Levitikus 20:14 - সান্তালী বাইবেল

¹⁴ Okoe hoṛ jãhãe hoponera ar uniren eṅgattetʼe baplakin uniyakʼ ona do hirkhạwakʼ kạmige hoyokʼtaea. Ar jãhãe onkanakʼe kạmi khan uni hoṛ ar unkin eṅgahon jotoge seṅgelre khadleko hoyokʼa jemon nonkan hirkhạwakʼ kạmi ape talare ar alo hoyokʼ.

Levitikus 20:14 Referans Kwoze

Levitikus 18:17

Maejiu ar uniren hoponera sãote giticʼmidokʼ hõ baṅ ganokʼa. Ar uni maejiuren hopontetʼ se hoponeraren kuṛi sãote giticʼmidokʼ hõ baṅ ganokʼa, ente uni do maejiuren hoṛmo hạṭiń kanae. Ar noa do mitʼṭecʼ bạṛicʼ kạmi kangea.

Dosar Biboron 27:23

‘Sarapangeae uni hoṛ do, okoe do acʼren hanhartetʼ sãoteye laṭghaṭetʼkan.’ Unre sanam hoṛko mena, ‘Amen.’

Amos 2:7

Onko do dhuṛiko eretʼkan lekage reṅgecʼ hoṛko eretʼkoa ar nandanko do hor khonko ṭhelao ocokʼetʼkoa. Apat ar hopon do ini mitʼ maejiu sãotegekin laṭghaṭetʼ kana ar nonkate onko do ińakʼ sonot ńutumko besonotetʼtińạ.

Josuạ 7:15

Ar okaṭakʼ do ḍahao marao sarapakʼ tabe reakʼkan ona okoe hoṛ ṭhen ńamokʼ uni hoṛ ar uniyakʼ sanamakʼ do seṅgelre atar giḍikakʼ hoyokʼa. Uni do Probhu Isorakʼ bondobose bemanot akada ar nonkan mitʼṭecʼe kạmi akada one okaṭakʼ do Israelko lạgitʼ mitʼṭecʼ lajao paṛaoakʼkan.”

Josuạ 7:25

Ona tayom Josuại menkeda, “Abo cetanre cedakʼ muhin dom ạgukeda? Teheń Probhu Isor do amre hõ muhine paṛao ocoya.” Unre sanam Israelko do pạhilre Akhan ar ona tayom do uni gharońjren sanamko dhiriteko tiń gocʼketʼkoa. Ar ona tayom do jotowakʼko jeretʼ giḍikada.

Levitikus 21:9

Jãhãe naekeren hoponera loṭghuṭi iạteye ńurlen khan enḍekhan uni do acʼ apattetʼe besonot ocoyedekana. Ar uni kuṛi do seṅgelre atar giḍikae hoyokʼa.