Levitikus 22:18 - সান্তালী বাইবেল

¹⁸ “Am do Aron ar uniren hoponko ar sanam Israelkom metakoa, jãhãe Israel se onko talareko girobasokʼ kan eṭakʼ jạtren jãhãege manotakʼ purạu lạgitʼ se apnarakʼ kusi leka Probhu Isor ńutumte jeredokʼ samaṅokʼakʼe ạgui,

Levitikus 22:18 Referans Kwoze

Dosar Biboron 12:6

Ape do aperen jeredokʼ samaṅokʼakʼ ar eṭakʼ janwar samaṅokʼakʼ, apeakʼ gel hạṭiń reakʼ mitʼ hạṭiń, tulokʼ samaṅokʼakʼ ar manotakʼ samaṅokʼakʼ, kusiteakʼ samaṅokʼakʼ ar aperen ḍaṅgrako, bhiḍiko ar meromkoren pạhilicʼ hoponge onḍepe idikoa.

Aposkạmi 18:18

Pạul do ḍher din Korinthreye khemaoketʼ khan biswạsi boehako ṭhen khon bidạye hataokeda ar Akuilạ ar Priskillạ sãote jahajte Siriạ disạme hecʼena. Pạul do mitʼṭecʼe goṭa dohoakatʼ tahẽkante mohnḍakʼ lahare Kenkhreare uni doe hoyo munḍrạyena.

Nạhum 1:15

Okoeṭakʼ hoṛ bhage sombate ạguyetʼkan ar suluk reakʼe roṛetʼkan, ma ńelme uniyakʼ jaṅga do buru cetanre menakʼtaea. E Jihudạ, amakʼ porobko palonme ar okaṭakʼ manotem dohoakatʼ ona purạume. Dusṭạmi hoṛ do ar bako akromonmea; onko doko marao ocokʼa.

Jona 2:9

menkhan iń do sarhao sereńate am ńutumte janwar dãṛẽgeń samaṅama. Ar okań manot akatʼ onań purạuama. Ar bańcaoiń do Probhu Isorakʼ kạmikana.”

Jona 1:16

Ona iạte hoṛko do Probhu Isor ạḍiko botoradea. Onko do Probhu Isor ńutumte janwar dãṛẽko samaṅketʼkoa ar manotakʼko dohokeda.

Sosolhayic̕ 5:4

Isor ṭhen jãhãnakʼge manotakʼem dohoakatʼ khan ona purạu do alom biloma. Uni do bebuj hoṛkore rạskạ do bạnukʼtaea. Ar amakʼ manotakʼ do uni purạuaeme.

Sereńko 116:18

Probhu Isor ṭhen okań manot akatʼ ona do uniren hoṛko samaṅreń purạutińạ;

Sereńko 116:14

Probhu Isor ṭhen okaṭakʼ manotakʼ iń dohoakatʼ ona do uniren sanam hoṛko samaṅreń purạuaea.

Sereńko 66:13

Iń do jeredokʼ samaṅokʼakʼante amakʼ oṛakʼteń hijukʼa ar am ṭhen ińakʼ manotakʼkoń purạutińạ.

Sereńko 65:1

E Isor, Sionre amakʼ sarhao do guṛumre hoyokʼkana; aleakʼ joto manotakʼ do am lạgitʼ purunokʼa.

Sereńko 61:8

Iń do jaejug hạbicʼ iń sarhaomea, ar dinke din ińakʼ manotakʼ iń purạua ma.

Sereńko 61:5

E Isor, ińakʼ monejoṅakʼko dom ańjomakatʼgea; am okoeko botoram kan ar onko lạgitʼ okaṭakʼ ạidạrim ṭarhao dohoakatʼ ona do amgem emakawạdińa.

Sereńko 56:12

E Isor, am ṭhen okaṭakʼ manotakʼ iń dohoakatʼ ona doń purạuama; ariń gun manao joharama;

Sereńko 22:25

Maraṅ sabhare ińakʼ oka sarhaoteakʼ menakʼ ona do am ṭhen khonge hijukʼkana ar amre okoekoakʼ botor menakʼ onko samaṅre iń do ińakʼ manotakʼ koń purạutińạ.

