Levitikus 23:39 - সান্তালী বাইবেল

³⁹ “Eae cando reakʼ gel mõṛẽakʼ dinre jumi khon phosol rakapʼkate Probhu Isor ńutumte eae din hạbicʼ noa chạuni porobpe porobokʼa. Ar niạ eae din reakʼ pạhil din ar irạlakʼ din do apeakʼ jirạukʼ din hoyokʼa.

Levitikus 23:39 Referans Kwoze

Exodus 23:16

Khetre okape ir ona reakʼ pạhil phosoltepe porobokʼa. Ar cas abadkate mucạtʼre okaṭakʼ phosol do khet khon golatepe ader onate samṭao porobpe porobokʼa.

Dosar Biboron 16:13

“Apeakʼ khạrại ar darkha lelenkunḍ reakʼ ṭhạ̃i khon jotowakʼpe samṭao tayom eae din do ḍera porobpe porobokʼa.

Levitikus 23:36

Ar inạ eae din reakʼ dinạm hilokʼ Probhu Isor ńutumte seṅgelteakʼ samaṅokʼakʼ samaṅ hoyokʼtapea. Ona tayom irạlakʼ din do sonot jarwakʼpe hoeocoya ar Probhu Isor ńutumte seṅgelteakʼ samaṅokʼakʼpe samaṅa. Noa mucạtʼ din do porob reakʼ maraṅ jarwakʼ hoyokʼtapea; enhilokʼ do cetʼge alope kạmiya.

Levitikus 23:38

Okaṭakʼ samaṅokʼakʼko do lahareń lại akatʼpe onako modre noako samaṅokʼakʼ do baṅ sabokʼa. Onako do hoyokʼkana, Probhu Isorakʼ jirạuk’ mãhã reakʼ samaṅokʼakʼ, Probhu Isor emae sanamakʼ dan, manot akatʼakʼ ar apnarakʼ kusiteakʼ samaṅokʼakʼko.

Levitikus 23:40

Pạhilakʼ dinre ape lạgitʼ dare reakʼ joto khon bhageakʼ jo, khijur sakam, suṛukucʼ dareko ar jhạṛpạ dareko reakʼ ḍạrkope ạguiya. Ona tayom eae din ape do aperen Probhu Isor samaṅrepe rạskạ hulạsokʼa.