Levitikus 25:10 - সান্তালী বাইবেল

¹⁰ Noa mõṛẽ gelakʼ bochor do Probhu Isor ńutumtepe begar dohoya ar disạmren sanam hoṛko ṭhen chaḍaokʼ reakʼpe lại sodora. Ape lạgitʼ niạ do ‘hulạsokʼ bochor hoyokʼa.’ Niạ bochorre ape mimitʼko do apan ạpin bõsrenko ar apan ạpin gharońjrenko reakʼ sompottirepe ruạṛ calakʼa.

Levitikus 25:10 Referans Kwoze

Jirimiạ 34:8

Probhu Isor do Jirimiạ tulucʼ arhõ kathae roṛkeda. Noa lahare Sedekiạ raj do Jerusalemren sanam hoṛko sãote golamkoakʼ chaḍaokʼ reaṅ niạme goṭa akatʼ tahẽkana.

Jesaea 63:4

Ńitokʼ do chakʼḍao reakʼ okte hecʼakana; ar hala hạli reakʼ oka okteń ṭhik dohoakatʼ ona hõ hecʼ seṭerena.

1 Patras 2:16

Sạdhin hoṛko leka jion khemaope, menkhan dusṭạmi dapal lạgitʼ ona sạdhintetʼ do alope beohara. Ona bodolte Isorren golamko leka jion khemaope.

Galathiko lạgitʼ Pạul Apostolakʼ ciṭhi 5:13

E boehako, sạdhin ocokʼ lạgitʼge Isor doe hohoakatʼpea. Menkhan apeakʼ jel reakʼ kusi sana purạu lạgitʼ noa sạdhintetʼ do alope laṛcaṛa. Ona khon bickom dulạṛte mitʼ hoṛ eṭakʼ hoṛe sapʼ soraema,

Levitikus 25:13

“Hulạsokʼ bochorre ape mimitʼko apan ạpin gharońj reakʼ sompottire ruạṛ senokʼ hoyokʼtapea.

Exodus 20:2

“E Israelko, ińge amren Probhu Isor do. Misor disạm khon golam oṛakʼ khon ińgeń oḍok ạguakatʼmea.

Galathiko lạgitʼ Pạul Apostolakʼ ciṭhi 4:25

Hagar do Arob disạm reakʼ sinại buruye bujhạu ocoyeda. Hagar do nahakʼ reakʼ Jerusalem tulucʼ jurikʼkana, ente Jerusalem do acʼren gidrạko sãote kạ̃ṛmĩye khaṭaokʼ kana.

2 Korinthiko 3:17

Probhu Isor kangeae sonot Jiu do; ar okare Probhu Isorren Jiue tahenkan onḍege sạdhintetʼ do menakʼa.

Luk 1:74

Uni do bạirikoakʼ ti khon aboe bańcaoketʼbona jemon tinạkʼ din jiwetʼbon tahen sonot ar dhoromre acʼ samaṅre teṅgo akan begor botor salakʼ bon sewa daṛeae.

Sereńko 146:7

Uni do santao ocokʼkanko hok reakʼe bicạrtakoa ar reṅgecʼko do jomakʼe emakokana; Probhu Isorge bondi akankoe chaḍaoetʼkoa.

Jesaea 49:9

Am do bondi akankom metakoa, ‘Dela oḍok hijukʼpe.’ Onko do hoṛ aṛe aṛeteko ạtińa ar poṭor buruko do onkoakʼ ạtiń ṭạnḍiko hoyokʼa.

Esra 1:3

Uniren hoṛko modre, metakʼme ape talare okoeye khojkan uni do Jerusalemte senkate Probhu Isorakʼ oṛakʼe benaoma, ente uni do Jerusalemre menaea. Ar okoe onḍeko senokʼ onkoren Isor do onko soṅgetegeye tahena.

Levitikus 25:11

Mimitʼ mõṛẽgelakʼ bochor reakʼ mucạtʼ bochor do ape lạgitʼ hulạsokʼ bochor hoyokʼa. Ona bochorre ape do itạ alope era ar acʼte janamokʼ jumi reakʼ hõ alope ira se bin kamanakʼ darkha jõ hõ alope goda.

Levitikus 25:54

Noako reakʼ jãhãn upạite uni bae chaḍao ocoakan khan enḍekhan uni ar uniren hoponko do hulạsokʼ bochorre aṛakʼako hoyokʼa.

Jeheskel 46:17

Menkhan uni do acʼakʼ sompotti khon acʼren jãhãe guti jãhãn ṭhạ̃iye danae enḍekhan uni guti do chuṭạ bochor hạbicʼ ona doe doho daṛeakʼa; ona tayom arhõ ona do disạm cakʼlaoyicʼakʼ dokholre ruạṛ hijukʼa. Disạm cakʼlaoyicʼakʼ sompotti do eken uniren hopongeko ńama; ar ona do onkoakʼge hoyokʼtakoa.

Levitikus 25:41

Ar ona tayom do uni ar uniren hoponko aṛakʼako hoyokʼa. Uni do unre acʼ bõsren ar hapṛamkoakʼ jumiteye ruạṛ senokʼa.

Jirimiạ 34:10

Onate rajkạmiyạko ar sanam hoṛko do niạ hukumko manaokeda ar akoren guti ar kạ̃ṛmĩko aṛakʼko lạgitʼko rạjiyena ar golam mente bako dohokoa menteko ṭhikkeda. Unre onko do akoren gutikoko aṛakʼkatʼkoa.