Levitikus 23:11 - সান্তালী বাইবেল

¹¹ Ar naeke do ona ạṭi Probhu Isor samaṅreye dolaoa. Ar onate Probhu Isor do ape cetanreye kusikʼa. Naeke do jirạukʼ mãhã dosar hilokʼ hõ ona do dolao hoyokʼtaea.

Levitikus 23:11 Referans Kwoze

Exodus 29:24

Noako do Aron ar uniren hoponko tirem calakoa ar dolao samaṅokʼakʼ lekate Probhu Isor samaṅrem dolaoa.

Levitikus 10:14

Menkhan Probhu Isor ńutumte dolek akatʼ koṛam reakʼ jel ar bulu reakʼ phạṛi do am ar amren hopon ar hoponera jotogeko jom daṛeakʼa. Menkhan noa do mitʼṭecʼ sapha ṭhạ̃irepe joma. Israelkoakʼ sanam sulukren samaṅokʼakʼ noa hĩs do am ar amren hopon ar hoponerako lạgitʼ kana.

Levitikus 9:21

Ar Mose cetʼlekae hukumade tahẽkan onkage uni do dolek samaṅokʼakʼ lekate koṛam reakʼ jel ar jojom bulu reakʼ phạṛi do Probhu Isor samaṅreye dolaokeda.

Exodus 28:38

Noa do Aronakʼ cạndire tahena. Ar Israelko oka jinis samaṅ lạgitʼko ạgui ona reakʼ sanam dos bojha do Aronge gogokʼ hoyokʼtaea. Probhu Isor jemon onkoe ataṅko onate Aronakʼ cạndi cetanre noa sona reakʼ pat do jao okte tahena.

Levitikus 23:12

Naeke oka hilokʼ ona ạṭiye dolaoa enhilokʼge Probhu Isor ńutumte jeredokʼ samaṅokʼakʼ lạgitʼ mitʼ bochor umerren mitʼṭen niphuṭ utạricʼ bheḍa hopon samaṅe hoyokʼtaea.

Rut reakʼ kạhini 1:22

Nonkate Naomi do acʼren kimintetʼ Rut soṅgekate Moab disạm khone ruạṛ hecʼena. Unkin do jao irokʼ ehobokʼ jokhecʼ Bethlehem tekin seṭerena.