Levitikus 23:29 - সান্তালী বাইবেল

²⁹ Enhilokʼ okoe acʼakʼ jiwi bae nindhạntae uni do acʼ jạtrenko khone marao ocokʼa.

Levitikus 23:29 Referans Kwoze

Genesis 17:14

Ar okoe hoṛakʼ hereltetʼ reakʼ laha harta bae getʼ giḍikakʼ uni do jạtrenko tala khone marao ocokʼa, ente uni do ińakʼ bondobose bemanot akada.”

Numeri 5:2

“Israelkom hukumakoa ḍeraren okoeko hoṛ do murhucʼ jom rog menakʼtako se okoeyakʼ hoṛmo khon besaphawakʼ oḍokokʼkan se mạ̃ṛĩ iạteko besaphage onkan hoṛ jemon ḍera khonko oḍok ocokʼ.

Levitikus 23:32

Enhilokʼ do ape lạgitʼ mitʼṭecʼ jirạukʼ din. Enhilokʼ do jiwipe nindhạntapea. Ona cando reakʼ areakʼ din ạyupʼ khon dosar hilokʼ ạyupʼ hạbicʼ ape do noa jirạukʼ dinpe manaoa.”

Jeheskel 7:16

Ar okoe jiwetʼko tahen arko ńir bańcaokʼ onko do jotoge buru boṭkocʼkoreko tahena ar mimitʼko do akoakʼ kại lạgitʼ buru nalaren potam lekako homor halaṅa.

Jirimiạ 31:9

Onko do rakʼ rakʼteko hijukʼa; ar tinre onkoń ruạṛ ạgukoa unre onko do koe koeteko hijukʼa. Onko do otte ar gaḍa dakʼko secʼteń taṛam ocokoa; onḍe onko do bako tohodokʼa, ente iń do Israelren, metakʼme Eprayimren apat kạnạń ar uni do ińren pạhil janamicʼ hopon kanae.

Jesaea 22:12

Enhilokʼ phạdkoren Probhu Isor do rakʼ ar homor lạgitʼ, bohokʼ reakʼ upʼ hoyo poṭortape lạgitʼ ar gõṛẽ kicricʼ horokʼ lạgitʼe hohowatʼpe tahẽkana.

Levitikus 23:27

“Niạ eae cando reakʼ gelakʼ din do kại ńutumte puruchun reakʼ din kana. Ona din do apeakʼ mitʼṭecʼ sonot jarwakʼpe hoeocoya ar apnarakʼ jiwipe nindhạntapea. Ar apeakʼ ona din do Probhu Isor ńutumte seṅgelteakʼ samaṅokʼakʼpe samaṅa.

Aposkạmi 3:23

Ar okoe uniyakʼ katha bae ańjom uni do acʼren hoṛko khone marao giḍiyea.’

Levitikus 13:46

Uniyakʼ hoṛmore tinạkʼ din rog tahentae unạkʼ din uni do besapha akane tahena. Ar ḍera bahrere eskar tahen hoyokʼtaea.

Levitikus 23:30

Enhilokʼ jãhãe jãhãnakʼe kạmi enḍekhan uni do acʼakʼ jạtrenko khoniń marao utạrea.

Esra 8:21

Iń do Ahawa soḍokʼ ṭhen upạs dohoy lạgitʼ iń lại jạhirkeda jemon ale do aleren Isor samaṅre apnartetʼle nindhạn daṛeakʼ ar aleren gidrạko ar aleakʼ sanam sompottikoante nirạitele sen ruạṛ daṛeakʼ.

Exodus 30:33

Ar jãhãege nonkan jut so mosolae tear se naeke chaḍa ar jãhãeakʼ hoṛmore ojogokʼ enḍekhan uni do acʼakʼ jạtrenko khone meṭao ocokʼa.”

Levitikus 7:20

Jãhãege chute tahenre Probhu Isor ṭhen samaṅ akatʼ sulukren samaṅokʼ reakʼ jele jom enḍekhan uni do acʼakʼ jạtrenko khone biṭlạha ocokʼa.

Levitikus 7:21

Jãhãege manwa se janwarakʼ jãhãn chutakʼ jinis se eṭakʼ jãhãn chutakʼ hirkhạwakʼ jinise joṭed ar ona tayom Probhu Isor ṭhen samaṅ akatʼ sulukren samaṅokʼ reakʼ jele jom enḍekhan uni hõ acʼakʼ jạtrenko khone biṭlạha ocokʼa.”