Dosar Biboron 16:10

Ar ona tayom apeakʼ kusiteakʼ samaṅokʼakʼte aperen Probhu Isor ńutumte eae hapta reakʼ porobpe porobokʼa. Ar aperen Probhu Isore bhor akawatʼpe leka niạ samaṅokʼakʼ jinispe emokʼa.

Dosar Biboron 12:17

Ona chaḍa apeakʼ, anaj, nãwã darkha rasa ar sunum reakʼ gel hạṭiń reakʼ mitʼ hạṭiń, ar ḍaṅgrako, bhiḍiko, meromkoren pạhil hoponko, apeakʼ manot akatʼakʼko, tulokʼ samaṅokʼakʼko ar kusiteakʼ danko do apeakʼ nij ato se nagrahakore jom do baṅ ganokʼtapea.

Levitikus 23:38

Okaṭakʼ samaṅokʼakʼko do lahareń lại akatʼpe onako modre noako samaṅokʼakʼ do baṅ sabokʼa. Onako do hoyokʼkana, Probhu Isorakʼ jirạuk’ mãhã reakʼ samaṅokʼakʼ, Probhu Isor emae sanamakʼ dan, manot akatʼakʼ ar apnarakʼ kusiteakʼ samaṅokʼakʼko.

Levitikus 17:13

Jãhãe Israelko se onko talareye girobasokʼkan eṭakʼ jãhãn jạtren hoṛge jãhãn janwar se cẽṛẽ jomkoa menteye gocʼko enḍekhan mãyãm do hasare topakakʼ hoyokʼtaea,

Levitikus 17:10

“Jãhãe Israel hoṛ se onko talareye girobasokʼkan eṭakʼ jãhãn jạtren hoṛge mãyãme jom enḍekhan uni doń dea giḍikaea ar acʼakʼ jạtrenko khoniń meṭao utạrea,

Levitikus 7:16

“Noa sulukren samaṅokʼakʼ do manot dohowakʼ purun lạgitʼ kan khan se samaṅetʼkạnicʼ do acʼakʼ monsubạte onae onkae enḍekhan ona samaṅ akatʼ jel do enhilokʼge jom hoyokʼa. Ar sarecʼ tahen khan dosar hilokʼ hõ ona do jomogokʼgea,

Levitikus 1:10

“Noa jeredokʼ samaṅokʼakʼ do bheḍa se meromteye hoyocoe khan uni do mitʼṭen niphuṭ merom boda se bheḍa baṛeye ạguiyema.

Exodus 12:5

Uni hopon do merom boda se bhiḍi pal khon bachao akade mitʼ bochorren mitʼṭen bheḍa hoponge. Uniyakʼ hoṛmore jãhãn khũt alo baṛe tahentae ma.

Levitikus 22:17

Inạ tayom Probhu Isor do Moseye galmaraoadea,

Amos 4:5

Ape do gun manao reakʼ samaṅokʼakʼ lekate khạmiyanakʼ piṭhạpe samaṅetʼa ar apeakʼ monejoṅakʼ lekage samaṅokʼakʼ jiniskote bạḍạitepe perejokʼkana, ente E Israelko, ape do onagepe kusiyakʼkana. Iń Probhu Isorge noa katha doń menetʼkana.

Malaki 1:14

Jãhãege palre menakʼkotae lek lekan janwarko khon emokʼ lạgitʼe manot akatʼ khan ar hoṛmore dusiyicʼ mitʼṭen janwar Probhu Isor ńutumteye samaṅakade khan, uni doe ṭhokgea. Uni cetanre do sarap paṛaokʼma. Iń kangeạń maraṅ raj do ar sanam jạtrenko do ińgeko botorạńạ. Ar iń phạdkoren Probhu Isorge noa katha doń meneda.”

2 Bõsbudạ 31:14

Hoṛkoakʼ kusi lekateakʼ samaṅokʼakʼ jinis reakʼ bhar do purub secʼ reakʼ duạr horhoyicʼ Liwi Imnaren hopon Kori cetanre tahẽkana. Ar Probhu Isor emae joto dan-sandes ar sonot utạrakʼ jinisko hạṭiń reakʼ bhar hõ uni cetanrege tahẽkana.