Levitikus 22:32 - সান্তালী বাইবেল

³² Ińakʼ sonot ńutum do alope besonot ocoya. Ar sonot menkate baṛe manaoińpe. Iń Probhu Isorge ape doń begar dohoakatʼpea.

Levitikus 22:32 Referans Kwoze

Luk 11:2

Jisu do onkoe metatʼkoa, “Apepe koejoṅre nonka menpe, ‘E aleren sermaren Baba, amakʼ ńutum sonotokʼma, amakʼ raj hijukʼma;

Levitikus 18:21

“Ape modre jãhãege acʼren hopontetʼ se hoponera Molok debota ńutumte seṅgelre aloko samaṅkoma se okalekate hõ acʼren Isorakʼ ńutum aloe besonot ocoytaema. Iń kangeạń Probhu Isor do.

Mathae 6:9

Onate ape do nonka leka koejoṅpe; E aleren sermare menam Baba, amakʼ ńutum sonotokʼ ma.

Levitikus 22:2

“Am do Aron ar uniren hoponkom metakoa, iń ńutumte Israelkoakʼ samaṅakʼ sonot jinis khon jemon sahaṛ akanko tahen. Ar ińakʼ ńutum jemon aloko besonot. Iń kangeạń Probhu Isor do.

Levitikus 10:3

Unre Mose do Arone metadea, “Probhu Isore meneda, ‘okoe iń ṭhenko hijukʼ onko do sonot mente jemonko manaoiń. Ar sanam hoṛko samaṅre jemon iń ṭhonokokʼ.’ ” Ar Aron do hapegeye tahẽyena.

Johan 17:17

“Sạriyakʼ hotete am lạgitʼge onko do begar dohokom. Amakʼ katha kangea ona sạriyakʼtetʼ do.

Jesaea 5:16

Menkhan phạdkoren Probhu Isor do dhorom reakʼe bicạra are usulokʼa; sonoticʼ Isor do acʼakʼ dhorom iạte sonot menteye sodorokʼa.

Levitikus 21:15

jemon goṭa bõsrenko talare acʼren hoponko aloe besonot ocoko. Ente iń Probhu Isorge naekekoń begar dohoakatʼkoa.”

Levitikus 21:8

E Israelko, naekeko Isor ńutumte begar doho akan hoṛ mente bujhạukope, ente onko do aperen Isor ńutumte jomakʼ samaṅokʼakʼ reakʼko kạmikana. Onate begar akan hoṛ menkate hudiskope, ente iń Probhu Isor doń sonotgea ar iń lạgitʼge ape doń begar dohoakatʼpea.

Levitikus 20:8

Ińakʼ niạmko sapʼ dohoype ar onaleka calakʼpe. Iń kangeạń aperen Probhu Isor do, ar iń lạgitʼge ape doń begar dohoakatʼpea.

Levitikus 22:31

Ape do ińakʼ hukumpe manaoa ar ona lekape calakʼa. Ar ińkangeạń Probhu Isor do.

Levitikus 22:33

Ar aperen Isor hoyokʼ lạgitʼge iń do Misor disạm khoniń oḍok ạguakatʼpea. Iń kangeạń Probhu Isor do.”

Jesaea 8:13

Phạdkoren Probhu Isor do sonot mente hudisepe; unige botoraepe; ar unige botoranicʼ mente hudisepe.