Levitikus 20:22 - সান্তালী বাইবেল

²² “Oka disạmteń idiyetʼpe ona disạm jemon aloe ulạ giḍikape ona lạgitʼ ińakʼ niạm ar ạn-ạriko manao hoyokʼtapea.

Levitikus 20:22 Referans Kwoze

Jeheskel 36:27

Apere ińren Jiu iń bạisạuapea ar nonkań hoyocopea jemon ińakʼ sanam niạmpe manaotiń. Onate ape do ińakʼ ạn-ạṛikope moneyakʼa.

Sereńko 119:160

Amakʼ sanam kathako do sạrigea; amakʼ mitʼke mitʼ dhoromte perecʼ ạn do jaejug hạbicʼ tahena.

Sereńko 119:145

Ińakʼ goṭa ontorteń hohowam kana; E Probhu Isor, roṛ ruạṛạńme. Amakʼ sanam ạnkoń manaoa.

Sereńko 119:80

Amakʼ ạn ạriko senakʼ jokhecʼ ińakʼ ontor do jemon khạṭi tahen, jemon lajaore aloń paṛaokʼ.

Sereńko 119:20

Amakʼ ạn ạriko baḍae lạgitʼ jao okte ińakʼ jiwi do talga tạwạgokʼ akantińạ.

Sereńko 105:45

Jemon onko do uniyakʼ niạmko manao ar uniyakʼ ạn lekako calao daṛeakʼ. Probhu Isorakʼge sarhao hoyokʼtae ma.

Sereńko 119:175

Iń bańcao dohoyińme jemoniń gun manao joharam; ar amakʼ ạn ạriko do ińe goṛowạńma.

Sereńko 119:171

Ińakʼ luṭi khon amakʼ sarhao do heḍecʼ oḍokokʼma, ente amge amakʼ ạn reakʼem cetʼạń kana.

Dosar Biboron 5:1

Mose do sanam Israelko hohoatʼkoteye metatʼkoa, “E Israelko, teheń ape ṭhen okako niạm ar hukumiń sodoretʼkan ona baṛe ańjompe. Ar onako cetʼ dohokakʼpe ar joton salakʼ manao idiype.

Levitikus 26:33

Ar eṭakʼ jạtrenko talareń chirchạturpea ar tarwaṛeteń khudạu baṛapea. Apeakʼ disạm reakʼ sanam jumiko, atoko ar nagrahako do jarkharokʼtapea.

Levitikus 19:37

Ińakʼ sanam niạmko manaope ar ińakʼ sanam ạn-ạriko dohoype. Iń kangeạń aperen Probhu Isor do.”

Exodus 21:1

Ona tayom Probhu Isor do Moseye metadea, “Ińakʼ noako niạm do Israelkom samaṅakoa.

Sereńko 119:164

Amakʼ dhoromte perecʼ ạn ạri lạgitʼ iń do dinre eae dhaoiń gun manao joharam kana.

Sereńko 119:106

Iń do amakʼ dhoromte perecʼ ạn ạri manaokate calakʼ reakʼ iń kiriạ akana, ar ona do kajaktegeń kiriạ akana.