Levitikus 24:2 - সান্তালী বাইবেল

² “Am do Israelkom hukumakoa jemon jạitun reakʼ khạṭi sunum am ṭhenko ạguiyte diuheko jaoge jemon jol akaege tahen.

Levitikus 24:2 Referans Kwoze

2 Korinthiko 4:6

Ale do noale porcaretʼ kana, ente okoeye menletʼ tahẽkan, “Ńut khon marsal hoyokʼ ma,” Uni Isorge aboakʼ ontorreye bamberena, jemon uniyakʼ mạhima bujhạu lạgitʼ marsal sodorokʼ. Ar noa mạhimage Mạsiyakʼ mẽtʼãhãre menakʼa.

Johan 8:12

Jisu do arhõ hoṛkoe metatʼkoa, “Ińge dhạrti reakʼ marsal do. Okoe ińakʼ horteye calakʼ uni do tis hõ ńutre bae taṛama, bickom jion reakʼ marsale ńama.”

Johan 5:35

Johange ona jolokʼkan diuheye tahẽkana one okaṭakʼ do ḍig ḍigạukʼkan tahẽkan; ar ape do thoṛa okte lạgitʼ uniyakʼ ona marsalre hulạsokʼpe kusilena.

Johan 1:9

Unige sạri marsal do, one okoe mimitʼ manwako marsale emakokan, uni do dhạrtiteye hecʼlena.

Johan 1:4

Onare jion tahẽkana ar ona jionge manwakoakʼ marsal tahẽkana.

Luk 12:35

“Ape do ḍanḍare kicricʼ paṭhe akatʼ ar diuhe do jol akae tahentape ma.

Luk 1:79

jemon ńut ar gujukʼ umulreko duṛupʼ akan Onko do marsale emako, ar suluk reakʼ horteye ạyur idi bon.”

Mathae 5:16

Onkage apeakʼ marsal do hoṛko samaṅre jolokʼtapema, jemon apeakʼ bhage kạmi ńelte aperen sermaren Babako sarhaoe.

Mathae 4:16

ar okoeko hoṛ ńutreko tahenkan, onko do maraṅ marsalko ńela. Ar okoe kaṛaṅ ńut reakʼ umulreko duṛupʼ akan, onko do marsal bamberakoa.

Jesaea 11:2

Ar Probhu Isorren Jiu do uni cetanreye tahena, uni do ạkil ar bujren jiu, solha ar jor reakʼ jiu, bud ar Probhu Isor botorae reakʼ jiuge.

Jesaea 8:20

Ape do Isorakʼ hukum ar gohako ṭhen calakʼ hoyokʼtapea. Ar Isorakʼ katha leka onko bako roṛ enḍekhan bujhạu hoyokʼa onko talare marsal do bạnukʼa.

Kạhtukko 6:23

ente noako hukum do diuhe leka, noa sikhnạt do marsal leka, ar ḍanṭao reakʼ nisṛạu do jion reakʼ horge.

Sereńko 119:130

Amakʼ kathako sodorlenre marsale emeda; ona do sojhe monan hoṛkoakʼ buj reakʼ daṛeye emakoa.

Sereńko 119:105

Amakʼ katha do hor udukʼạń reakʼ diuhe kana, ona do ińakʼ calakʼ hor reakʼ marsalge.

2 Bõsbudạ 13:11

Onko do dinạm hilokʼ setakʼ ar ạyupʼ jokhecʼ Probhu Isor ńutumte jeredokʼ samaṅokʼakʼko samaṅeda ar jut so dhupko jeretʼeda. Onko do saphawakʼ ṭebilre dohoakan samaṅakʼ piṭhạko sajao dohokakʼ kana ar din hilokʼ ạyupʼ jokhecʼ sona reakʼ diuhe dohowakʼre diuheko jeretʼeda. Ale do aleren Probhu Isorakʼ hukum lekatele kạmikana, menkhan ape do unipe bạgi giḍiakadea.

Exodus 40:24

Dạkhin secʼ, mej reakʼ tayom secʼre Probhu Isorakʼ hukum leka diuhe dohowakʼe dohokeda ar ona cetanre Probhu Isor samaṅre diuhe koe jolkeda.

Exodus 39:37

sạr diuheko, khạṭi sona reakʼ diuhe dohowakʼ ar ona reakʼ jinisko, ona reakʼ mạliko ar seṅgel jol lạgitʼ sunum;

Levitikus 24:1

Probhu Isor do Moseye galmaraoadea,

Levitikus 24:3

Ńapamokʼ tạmbure goha sinduk reakʼ orwal bahrere Aron do ạyupʼ khon setakʼ hạbicʼ Probhu Isor samaṅre diuheko jaogeye sajao dohoya. Ar noa niạm do piṛhike piṛhi tahena.