Levitikus 21:17 - সান্তালী বাইবেল

¹⁷ “Am do Aron metaeme, hoṛmore dos menakʼ nonkan okoehõ Isor ńutumte jomakʼ samaṅokʼakʼ lạgitʼ pinḍ ṭhen alo jemonko calakʼ.

Levitikus 21:17 Referans Kwoze

Sereńko 65:4

Bhạgangeae uni hoṛ, one okoeyem bachao joṅ ar am ṭhenem ạguyede, jemon amakʼ racareye girobas daṛeakʼ. Amakʼ oṛakʼre, amakʼ sonot tahen ṭhạ̃i reakʼ bhorte ale dole tirpitokʼa.

Numeri 16:5

Uni do Korah ar uni dolren hoṛkoe metatʼkoa, “Gapage Probhu Isor doe udukʼ abona okoe do uniren kanako ar okoe do uni ńutumteko begar ocoakana. Unige acʼren hoṛko acʼ samaṅreye sen ocoakoa. Ar okoeye bachao akawan unige acʼ samaṅreye sor ocoaea.

Levitikus 10:3

Unre Mose do Arone metadea, “Probhu Isore meneda, ‘okoe iń ṭhenko hijukʼ onko do sonot mente jemonko manaoiń. Ar sanam hoṛko samaṅre jemon iń ṭhonokokʼ.’ ” Ar Aron do hapegeye tahẽyena.

Ibriko 7:26

Nonkan mitʼṭen sonoticʼ, bin dusiyicʼ ar niphuṭ utạricʼ maraṅ naekege jạruṛ tahẽkan tabona. Uni do kại hoṛko khone begargea ar Isor do serma khon hõ bạ̃ṛti usule rakapʼ akadea.

1Timothi 3:2

Onate manḍer ạyuricʼ do nonkanicʼ hoyokʼ jạruṛa jemon okoe hõ uni do aloko dusi daṛeae. Uniren do mitʼṭen erae tahentaema. Uni do sote ar apnarte sambṛaokʼicʼ ar bhage bud akel tahen jạruṛtaea. Uni do soṛa ar pekʼṛayicʼ hoyokʼ jạruṛtaea. Ar eṭakʼko cetʼako reakʼ daṛe hõ tahen jạruṛtaea.

1 Thessalonikikko 2:10

Ar okoekope pạtiạu akan, ape tulucʼ aleakʼ beohar do, sonot, dhorom ar niphuṭge tahẽkana, ar onaren gohako do Isor ar apege.

Levitikus 21:21

Hoṛmore dos menakʼtae nonkan Aron bõsren jãhãege pinḍ ṭhen senkate Probhu Isor ńutumte seṅgelre jãhãnakʼ samaṅokʼakʼ bae samaṅ daṛeakʼa. Ar dos menakʼtaete pinḍ ṭhen senkate Isor ńutumte jãhãn jomakʼ hõ bae samaṅ daṛeakʼa.

Levitikus 21:6

Ar onako onkaete akoren Isorakʼ ńutum jemon aloko besonot. Onko do Isor ńutumte begar akanko tahena. Naeke do Probhu Isor ńutumte seṅgelteakʼ samaṅakʼko samaṅa ar Probhu Isor lạgitʼ begar akanko tahena. Ar noa samaṅokʼakʼ jinisge akoren Isor ńutumte samaṅakʼ jomakʼ mente hoyokʼtakoa.

Levitikus 3:16

Naeke do noako samaṅokʼakʼ jomakʼ lekate pinḍ cetanreye jereda. Noa do seṅgelteakʼ mitʼṭen samaṅokʼakʼ kana, one ona reakʼ jut so Probhu Isor doe kusiyakʼkan. Ar samaṅ akade janwarakʼ itil do jotoge Probhu Isorakʼ kana.

Levitikus 3:11

Naeke do noako samaṅokʼakʼ reakʼ jomakʼ mente pinḍreye jereda. Noa do Probhu Isor ńutumte seṅgelteakʼ jeredokʼ samaṅokʼakʼ kana.

Levitikus 21:16

Inạ tayom Probhu Isor do Moseye metadea,