu Isor okoeyem dulạṛedekan uni do khạtirjoma unireye tahena; ar jao ghuṛi uni doe aḍ dohokaea; uniyakʼ tarenregeye tahena.”

Levitikus 19:37

Ińakʼ sanam niạmko manaope ar ińakʼ sanam ạn-ạriko dohoype. Iń kangeạń aperen Probhu Isor do.”

Jirimiạ 25:5

Onko do Probhu Isorakʼ noa kathako metatʼko tahẽkana, ‘Ape do ńitokʼ apeakʼ bạṛicʼ hor ar bạṛicʼ kạmiko khon ruạṛokʼpe, enḍekhan oka disạm aperen hapṛamkoń ematʼko tahẽkan ona disạmre ape do jaejug hạbicʼpe tahẽdaṛeakʼa.

Levitikus 25:19

Unre ape do jumi khon purạ phosolpe ńama ar lacʼ bikʼpe jomte khạtirjomape tahena.

Levitikus 19:19

“Ińakʼ niạm manaope. Ar judạ judạ jạtren janwarko alope (otoṅ) milạu mitʼ ocokoa. Mitʼ khetre bar lekan itạ hõ alope era. Ar bar lekan sutạm reakʼ teńakʼ kicricʼ hõ alope horoga.

1 Rapajko 5:5

Ona iạte iń do ińren Probhu Isor ńutumte mitʼṭecʼ mundil iń benaoa. Probhu Isor do ińren ạpuńe metade tahẽkana, ‘amren okoeṭakʼ hopon do amakʼ siṅghạsonreń duṛube unige iń lạgitʼ mitʼṭecʼ mundile benaoa.’