Levitikus 25:14 - সান্তালী বাইবেল

¹⁴ Ape talare jumi kiriń-ạkhriń jokhecʼ okoe cetanre hõ alope behoka.

Levitikus 25:14 Referans Kwoze

Levitikus 19:13

“Am aḍepaseren hoṛ alom julumea ar jãhãnakʼ alom rejeya. Khaṭaoicʼ reakʼ mujuri do enhilokʼge emkataeme; ona do setakʼ hạbicʼ alom doho aṅgaea.

Levitikus 25:17

Okoe cetanre hõ alope behoka. Ar sanamkoge aperen Isor botoraepe, ente iń Probhuge aperen Isor do.

Jeheskel 22:7

Am talarege hoṛko do eṅga-apako nihạ̃tetʼkoa, bidisiạkoko santaoetʼkoa ar ṭũạr amar ar rạnḍi maejiuko tulucʼ hõko jor julumeda.

Jesaea 58:6

“Iń do nonkan upạsgeń khojkana; ape do apeakʼ bedhorom reakʼ sikṛi ar arãṛ reakʼ baber raṛaetape, jorjulumko chaḍaokope ar mitʼke mitʼ arãṛ rạputʼ giḍikakʼpe,

1 Korinthiko 6:8

Ona bodolte apegepe behokeda, arpe rerecʼ kana ar ona do aperen boehako cetanregepe onkayeda!

Luk 3:14

Ar palṭonko hõko kulikedea, “Ale do cetʼle cekaea?” Uni doe metatʼkoa, “Jor julumkate se behok lekate dusikate okoe ṭhen khon hõ cetʼge alope hataoa ar apeakʼ kuṛạirege kusi akae tahenpe.”

Mikạ 7:3

Onkoakʼ banar ti do behokakʼ kạmi lạgitʼ gạkhuṛgetakoa. Mukhiyạko do sandesko khojkana, bikʼcạrko do ghusko jomeda, ar kisạ̃ṛko okako khojkan onako baḍae ocokana; ar onko jotoge mitʼ domte phundiko aṭaoetʼkana.

Jirimiạ 22:17

Menkhan amakʼ mẽtʼ ar mon do eken behokakʼ hameṭjoṅ, miridoskoakʼ mãyãm ar santao ar julum reakʼge menakʼa.”

Jesaea 33:15

Unigeye daṛeakʼa, okoe do dhoromteye colonetʼkan ar hok reakʼkoe roṛetʼkan, ar okoe do julum reakʼ labkoe hirkhạwakʼ kan ar ghus hatao khon pharakreye tahenkan, okoe hoṛ do khũn reakʼ alo ańjom lạgitʼ luture tubetʼetʼtae ar bạṛicʼakʼ kạmi ńel khon mẽtʼe jạpitʼkatae kan.

Jesaea 5:7

Phạdkoren Probhu Isorakʼ darkha bagwan do Israel bõsren hoṛkoge; ar Jihudạren hoṛko do rạskạwanakʼ darkha nạ̃ṛĩge. Uni do hok bicạr reakʼe ńam baṛakeda menkhan mãyãme ńelkeda; uni do dhorom reakʼe ńam baṛakeda menkhan duk reakʼ rakʼe ańjomkeda.

Jesaea 1:17

Bhageakʼ kạmi reakʼ cetʼ joṅpe, hok reakʼ bicạrpe, sasantaoko sudhrạukope, reṅgecʼko secʼ tahenpe, ar rạnḍi maejiukoakʼ teṅgo goṛowakope.”

Sosolhayic̕ 5:8

Amakʼ elakaren jãhãe reṅgecʼ hoṛ santao ocokʼem ńellere se jãhãe hoṛakʼ hok reakʼ bicạr ar hok reakʼ ạidạri bae ńametʼkanem ńellere alom botorokʼa, ente mitʼ kạmiạyicʼ cetanre maraṅ ar mitʼ kạmiạyicʼ menaea ar unkin banahoṛ cetanre arhõ maraṅ kạmiạyicʼ menaea.

Kạhtukko 28:16

Okoe disạm cakʼlaoicʼakʼ bud bạnukʼtae uni doe santaoa; ar okoe cakʼlaoicʼ laloce hirkhạwakʼ uni do ḍher din jiwetʼe tahena.

Kạhtukko 28:8

Okoe hoṛ jãhã lekan sudtege acʼakʼ dhone baḍhaotae, uni do nandanko dayawako lạgitʼge onae jarwayeda.

Kạhtukko 28:3

Nandankoe jor bojorko kumãyã cạlạua hoṛ do baratʼ baratʼ dakʼ lekanae one onate phosol ḍahaokʼ.

Kạhtukko 22:16

Dhon lab lạgitʼ okoe hoṛ reṅgecʼkoe santaoko se okoe hoṛ kisạ̃ṛkoe danako unkin banar hoṛge ṭonṭare kin paṛaokʼa.

Kạhtukko 21:13

Okoe hoṛ reṅgecʼkoakʼ rakʼjoṅre luture tubetʼetʼtae, Uni do tinre acʼe rakʼ homora unre okoe hõ bako luturataea.

Kạhtukko 14:31

Okoe reṅgecʼ hoṛe santaoko uni do sisirjạuicʼe henostawae kana, menkhan okoe hoṛ okulankoe dayawako uni do acʼren sisirjạuicʼe manotea.

Sereńko 10:18

Am dom onka akada, jemon ṭũạr amar ar santaokʼkan hoṛko secʼem teṅgo daṛeakʼ. Jemon niạ dhạrtirenko bako botor ocodaṛeako.

2 Bõsbudạ 16:10

Niạ katha ańjomkate uni do ńeńelicʼ cetanre ạḍiye raṅgaoente hajot khanareye bhoraokadea. Ar onako dinre Asa raj do adom hoṛko cetanreye julumkeda.

Bikʼcạrko 4:3

Jabinakʼ do irạl sae mẽṛhẽtʼ reakʼ rãt gạḍiko tahẽkantaea ar uni do bargel bochor hạbicʼ Israelko cetanre ạḍi bạṛicʼ jor julume caloetʼ tahẽkana. Onate Israelko do Probhu ṭhen goṛo ńam lạgitʼko rakʼkeda.

Levitikus 25:15

Okoe jumiye kiriń uni do hulạsokʼ bochor tayom tinạkʼ bochor hoyakan ona hisạbkate ona jumiye kirińa ar okoe ona jumiye ạkhriń uni hõ hisạbkateye ńela darakan hulạsokʼ bochor ạuri hijukʼte jumire tinạkʼ dhao phosol rakabokʼa mente.