Levitikus 21:6 - সান্তালী বাইবেল

⁶ Ar onako onkaete akoren Isorakʼ ńutum jemon aloko besonot. Onko do Isor ńutumte begar akanko tahena. Naeke do Probhu Isor ńutumte seṅgelteakʼ samaṅakʼko samaṅa ar Probhu Isor lạgitʼ begar akanko tahena. Ar noa samaṅokʼakʼ jinisge akoren Isor ńutumte samaṅakʼ jomakʼ mente hoyokʼtakoa.

Levitikus 21:6 Referans Kwoze

Levitikus 18:21

“Ape modre jãhãege acʼren hopontetʼ se hoponera Molok debota ńutumte seṅgelre aloko samaṅkoma se okalekate hõ acʼren Isorakʼ ńutum aloe besonot ocoytaema. Iń kangeạń Probhu Isor do.

Levitikus 3:11

Naeke do noako samaṅokʼakʼ reakʼ jomakʼ mente pinḍreye jereda. Noa do Probhu Isor ńutumte seṅgelteakʼ jeredokʼ samaṅokʼakʼ kana.

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

Jeheskel 44:7

Apeakʼ eṭakʼ bạṛicʼakʼ colonko sãote ape do iń ṭhen jomakʼ, itil ar mãyãm samaṅokʼakʼpe samaṅ jokhecʼ ontor ar hoṛmore bin khatna akan bidisiạko ińakʼ oṛakʼrepe ader akatʼkote ińakʼ oṛakʼpe besonot akada ar onkoakʼ kạmi hotete ińakʼ bondobospe bạtil akada.

Jesaea 52:11

Ma oḍokokʼpe, men ona jaega khon oḍok hijukʼpe. Ar chutakʼ jãhãn jinisko alope joṭeda. Ape okoe Probhu Isorakʼ bhajankope gokʼ idiyetʼ ape do ona jaega khon oḍok hijukʼpe ar saphakʼpe.

Esra 8:28

Iń do onkoń metatʼkoa, “Niạko bạṭiko do Probhu Isor ńutumte begar dohoakana. Ona chaḍa niạko sona ar rupạ do aperen hapṛamkoren Probhu Isor ńutumte apnarakʼ sana leka dan akana.

Levitikus 21:8

E Israelko, naekeko Isor ńutumte begar doho akan hoṛ mente bujhạukope, ente onko do aperen Isor ńutumte jomakʼ samaṅokʼakʼ reakʼko kạmikana. Onate begar akan hoṛ menkate hudiskope, ente iń Probhu Isor doń sonotgea ar iń lạgitʼge ape doń begar dohoakatʼpea.

Levitikus 19:12

Iń ńutumte eṛe eṛe alope kiriạkʼa ar aperen Isorakʼ ńutum alope besonota. Iń kangeạń aperen Probhu Isor do.

Levitikus 10:3

Unre Mose do Arone metadea, “Probhu Isore meneda, ‘okoe iń ṭhenko hijukʼ onko do sonot mente jemonko manaoiń. Ar sanam hoṛko samaṅre jemon iń ṭhonokokʼ.’ ” Ar Aron do hapegeye tahẽyena.

Exodus 29:44

“Ńapamokʼ tạmbu ar pinḍ do iń ńutumteń begar dohokakʼa ar naeke lekate iń sewawạń lạgitʼ Aron ar uniren hoponko hõ iń ńutumteń begar dohokoa.

Exodus 28:36

“Mitʼṭecʼ khạṭi sona reakʼ pat benaokate ona cetanre mohor chap akatʼ leka noa kathakom rokʼ caṛhaoa, ‘Probhu Isor ńutumte begarakʼ mente.’

Exodus 19:22

Ar Probhu Isor ṭhenko sorokʼkan naekeko hõko saphakʼma. Ar bako saphakʼ khan Probhu Isor do kajak sạjạiye emakoa.”

Levitikus 21:17

“Am do Aron metaeme, hoṛmore dos menakʼ nonkan okoehõ Isor ńutumte jomakʼ samaṅokʼakʼ lạgitʼ pinḍ ṭhen alo jemonko calakʼ.

Levitikus 21:21

Hoṛmore dos menakʼtae nonkan Aron bõsren jãhãege pinḍ ṭhen senkate Probhu Isor ńutumte seṅgelre jãhãnakʼ samaṅokʼakʼ bae samaṅ daṛeakʼa. Ar dos menakʼtaete pinḍ ṭhen senkate Isor ńutumte jãhãn jomakʼ hõ bae samaṅ daṛeakʼa.

Levitikus 20:3

Uni do mẽtʼ ar mẽtʼteń ńelea, ente uni jạtrenko khon uni doń marao giḍiyea, ente Molok debota ṭhen acʼren gidrại samaṅedete ińakʼ sonot tạmbui bhõnḍ ocoyeda ar ińakʼ ńutum hõe besonot ocoyetʼkana.

Levitikus 21:23

menkhan uniyakʼ hoṛmore dos menakʼtaete sonot ṭhạ̃i reakʼ orwal ṭhen se pinḍ samaṅre senkate ińakʼ ṭhạ̃iko reakʼ sonottetʼ do bae nosṭo daṛeakʼa. Iń kangeạń aperen Probhu Isor do, ińge naekekoń begar dohoakatʼkoa.”

Numeri 16:5

Uni do Korah ar uni dolren hoṛkoe metatʼkoa, “Gapage Probhu Isor doe udukʼ abona okoe do uniren kanako ar okoe do uni ńutumteko begar ocoakana. Unige acʼren hoṛko acʼ samaṅreye sen ocoakoa. Ar okoeye bachao akawan unige acʼ samaṅreye sor ocoaea.