Levitikus 22:10 - সান্তালী বাইবেল

¹⁰ “Naeke gharońjren hoṛko chaḍa ar okoehõ samaṅakʼ sonotakʼ jinis do bako jom daṛeakʼa. Naekeren jãhãe peṛa se kạmiyạko hõ ona do bako jom daṛeakʼa.

Levitikus 22:10 Referans Kwoze

Mathae 12:4

Dạud ar uniren soṅgetenko do ona jojom lek baṅ tahẽkantakoa, eken naekekoge ona doko jometʼ tahẽkana.

1 Samuel 21:6

Onate naeke do ona sonotakʼ piṭhạ Dạude emadea, ente ona piṭhạ chaḍa ar eṭakʼ jãhãn piṭhạ uni ṭhen do baṅ tahẽkana. Ar enhilokʼge ona piṭhạ do Probhu Isor samaṅ khon ocokʼkate ona ṭhạ̃ire lolo piṭhạko dohoakatʼ tahẽkana.

Exodus 29:33

Naeke kạmire bahalko lạgitʼ ar iń ńutumte begar dohoko lạgitʼ oka samaṅokʼakʼ jomakʼ puruchun lạgitʼ beoharokʼ ona do Aron ar uniren hoponko jojom hoyokʼtakoa. Eṭakʼ hoṛ ona do bako jom daṛeakʼa, ente ona do sonotakʼ jomakʼ kana.

Exodus 12:45

Ape talareko tahenkan seko hecʼakan se ṭakateko khaṭao ocokʼkan nonkan jãhãe jạtren hoṛ hõ ona do bako jom daṛeakʼa.

Levitikus 22:13

Menkhan naekeren jãhãe rạnḍi hoponera se jãwãetetʼe bạgi akade begor gidrạwan kuṛi do apatakʼ oṛakʼre tahen lạgitʼe ruạr hecʼakan khan uni do acʼ apat reakʼ hĩse ńama. Naekeakʼ gharońjrene baṅkan nonkan okoehõ ona do bako jom daṛeakʼa.

Numeri 3:10

Naeke lekate kạmi lạgitʼ am do Aron ar uniren hoponkom ojokʼ bahalkoa. Onko chaḍa ar jãhãege naeke reakʼe kạmi uni doe gocʼ ocokʼa.”

Exodus 12:43

Tayomte Probhu Isor do Mose ar Arone metatʼkinạ, “Bańcaokʼ porobre bheḍa hopon reaṅ iń do thoṛa niạm iń emaben kana. Eṭakʼ jãhãe jạtren hoṛ noa reakʼ jel do bako jom daṛeakʼa.

Levitikus 21:22

Isor ńutumte samaṅakʼ jomakʼ modre sonotakʼ ar sonot utạrakʼ joto jomakʼge uni doe jom daṛeakʼa,

1 Samuel 21:7

Doeg ńutuman Sạulren mitʼṭen Edomren guti do enhilokʼ Probhu Isor ńutumte mitʼṭecʼ kạmi lạgitʼ onḍeye tahẽkana. Uni do Sạulren gutikoren sordare tahẽkana.

Esra 2:63

Ar disạm cakʼlaoyicʼe hukumleda Urim ar Thumim beohar lạgitʼ naekeko ạuriko ńamokʼ hạbicʼ okoe hõ jemon ona sonot utạrakʼ jomakʼ aloko jomma.

Jeheskel 44:8

Ińakʼ sonot jinisko cetanre okaṭakʼ dạyik tahẽkan ona baṅkate ińakʼ oṛakʼ reakʼ bhar do eṭakʼkoakʼ tirepe jimạ akada.