Levitikus 20:24 - সান্তালী বাইবেল

²⁴ Iń doń metatʼpe tahẽkana, onkoakʼ disạm do apeakʼge hoyokʼa. Iń do toa, dumur rasa ạtukʼkan ona disạmge ạidạri menkateń emapea. Iń kangeạń aperen Probhu Isor do. Ińge eṭakʼ sanam jạtrenko khoniń begar dohoakatʼpea.

Levitikus 20:24 Referans Kwoze

Dosar Biboron 14:2

Ape do Probhu Isor ńutumte mitʼṭen begar akan jạtrenko kanape. Dhạrtiren sanam jạtrenko mod khon Probhu Isor do apegeye bachao akatʼpea jemon uniren ạidạri porjakope hoyokʼ.

Dosar Biboron 7:6

Ente ape do nonkan mitʼṭen jạtrenko kanape aperen Isor ńutumtepe begar doho ocoakana. Ape do jemon Probhu Isorren hoṛ ar uniren sompottipe hoyokʼtae onate dhạrtiren sanam jạtrenko tala khone bachao akatʼpea.

Exodus 6:8

Okaṭakʼ disạm do Abraham, Isahak ar Jakob ṭhen emokʼ lạgitʼ iń gokʼletʼ ona disạmtegeń idipea ar ona disạm reakʼ ạidạriń emapea. Ar ińkangeạń Probhu Isor do.’ ”

Exodus 3:17

Ona iạteń meneda, Misor reakʼ santao khoniń oḍok idipea ar Kananrenko, Hittirenko, Amorirenko, Pherisirenko, Hiwirenko ar Jebusirenkoakʼ disạmteń idipea. Onḍe do toa, dumur rasa ar jãhãn cetʼ reakʼ reṅgecʼge bạnukʼa.’

Exodus 3:8

Misorrenkoakʼ ti khon onko rukhiyạko lạgitʼ iń doń pheḍ hecʼakana. Iń do ona disạm khoniń oḍok ạgukoa ar Kananrenko, Hittirenko, Amorirenko, Pherisirenko, Hiwirenko ar Jebusirenkoakʼ disạmteń idikoa. Ona disạm do maraṅgea ar mońjgea; onḍe do toa ar dumur rasa reakʼ jãhãn okulạnge bạnukʼa.

Levitikus 20:26

Iń Probhu Isor doń sonotgete ape hõ sonotko hoyokʼpe; ar ińge ińren hoṛ hoyokʼ lạgitʼ eṭakʼ jạtrenko khoniń begar akatʼpea.

Exodus 33:16

Ale sãote bam senlen khan cekatele baḍaea, amakʼ daya do iń ar amren hoṛko cetanre menakʼa mente? Iń ar amren hoṛko dhạrtiren eṭakʼ hoṛko khonle begarge ona do cekatele bujhạu daṛekea?”

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

1 Rapajko 8:53

E Probhu Isor, aleren hapṛamko Misor disạm khon oḍok ạguko jokhecʼ amren guti Mose hotete amakʼ roṛ saḍeakʼ lekate amren sompottiko hoyokʼ lạgitʼ dhạrtiren sanam jạtrenko tala khon am do Israelkom begar dohoakatʼkoa.”

Numeri 23:9

Iń do buru muthni khoniń ńelketʼkoa; ar buru cetan khon onkoń ạribạndhi akatʼkoa. Nonkan mitʼṭen jạtrenkoń ńelketʼkoa okoe do eṭakʼko khon pharakreko tahenkan; onko do eṭakʼ sanam jạtrenko sãote midokʼko lekako baṅkana.

Exodus 33:3

Onḍe do toa, dumur rasa ar cetʼ jãhãnakʼ reakʼ okulạnge bạnukʼa. Menkhan keṭecʼ hoṭokʼan jạtkantepe iń do ape sãote bạń calakʼa, ariń senlen khan horregeń marao utạrpea.”

Exodus 13:5

Probhu Isor do tinre Kananrenko, Hittirenko, Amorirenko, Hibiyạrenko ar Jebusirenkoakʼ disạmteye idipea unre ape do noa candorege bochor reakʼ porobpe porobokʼa. Noa kangea ona disạm do one okaṭakʼ Probhu Isor do ape emapea mente aperen hapṛamko ṭhene gokʼletʼ. Onḍe do toa, dumur rasa ar cetʼ jãhãnakʼ reakʼ okulạnge bạnukʼa.

2 Korinthiko 6:17

Arhõe meneda, “Onate ape do be pạtiạuko tala khon oḍok hijukʼpe ar begarokʼpe. Ar jãhãn besaphawakʼko alope joṭeda, enḍekhan ińgeń ataṅ darampea.”

Johan 15:19

Ape do noa dhạrtirenpe hoylen khan enḍekhan hoṛko do apnarren menteko dulạṛkepea. Menkhan noa dhạrtiren dope baṅkana, bickom iń do dhạrti khoniń bachao akatʼpete dhạrtiren hoṛko apeko kurudape kana.

Exodus 33:1

Ona tayom Probhu Isor do Moseye metadea, “Amren okoe hoṛko Misor disom khonem oḍok ạguakatʼko onko salakʼ niạ ṭhạ̃i bạgikate ińiń gokʼakawatʼpe disạmte calakʼpe. Iń do Abraham, Isạhak ar Jakob ṭhen noa disạm reakʼgeń kiriạlena, onkoren bõskoń emakoa mente.

Levitikus 14:34

“Okaṭakʼ disạm do ạidạri menteń emape lạgidokʼkan ona disạmte bolokate onḍe jãhãn mitʼṭecʼ oṛakʼre murhucʼjom rog iń paṛao ocoy,