Levitikus 21:13 - সান্তালী বাইবেল

¹³ Uni do mitʼṭen ḍạṅgwạ kuṛiye bapla daṛeaea.

Levitikus 21:13 Referans Kwoze

Johan sodor 14:4

Noko do onko hoṛ kanako, one okoe do maejiuko tulucʼ bako laṭghaṭ akatʼte saphage menakʼko. Ar jãhã secʼge Bheḍa Hopone calakʼ onko hõ uni tayomteko calakʼa. Isor ar Bheḍa Hopon ṭhen pạhil jo lekate dãṛẽ lạgitʼ hoṛko mod khon onko doko kiriń akan tahẽkana.

2 Korinthiko 11:2

Iń do ape lạgitʼ ińakʼ ontorre Isor reakʼ khạndri ãṭteń ãṭokʼkana, ente iń do eken mitʼṭen jãwãe tulucʼ, metakʼme Mạsi tulucʼge apeakʼ bapla reaṅ iń ṭhik dohoakada, jemon niphuṭ kũạ̃ri kuṛi leka uni tireń jimạ daṛeape.

Jeheskel 44:22

Rạnḍi maejiu se jãwãeye bạgi akawade nonkan jãhãe maejiu onko do bako bapla daṛeakoa; onko do eken Israel jạtren kũạri kuṛi se naekeren rạnḍi akan bạhuko bapla daṛeakoa.

Levitikus 21:7

Kusumbiko, loṭghoṭi maejiu, se jãwãe ṭhen khone bạgi ocoakan maejiu baplako hõ baṅ ganokʼtakoa. Ente onko do Isor ńutumteko begar doho ocoakana.

Levitikus 21:14

Rạnḍi se jãwãetetʼ ṭhen khone bạgi ocoakan se loṭghoṭi iạte apnare besapha ocoakan nonkan maejiu baplako do baṅ ganokʼtaea. Eken acʼ jạtren ḍạṅgwạ kuṛigeye bapla daṛeakoa,