Levitikus 23:17 - সান্তালী বাইবেল

¹⁷ Probhu Isor ńutumte dolao samaṅokʼakʼ lekate oṛakʼ khon pạhil rakapʼakʼ phosol khon thoṛape ạguiya. Ar ona dolao samaṅokʼakʼ jinis do pe keji tala holoṅte khạmiyanakʼ barea piṭhạ benao hoyokʼa.

Levitikus 23:17 Referans Kwoze

Numeri 28:26

“Eae hapta reakʼ porob dinre, metakʼme pạhilre rakabokʼ phosol samaṅokʼ hilokʼ tinre Probhu Isor ńutumte nãwã phosolpe samaṅa enhilokʼ do mitʼṭecʼ sonot ńapamokʼ sabhape hoeocoya ar enhilokʼ do jãhãnakʼ cetʼge alope kạmiya.

Levitikus 7:13

ar gun makʼnao johar lạgitʼ sulukren samaṅokʼakʼ jinis sãote thoṛa khạmiyanakʼ piṭhạ hõ tahena.

Exodus 34:26

Apeakʼ khet baṛge khon rakapʼakʼ pạhil phosol reakʼ bhage utạrakʼ hĩs do Probhu Isorakʼ oṛakʼtepe ạguiya. “Merom hoponakʼ jel do uniren eṅgatakʼ toa sãote alope isina.”

Exodus 34:22

Guhum samṭao jokhecʼ pạhil getʼakʼ guhumte eae hapta reakʼpe porobokʼa ar cas abad reakʼ mucạtʼ cando do phosol samṭao porobpe porobokʼa.

Exodus 23:19

Apeakʼ khet khon rakapʼakʼ pạhil phosol reakʼ bhage utạrakʼ hạṭiń do aperen Probhu Isorakʼ oṛakʼtepe idiya. Ar merom hoponakʼ jel do uniren eṅgatakʼ toa sãote alope isina.

Johan sodor 14:4

Noko do onko hoṛ kanako, one okoe do maejiuko tulucʼ bako laṭghaṭ akatʼte saphage menakʼko. Ar jãhã secʼge Bheḍa Hopone calakʼ onko hõ uni tayomteko calakʼa. Isor ar Bheḍa Hopon ṭhen pạhil jo lekate dãṛẽ lạgitʼ hoṛko mod khon onko doko kiriń akan tahẽkana.

Jakob 1:18

Acʼakʼ nij sanate sạriyakʼ katha hotete uni do acʼren gidrạkoe hoyocoketʼ bona, jemon uniyakʼ sirjonre pạhil utạrakʼ jo bon hoydaṛeakʼ.

1 Korinthiko 15:20

Menkhan Mạsi do sạriyakʼge gocʼko khone jiwetʼ beretʼ ocoakana; ar gocʼko modren unikangeae pạhilicʼ jo do.

Romiko lạgitʼ Pạul Apostolakʼ ciṭhi 8:23

Eken ona do baṅ, menkhan okaṭakʼ mạhima tayomte bon ńam, ona reakʼ pạhil jo lekate sonot Jiu ńamkate abo hõ apnarakʼ ontorre bon kũhrạukʼ kana. Ona sãote ona din lạgitʼ hõ ńel horre menakʼbona one tinre abo do Isorren hoponko mente bon sodor ocokʼ, metakʼme nonosṭoakʼ ti khon aboakʼ hoṛmo do sạdhinokʼ tabona.

Mathae 13:33

Uni do arhõ mitʼṭecʼ phene lạiyatʼkoa: “Serma raj do khạmi lekana. Mitʼṭen maejiu do ona idikate gel irạl keji holoṅreye sipi mesalkeda. Onate joto holoṅ do khạmiyanakʼ hoyena.”

Numeri 15:17

Inạ tayom Probhu Isor do Mose Israelko niạ katha galmaraoakoe metadea, “Okaṭakʼ disạmteń idiyetʼpe onḍe senkate disạm reakʼ phosolpe jomre ona phosol do Probhu Isor ńutumte tulokʼ samaṅokʼakʼ mentepe samaṅa.

Levitikus 2:12

Pạhilre rakabokʼ phosol samaṅ lạgitʼ khạmi ar rasa do Probhu Isor ṭhenko idi daṛeakʼa, menkhan oka samaṅokʼakʼ reakʼ jut so uniye kusiyakʼ onkan samaṅokʼakʼ lekate khạmi ar rasa do pinḍre alope jereda.

Exodus 23:16

Khetre okape ir ona reakʼ pạhil phosoltepe porobokʼa. Ar cas abadkate mucạtʼre okaṭakʼ phosol do khet khon golatepe ader onate samṭao porobpe porobokʼa.

Exodus 22:29

“Apeakʼ phosol ar darkha rasa khon okaṭakʼ emokʼ reakʼ ona emokʼ do alope biloma. Aperen pạhil koṛa hopon do iń imạń hoyokʼtapea.

Levitikus 23:18

Noa piṭhạ sãote eae goṭecʼ mitʼ bochorren niphuṭ utạrko bheḍa hopon, mitʼṭen ḍaṅgra ar barea bheḍa ạgukin hoyokʼa. Ar noko janwarkote Probhu Isor ńutumte mitʼṭecʼ jeredokʼ samaṅokʼakʼpe samaṅa, ar ona sãote din hilokʼ reakʼ jomakʼ samaṅokʼakʼ ar coḍor samaṅokʼakʼ hõpe samaṅa. Noako do jotoge seṅgelteakʼ samaṅokʼakʼ kana, one ona reakʼ jut so Probhu Isor doe kusiyakʼkan.

Nehemiạ 10:37

Ona chaḍa aleakʼ holoṅ ar jomakʼ reakʼ pạhilakʼ hĩsko, dare reakʼ pạhilakʼ joko ar nãwã darkha rasa ar sunum reakʼ pạhilakʼ hĩs do aleren Probhu Isorakʼ oṛakʼre naekeko ṭhenle ạguiya. Ar aleakʼ gel hạṭiń reakʼ mitʼ hạṭiń do Liwiko ṭhenle ạguiya, ente aleakʼ joto atokore Liwiko do gel hĩsko hataoeda.

Numeri 18:12

“Israelko do akoakʼ pạhil rakapʼakʼ khon bhage utạrakʼ jạitun sunum, nãwã darkha rasa ar anaj oka do Probhu Isor ńutumteko em ona jotowakʼ do amiń ematʼmea.

Numeri 18:13

Probhu Isor ṭhen ạguwakʼ onkoakʼ jumi reakʼ phosol hõ apeakʼ hoyokʼa. Ar apeakʼ gharońjren okoe saphako tahen eken onkoge onako jom daṛeakʼa.