Levitikus 23:20 - সান্তালী বাইবেল

²⁰ Naeke do Probhu Isor samaṅre unkin barea bheḍa hopon ar pạhilre rakapʼakʼ phosol khon benaoakʼ ona piṭhại dolaoa. Noa do Probhu Isor ńutumte samaṅakʼ sonot jinis kana okaṭakʼ do naekeakʼ bakhra kan.

Levitikus 23:20 Referans Kwoze

Dosar Biboron 18:4

Apeakʼ pạhil rakapʼakʼ phosol, nãwã darkha rasa, sunum, merom ar bhiḍikoakʼ pạhil getʼakʼ upʼ hõ naekepe emaea,

Ephesiko lạgitʼ Pạul Apostolakʼ ciṭhi 2:14

Unikangea aboren sulukicʼ do. Unige Jihudi ar be Jihudi, noa banare mitʼ akada. Uni do acʼe kuruslen hoṛmo hotete sanam hukum ar niạm sudhạ Moseyakʼ ạn-ạriko reakʼ daṛeye rạputʼkeda. Ar nonkate noakin banar talare okaṭakʼ do bạiri bhit leka tahẽkan onae lạnduṛ giḍikada. Uni doe nonkakeda jemon unkin hotete mitʼṭen nãwã manwae sirjạue, ar nonkate unkin talare jemon suluk hoyokʼ.

1 Korinthiko 9:11

Ale do apere Jiu reakʼ itạle er akatʼte ape ṭhen khon hoṛmo reakʼ jom-ńũiyakʼle tear khan enḍekhan ona do cetʼ maraṅ katha kana?

Luk 2:14

“Sermare Isorakʼ ṭhonok dhạrtire suluk, manwakore kusi.”

Levitikus 23:17

Probhu Isor ńutumte dolao samaṅokʼakʼ lekate oṛakʼ khon pạhil rakapʼakʼ phosol khon thoṛape ạguiya. Ar ona dolao samaṅokʼakʼ jinis do pe keji tala holoṅte khạmiyanakʼ barea piṭhạ benao hoyokʼa.

Levitikus 8:29

Ona tayom uni do acʼakʼ bakhra reakʼ hĩs, metakʼme ojokʼ bahalokʼ samaṅokʼren bheḍawakʼ koṛam reakʼ hĩs hataokate dolek samaṅokʼakʼ lekate Probhu Isor samaṅreye dolaokeda. Ar Mose do jotowakʼge Probhu Isorakʼ hukum lekae kạmikeda.

Exodus 29:24

Noako do Aron ar uniren hoponko tirem calakoa ar dolao samaṅokʼakʼ lekate Probhu Isor samaṅrem dolaoa.

Levitikus 23:19

Ona tayom ape do kại ńutumte samaṅokʼakʼ lạgitʼ mitʼṭen merom boda ar sulukren samaṅokʼakʼ lạgitʼ mitʼ bochor umerren barea bheḍa hoponpe samaṅkinạ.

Levitikus 23:21

Enhilokʼ ape do mitʼṭecʼ sonot jarwakʼpe hoeocoya. Enhilokʼ do cetʼge alope kạmiya. Ar jãhãregepe girobasokʼ noa niạm do piṛhike piṛhi ape lạgitʼ tahẽyena.