Levitikus 2:4 - সান্তালী বাইবেল

⁴ “Jãhãege culhạre rapakʼakʼ jãhãn jiniste jomakʼ samaṅokʼakʼe menetʼ khan uni do bin khạmiyanakʼ mĩhĩ holoṅte benao hoyokʼtaea. Ona do sunum mesalakatʼ bin khạmiyanakʼ piṭhạ se sunum ojokʼ akawatʼ bin khạmiyanakʼ thapṛa piṭhạkoge hoyokʼma.

Levitikus 2:4 Referans Kwoze

Exodus 29:2

Ona tayom mĩhĩ moeda reakʼ piṭhạko, sunum ojokʼakʼ piṭhạko ar thapṛa piṭhạkom benaoa. Noako reakʼ okaṭakʼre hõ khạmi do alom mesalakʼa.

Sereńko 22:14

Iń do dakʼ lekań dul giḍi ocoakana, ińakʼ sanam jaṅ reakʼ joṛaoko do chaḍao akantińạ, ińakʼ ontor do mom leka hoyakante iń bhitrirege cher lambao idikʼkana.

1 Patras 2:22

Uni do bae kại akada uniyakʼ mocare jãhãn phorphundi hõ baṅ tahẽkana.

1 Patras 2:1

Onate eṭakʼkoakʼ loksantako reakʼ joto lekan monejoṅakʼ, sanam lekan phorphundi, eṛeteakʼ, hiskạ ar sanam lekan nisṛạu kathako apeakʼ ontor khon oḍok giḍikakʼpe.

Ibriko 7:26

Nonkan mitʼṭen sonoticʼ, bin dusiyicʼ ar niphuṭ utạricʼ maraṅ naekege jạruṛ tahẽkan tabona. Uni do kại hoṛko khone begargea ar Isor do serma khon hõ bạ̃ṛti usule rakapʼ akadea.

Johan 12:27

Ińakʼ jiwi do ńitokʼ khad badaokʼkan tińạ. Iń do cetʼ niạ kathageń mena, ‘E Baba, noa ghuṛi khon de bańcaoiń me?’ Menkhan niạ lạgitʼge coṅ noa okte hạbicʼ mań hecʼakana.

Johan 3:34

Isor okoeye kolakade uni do Isorakʼ kathageye roṛa, ente Isor do sonot Jiu soṅkate bae emekana.

Mathae 26:38

Uniye metatʼkoa, “Gujukʼ dạkhil jiwi lokʼkantińa. Ape do onḍege tahẽ hataṛokʼpe ar iń tulucʼ jagwar akae tahenpe.”

Jesaea 42:1

Probhu Isore meneda, “Ńelpe, ińren guti, one uniń goṛowae kan; ariń bachao akade ar one unireń kusi akan. Ińren Jiu do unireń dohoyea ar uni do boṅgan hoṛ jạtrenko ṭhen hok reakʼ bicạre lại jạhira.

Levitikus 10:12

Ona tayom Mose do Aron ar uniren sarecʼ banar hopon Eliasar ar Ethamare metatʼkinạ, “Probhu Isor ńutumte seṅgelre samaṅokʼakʼ khon jomakʼ samaṅokʼakʼ reakʼ oka sarecʼ hĩsko tahen ona do pinḍ aṛere idikatepe joma, menkhan khạmi begor mesalte jojom hoyokʼa. Noa do sonot utạrakʼ jinis kana.

Jeheskel 46:20

Uni do ińe metadińạ, “Noa do ona ṭhạ̃i kana one okare naekeko do dos ńutumte samaṅokʼakