Levitikus 23:5 - সান্তালী বাইবেল

⁵ Bochor reakʼ pạhil cando reakʼ gelponakʼ tạrik reakʼ ạyupʼ jokhecʼ Probhu Isor ńutumte bańcao porob do ehobokʼa.

Levitikus 23:5 Referans Kwoze

Josuạ 5:10

Israelko do ona cando reakʼ gelponakʼ din reakʼ ạyupʼ jokhecʼ Jerikho ṭạnḍi reakʼ Gilgolre bańcaokʼ porobko porobena.

Mathae 26:17

Ado bin khạmiyanakʼ piṭhạ porob reakʼ pạhil dinre celako do Jisu ṭhen hecʼkateko menkeda, “Sen-parom porob reakʼ bhoj do okarele tearama mentem menjoṅ kana?”

Exodus 23:15

Ape do bin khạmiyanakʼ piṭhạ porobpe porobokʼa. Iń okaṭakʼ iń hukum akatʼpe onkage eae din hạbicʼ bin khạmiyanakʼ piṭhạpe joma. Abib cando reakʼ mitʼṭecʼ goṭawakʼ dinre noa dope palona, ente ona candoge ape do Misor disạm khonpe oḍok ạgu ocoakana. Unre okoe hõ jemon iń ṭhen eken ti aloe hijukʼ.

Luk 22:7

Ado bin khạmiyanakʼ piṭhạ porob reakʼ dinre bańcaokʼ porob bhojre lạgitʼ bheḍa hoponko gocʼetʼko kan tahẽkana. Ado ona din seṭeren khan Jisu do Patras ar Johan noa menkateye kolkatʼkinạ, “Do senkate abo lạgitʼ bańcaokʼ porob reakʼ bhoj tearben, jemon bon jom daṛeakʼ.”

Mark 14:12

Bin khạmiyanakʼ piṭhạ porob reakʼ pạhil hilokʼ do bańcaokʼ porob bhojre lạgitʼ bheḍa hoponko dãṛẽyetʼko tahẽkana. Onate celako do Jisuko kulikedea, “Bańcaokʼ porob reakʼ bhoj do okarele tearama mentem menjoṅ kana?”

Jeheskel 45:21

“ ‘Pạhil cando reakʼ gelponakʼ tạrikre bańcaokʼ porobpe hoeocoya. Niạ porob do eae din reakʼ hoyokʼa; unre ape do bin khạmiyanakʼ piṭhạ jojom hoyokʼtapea.