Levitikus 24:16 - সান্তালী বাইবেল

¹⁶ Bạṛicʼ monsubạte okoe Probhu Isorakʼ ńutume ńum uni doe gocʼ ocokʼa. Ar Israelko do dhirite uniko tiń gojea. Israelkoge cetʼ ar onko talareko girobasokʼkan eṭakʼ jạtren hoṛkoge baṅ cetʼ, jãhãege bạṛicʼ monsubạte Probhu Isorakʼ ńutumko ńum uni do gojetege hoyokʼa.

Levitikus 24:16 Referans Kwoze

Mathae 12:31

Noa iạtegeń metapekana, manwakoakʼ joto lekan kại ar Isor upạrte opoman katha do ikạkʼtaea, menkhan sonot Jiu upạrte opoman katha do tishõ baṅ ikạkʼtakoa.

Jakob 2:7

Okoeyakʼ ńutum lekatepe hoho ocokʼkan kĩsạ̃ṛko do cetʼ ona manot ńutum bako henostawakʼ kana?

1Timothi 1:13

Lahate Mạsiyiń opomane kan ar khekhedicʼ ar ṭhok hoṛiń tahẽkanre hõ uni do noa kạmireye bahalkedińa. Uni do ińe daya akawạdińa, ente bepạtiạu ar bin baḍaete onakoń kạmikan tahẽkana.

Aposkạmi 26:11

Onko sạjạiko lạgitʼ mitʼ sunạgog khon eṭakʼ sunạgog hạbicʼ iń calakʼkan tahẽkana ar Jisu birudre katha roṛ lạgitʼ iń jormoṭetʼko tahẽkana. Onko cetanre nunạkʼ ãṭ raṅgao tahẽkantińạ je, onko khedko lạgitʼ bides reakʼ nagrahako hạbicʼ hõń calakʼkan tahẽkana.

Mathae 26:66

Cetʼpe bujhạueda?” Onkoko roṛ ruạṛkeda, “Nui do gocʼ ocokʼ lek kanae.”

Sereńko 139:20

Bạṛicʼ hudiste onko do am reaṅ aema kathako roṛa; ar amren bạiriko do ạuṛi pạthạuṛi amakʼ ńutumko ńumeda.

Sereńko 74:18

E Probhu Isor, alom hiṛińa bạiri do amko landa dhutʼam kana, ar bebujko do amakʼ ńutumko nindạuetʼtama.

Sereńko 74:10

E Isor, bạiriko do ar tinạkʼ dinko landa dhudhutʼa? Jaejugge cetʼ onko do amakʼ ńutumko nindạutama?

Exodus 20:7

“Amren Probhu Isorakʼ ńutum ạuṛi pạthạuṛi do alom ńumtaea. Ente okoeye onkae Probhu Isor do uniye sạjạiyea.

Mark 14:64

Ape hõ coṅpe ańjomketʼ uni do Isore henostawae kana. Ado cetʼpe bujhạukea?” Onko jotoge Jisu do gujukʼ sạjại lek kanae menteko bicạr dusikedea.

Johan 19:7

Khange Jihudi mukhiyạko do Pilạtko metadea, “Ale do mitʼṭecʼ ạn menakʼtalea, ar ona ạn lekate uni do gocʼ ocokʼ lek kanae, ente uni do acʼte Isorren Hopone ńumogokʼ kana.”

Aposkạmi 7:58

Onko do dhirite tińe lạgitʼ nagraha bahreteko or oḍokkedea, ar gohako do akoakʼ kicricʼ totʼkate Sạul ńutuman mitʼṭen juạn hoṛakʼ jaṅga ṭhenko dohokeda.

Exodus 22:28

“Isor do alope nindạuea se aperen disạm cakʼlaoyicʼ hõ alope sarapaea.

2 Samuel 6:2

Dạud ar uniren sanam hoṛko Isorakʼ Sinduk do Bakʼale Jihudạ khon Jerusalemte idi lạgitʼ Bakʼal Jihudạ khonko mohnḍayena. Niạ sinduk do sanam daṛeanicʼ Probhu Isor ńutumte oprom tahẽkana, ente Probhu Isor do sindukren Kerub kin talareye tahẽnkana.