Levitikus 23:42 - সান্তালী বাইবেল

⁴² Eae din hạbicʼ ape do ḍera oṛakʼrepe tahena. Israel bõsren okoeko janam akan onko sanamkoge niạ jokhecʼ do ḍera oṛakʼre tahen hoyokʼtakoa.

Levitikus 23:42 Referans Kwoze

Jirimiạ 35:10

Ale do tạmbukorele girobasokʼkan tahẽkana ar aleren hapṛam Jonadab okae hukum akatʼle ona jotoge purạtele manao ạguyetʼkana.

Numeri 24:5

uni do noa kathae meneda: E Jakob, amakʼ tạmbuko do tinạkʼ mońj! E Israel, tinạkʼ mońj amakʼ tahen jaega do!

Numeri 24:2

Uni doe ńelkeda, Israelko do akoakʼ khũṭ lekageko ḍera akana. Unre Isorren Jiu do uni cetanreye hecʼena,

Genesis 33:17

ar Jakob doe uṭhạuente Sukotteye calaoena. Ar onḍe do acʼ lạgitʼ mitʼṭecʼ oṛakʼe benaokeda ar acʼren mĩhũ-merom palko lạgitʼ hõ oṛakʼkoe benaokeda. Ona iạtege ona jaega reakʼ ńutum do Sukot dohoyena (metakʼme “Chạuni oṛakʼ ”).

2 Korinthiko 5:1

Baḍaegea bon, noa dhạrtire oka kumbạ oṛakʼre bon tahenkan metakʼme, oka nijor hoṛmowante menakʼ bon ona rạputʼlenre hõ aboakʼ do Isor emakʼ mitʼṭecʼ oṛakʼ menakʼ tabona. Ona oṛakʼ do manwa tite benaoakʼ do baṅkana, ona do jaejug khonge sermare menakʼa.

Levitikus 23:41

Ar jao bochor eae din hạbicʼ Probhu Isor ńutumte apeakʼ noa porobpe porobokʼa. Piṛhike piṛhi noa do ape lạgitʼ niạm lekate tahẽyena. Ar noa porob do eaeyakʼ candorepe porobokʼa.

Hosea 12:9

Menkhan E Ephrayim, ińge amren Probhu Isor do; ińge Misor khoniń oḍok ạguakatʼmea. Amakʼ niṭakatʼ porobko reakʼ okte leka arhõ am do tạmbureń tahẽocomea.

Hosea 12:10

Iń do nạbiko ṭhen kathań roṛ akada, onko do ḍher dorsoniń emakatʼkoa ar onko hotete aema kathageń roṛakada.”