Levitikus 21:10 - সান্তালী বাইবেল

¹⁰ “Maraṅ naeke, metakʼme boehako modre okoeyakʼ bohokʼre ojokʼ bahalokʼ reakʼ sunum dul akan ar bahalokʼ reakʼ porob hotete okoeṭakʼ maraṅ naeke do sonot kicricʼ horog reakʼ ạidạriye ńamakatʼ, uni do duk sodor lạgitʼ bohokʼ bae koṭoetaea ar acʼakʼ kicricʼko hõ bae oṛejtaea.

Levitikus 21:10 Referans Kwoze

Levitikus 16:32

Jãhãe naekege maraṅ naeke lekate tinre acʼ apattetʼakʼ hudạreye ojokʼ bahal ocokʼa unre uni hõ noa kại ńutumte puruchun reakʼ kạmi hoyokʼtaea. Uni do mĩhĩ musnạ kicricʼ horokʼkate sonot utạrakʼ ṭhạ̃i reakʼ, ńapamokʼ tạmbu reakʼ, pinḍ reakʼ, naeke reakʼ ar goṭa Israel jạtrenkoakʼ besaphawakʼ ar kại ńutumte puruchun reakʼe kạmiya.

Mathae 26:65

Khange maraṅ naeke do acʼakʼ kicricʼe oṛecʼketʼteye menkeda “Nui do Isore henosta akawadea. Gohako reakʼ do ar cetʼ jạruṛa bona? Ńitge coṅ ape hõpe ańjomketʼ, uni do Isore henostawae kana.

Numeri 35:25

Bicạrre manḍerren hoṛko do unre mãyãm reakʼ haha hạli okoe hataoe menetʼ uniyakʼ ti khon khũn iạte dạyi akade hoṛ do rukhiyạkate ona asrayokʼ nagrahate kolkae hoyokʼa okare uni do dạdạṛe menletʼ tahẽkan. Ar sonot sunumte ojokʼakade maraṅ naekeakʼ gujukʼ ạuri hoyokʼ hạbicʼ uni hoṛ do onḍege tahen hoyokʼtaea.

Levitikus 8:12

Ona tayom uni do ojokʼ bahalokʼ reakʼ thoṛa sunum hataokate Aronakʼ bohokʼreye dulkeda ar Probhu Isor ńutumteye ojokʼ bahalkedea.

Sereńko 133:2

Ona do bohokʼre dulakatʼ damanakʼ sunum leka one oka do Aronakʼ goco secʼte joro pheḍokʼkan uniyakʼ kicricʼre.

Ester 6:12

Inạ tayom Mordekai do arhõ raj dolan reakʼ phaṭo duạr ṭhene senena. Menkhan Haman do dukte bohokʼe tol esetʼente usạrate oṛakʼteye calaoena.

2 Samuel 15:30

Dạud do rakʼ rakʼte jạitun buruteye rakapʼ calaoena. Uni do bohokʼ poṭom esetʼkate eken jaṅgae taṛametʼ tahẽkana. Hoṛko hõ jotoge uni sãote bohokʼ poṭomkate rakʼ rakʼte rakabokʼko ehopʼena.

Levitikus 13:45

“Nonkan rog okoeyakʼ hoyokʼ uni do oṛecʼ kicricʼ horog hoyokʼtaea. Ar upʼ do aṛakʼge tahentaea. Uni do acʼakʼ mẽtʼ betʼkate ãṭ aṛaṅte ‘besapha, besapha,’ roroṛ hoyokʼtaea.

Genesis 37:34

Jakob do acʼakʼ kicricʼe oṛecʼketʼa ar ḍanḍare gõṛẽ kicricʼe horokʼketʼte ḍher din hạbicʼ hopontetʼ lạgitʼte homor halaṅkeda.

Jobakʼ 1:20

Niạ katha ańjomkate Job doe beretʼente mon reakʼ kosṭote kicricʼe oṛecʼkeda are munḍrạyena. Ona tayom otre ombakʼkate Isor sewawadeteye menkeda,

Exodus 29:7

Ar ona tayom do ojokʼ bahale reakʼ sunum bohokʼrem dulaea arem ojokʼ bahalea.

Jeheskel 24:17

Am do kuhrạukʼme. Ar gocʼ icʼ lạgitʼ do alom homor halaṅa. Dạhṛikʼme jaṅgare cạṭki horogme; amakʼ moca alom bedtama ar hokʼmorkoakʼ jomakʼ hõ alom joma.”

Levitikus 4:3

“Uni kạkạiyicʼ do ojokʼ bahal ocoakan naekekan khane ar ona iạte sanam hoṛ dusiko hoyokʼ, enḍekhan ona lạgitʼ uni do kại reakʼ puruchun lekate Probhu Isor ṭhen mitʼṭen niphuṭ utạricʼ ḍaṅgra ạguiye hoyokʼtaea.

Numeri 6:7

Gogo-baba, boeha-misera jãhãegeko gocʼlenre hõ apnarte bae besapha daṛeakʼa, ente uniyakʼ bohokʼre Isor ńutumte begar doho akan reakʼ cinhạ menakʼa.