Levitikus 22:20 - সান্তালী বাইবেল

²⁰ Dos menakʼtae nonkan jãhãnicʼge jemon aloe ạguiye, ente onate jãhãn bhạlạiy do baṅ hoyokʼtaea.

Levitikus 22:20 Referans Kwoze

Dosar Biboron 17:1

“Aperen Probhu Isor ńutumte nonkan ḍaṅgra se merom boda se bheḍa hõ alope samaṅkoa okoe do niphuṭ utạrko baṅkan, ente uni do onakoe hirkhạwakʼa.

Malaki 1:8

Janwar samaṅokʼakʼ porob lạgitʼ ape do kãṛã janwarante tinrepe hijukʼkana unre ona do cetʼ apeakʼ behokakʼ do baṅkana? Ape do tinre leḍha ar ruạkʼkan janwarkote samaṅokʼakʼ porobpe porobokʼ kana, unre cetʼ ona do behokakʼ do baṅkana? Aperen disạm cakʼlaoko ṭhen onakope samaṅle khan uni do cetʼ apereye kusikokʼgea? Uni do cetʼ bae nihạ̃t giḍikepea? Iń phạdkoren Probhu Isorge apeń kuliyetʼpea.”

Dosar Biboron 15:21

Menkhan onko janwarko modren jãhãeṭakʼge niphuṭ utạricʼ bae tahen, metakʼme leḍha se kãṛã se uniyakʼ hoṛmore jãhãn dos tahen, enḍekhan uni do aperen Probhu Isor ńutumte alope samaṅea.

1 Patras 1:19

ape dope kiriń chaḍao akana niphuṭ ar bedagan Bheḍa Hopon Jisu Mạsiyakʼ mãyãmte.

Ibriko 9:14

Menkhan okoe do jaejug sonot Jiu hotete Isor ṭhen acʼtetʼge niphuṭ dãṛẽ lekateye emen uni Jisuakʼ mãyãm do aboakʼ bibekre bin joanakʼ kạmi khon arhõ bạ̃ṛtiye sapha bona, jemon jiwetʼ Isor bon sewa daṛeae.

Levitikus 22:25

Eṭakʼ jạtrenkoakʼ jãhãe hoṛakʼ ti khon nonkan janwar hataokate aperen Isor ńutumte jomakʼ samaṅokʼakʼ menkate alope samaṅkoa. Onkore dos menakʼte jãhãn bhạlạiyrege bako lagaokʼa.”

Levitikus 1:3

“Uni do ona jeredokʼ samaṅokʼakʼ ḍaṅgrateye menetʼ khan enḍekhan uni do niphuṭ ạnḍiạ ḍaṅgrage ạguiye hoyokʼtaea. Probhu Isor jemon uni cetanreye kusikʼ onate uni do ńapamokʼ tạmbu reakʼ duạr ṭhen ḍaṅgrae ạguiyea.

Levitikus 3:1

“Jãhãege Probhu Isor ńutumte jãhãn sulukren samaṅokʼakʼ samaṅe menetʼ khan ar uniren samaṅicʼ do pal ḍaṅgrako khone ạgu ocokʼ khan, uni do eṅga se ạnḍiạ jãhãnicʼkangeye jemon niphuṭ utạricʼe hoyokʼ.

Levitikus 3:6

“Probhu Isor ńutumte sulukren samaṅokʼakʼ lạgitʼ jãhãe ḍaṅgra se bheḍae samaṅe enḍekhan uni do ạnḍiạ se eṅga jãhãnicʼkangeye uni do niphuṭ utạricʼ hoyokʼ jạruṛa.

Numeri 19:2

“Niạ do iń emakʼ mitʼṭecʼ ạn-ạri kana: aben do Israelkoben metakoa jemon nonkan niphuṭ utạricʼ mitʼṭen arakʼ gạiko ạguam okoe do hoṛmore jãhãn dos bạnukʼtae ar uniyakʼ tarenre tishõ arãṛ baṅ lade akawade.

Numeri 29:8

Ar Probhu Isor kusi ocoye reakʼ jut so lekate aperen mitʼṭen ḍaṅgra, mitʼṭen bheḍa ar eae goṭen mitʼ bochorren bheḍa hoponkote jeredokʼ samaṅokʼakʼ pe samaṅa. Menkhan onko mimitʼko do niphuṭ utạrko jemonko hoyokʼ.

Jeheskel 45:18

“ ‘Iń Probhu Isor do arhõń menetʼkana, am do pạhil cando reakʼ pạhil hilokʼ mitʼṭen niphuṭ damkomem hataoea ar mundil oṛakʼem saphaea.

Levitikus 22:24

Jãhãe janwarakʼ bele do lin posakʼ se koṭecʼ gejergetae khan se getʼ giḍi akantae khan onkanicʼ do Probhu Isor ńutumte alope samaṅea. Ar apeakʼ disạmte senkate hõ ona do alope onkaea.