Levitikus 23:21 - সান্তালী বাইবেল

²¹ Enhilokʼ ape do mitʼṭecʼ sonot jarwakʼpe hoeocoya. Enhilokʼ do cetʼge alope kạmiya. Ar jãhãregepe girobasokʼ noa niạm do piṛhike piṛhi ape lạgitʼ tahẽyena.

Levitikus 23:21 Referans Kwoze

Numeri 18:23

Liwikoge ńapamokʼ tạmbu reakʼ kạmiko kạmiya ar ona reakʼ behokakʼ lạgitʼ onkoge dạyiko tahena. Piṛhike piṛhi niạ niạmge tahena. Eṭakʼ Israelko talare Liwiko do sompotti reakʼ ạidạri bako ńama.

Levitikus 23:14

Aperen Isor ṭhen noa samaṅokʼakʼ ạuripe em hạbicʼ noa nãwã anaj reakʼ khon ape do bape jom daṛeakʼa. Ona chaḍa ona khon benaoakʼ jãhãn piṭhạ se seṅgelre rapakʼ hõ baṅ ganokʼa. Ar jãhãregepe girobasokʼ piṛhike piṛhi ape lạgitʼ noa do mitʼṭecʼ niạmge tahẽyena.

Levitikus 23:4

Probhu Isor okako porobe niṭ dohoakatʼ, metakʼme okako sonot jarwakʼkan ona reakʼ niṭakʼ dinpe lại sodora:

Genesis 17:7

Noa bondobos do eken am ar iń talare tahena ona do baṅ; ona do amren hoponko ar ińre piṛhike piṛhi hạbicʼ calakʼa. Noa do hoyokʼa jaejug reakʼ bondobosge. Niạ bondobos do amakʼ ar am tayom bõsren hoṛkoren hõ Isoriń hoyena.

Jesaea 11:10

Enhilokʼ Jesaea reakʼ kahle do sanam jạtrenko lạgitʼ mitʼṭecʼ jhạnḍi lekae teṅgona; ar sanam jạtrenko do uni ṭhenko jarwakʼa ar uniyakʼ ṭhạ̃i do ṭhonokanakʼ hoyokʼtaea.

Dosar Biboron 16:11

Aperen Probhu Isor apnare sodorokʼ iạte okaṭakʼ tahen ṭhạ̃iye bachao joṅ onḍe uni samaṅre aperen hopon ar hoponerako, aperen guti-kạ̃ṛmĩko ar ape talareko girobasokʼkan Liwiko, porjạtrenko, ṭuạ̃r amarko ar rạnḍi maejiuko- sanamkoge mitʼtepe rạskạ midokʼa.

Levitikus 23:7

Noa eae din reakʼ pạhil hilokʼ do sonot jarwakʼpe hoeocoya ar enhilokʼ do jãhãnakʼ cetʼge alope kạmiya.

Levitikus 3:17

Jãhãregepe girobasokʼ ape do itil ar mãyãm do alope joma. Ar noage piṛhike piṛhi ape lạgitʼ niạm do tahẽyena. ”

Levitikus 23:20

Naeke do Probhu Isor samaṅre unkin barea bheḍa hopon ar pạhilre rakapʼakʼ phosol khon benaoakʼ ona piṭhại dolaoa. Noa do Probhu Isor ńutumte samaṅakʼ sonot jinis kana okaṭakʼ do naekeakʼ bakhra kan.

Levitikus 23:25

Enhilokʼ do cetʼ hõ alope kạmiya. Enhilokʼ do Probhu Isor ńutumte seṅgelteakʼ samaṅokʼakʼpe samaṅa.”

Exodus 27:21

Noa ńapamokʼ reakʼ tạmbu samaṅre oka orwal tahen ona orwal bahrere Aron ar uniren hoponko do ạyupʼ khon setakʼ hạbicʼ Probhu Isor samaṅre diuheko ńel todarota. Ar Israelko do piṛhike piṛhi niạ niạmko panjaya.

Levitikus 23:31

Enhilokʼ do cetʼge alope kạmiya. Ar jãhãregepe girobasokʼ piṛhike piṛhi noa niạmge tahẽyena.