Levitikus 23:32 - সান্তালী বাইবেল

³² Enhilokʼ do ape lạgitʼ mitʼṭecʼ jirạukʼ din. Enhilokʼ do jiwipe nindhạntapea. Ona cando reakʼ areakʼ din ạyupʼ khon dosar hilokʼ ạyupʼ hạbicʼ ape do noa jirạukʼ dinpe manaoa.”

Levitikus 23:32 Referans Kwoze

Ibriko 4:11

Onate dela, ona jirạu ńam lạgitʼ bon ahkaokʼma. Okoe hõ jemon onko bebatao Israelko leka Isor bemanotete uniyakʼ jirạu khon aloko eṛanokʼ.

Ibriko 4:3

Menkhan abo do bon pạtiạu akana ar uniyakʼ ona gokʼakʼ reakʼ jirạukʼ jaegare bon boloakana. Ar noa jirạukʼ reaṅ do Isore menakada, “Onate iń do edrete kiriạyenteń menleda, ‘onko do ińakʼ jirạukʼ jaegate ohoko bolo daṛelena.’ ” Menkhan noare jãhãn bhul bạnukʼa je, dhạrti sirjạu tayom Isorakʼ kạmi sạten khan jirạukʼ ehopʼena mente.

1 Korinthiko 11:31

Abo do apnarte bon biḍạulen khan enḍekhan Probhu Isorakʼ bicạr khon bon rukhiyạkokʼa.

Mathae 5:4

Dukokʼ kogeko bhạgana, ente onko do jiwi raṛecʼko ńama.

Jesaea 61:3

jemon Sionre okoeko hirdạukʼkan onkoakʼ bohokʼre torocʼ bodolte abhraniń emako; hirdạukʼkan bodolte rạskạ reakʼ sunum ar as chuṭạukʼ akan bodolte sarhaoe reakʼ kicricʼ iń em daṛeako. Onko do dhorom reakʼ elon dareko ńumogokʼa; Probhu Isorge ona doe rohoe akada jemon onko hotete acʼakʼ mạhima sodorokʼtae.

Jesaea 57:15

Ente usulicʼ ar coṭicʼ, okoe do jaejug tahẽakane tahenkan, uni sonoticʼ doe meneda, “Iń do usulakʼ ar sonotakʼreń tahẽnkana, ar nindhạnicʼ ar talga tạuạkʼicʼ sãote hõń tahenkana jemon nindhạnicʼ ar talga tạuạkʼicʼ hoṛakʼ ontoriń jiwetʼ ruạr ocoytae.

Sereńko 51:17

Kaca kucạ ontorge Isorakʼ ataṅokʼakʼ dãṛẽ do; E Isor, nicạṛ ar mạ̃hir ontor do alom nihạ̃ttińạ.

Sereńko 35:13

Enhõ onkoakʼ ruạkʼre iń do gõṛẽ kiricʼ iń horokʼleda, ar upạs dohokate ińakʼ jiwiń nandanketʼtińạ; menkhan ińakʼ koejoṅ do iń ṭhenge ruạṛ hecʼena.

Levitikus 23:27

“Niạ eae cando reakʼ gelakʼ din do kại ńutumte puruchun reakʼ din kana. Ona din do apeakʼ mitʼṭecʼ sonot jarwakʼpe hoeocoya ar apnarakʼ jiwipe nindhạntapea. Ar apeakʼ ona din do Probhu Isor ńutumte seṅgelteakʼ samaṅokʼakʼpe samaṅa.

Levitikus 16:31

Ar enhilokʼ do apeakʼ jirạukʼ dinge hoyokʼa. Niạ dinre apan ạpin ontorpe nindhạntapea. Ar noage ape lạgitʼ tahẽ utạrakʼ niạm do hoyokʼa.

Levitikus 23:31

Enhilokʼ do cetʼge alope kạmiya. Ar jãhãregepe girobasokʼ piṛhike piṛhi noa niạmge tahẽyena.

Levitikus 23:33

Inạ tayom Probhu Isor do Mose Israelko galmaraoakoe metadea, “Eae cando reakʼ gel mõṛẽakʼ dinre Probhu Isor ńutumte chạuni porob ehobokʼa, ar ona porob do eae din hạbicʼ calakʼa.

Nehemiạ 13:19

Iń do niạ hukumiń emokʼ kana je, jirạukʼmãhã ehobokʼre tinre Jerusalem reakʼ phaṭok duạrko cetanre ńut pheḍ hijukʼa unre jemon phaṭok duạr doko sińkakʼ ar jirạukʼ mãhã ạuri cabakʼ hạbicʼ ona do bondge tahenma. Jirạukʼ mãhãre jãhãn bojhage bhitrite alo jemon ạgukʼ ar ona ńel lạgitʼ iń do ińren adom kạmiyạko phaṭok duạr ṭheniń bahalketʼkoa.

Levitikus 16:29

“Inạ tayom okań menetʼ ona do ape lạgitʼ mitʼṭecʼ tahẽ utạrakʼ niạmge tahena. Bochor reakʼ eae cando reakʼ gelakʼ dinre ape do apeakʼ ontorpe nindhạn ocoytapea. Enhilokʼ do cetʼge alope kạmiya. Israelkoge cetʼ ar Israelko talareko girobasokʼkan eṭakʼ jạtren hoṛkoge cetʼ, ona do sanamko manao hoyokʼtapea,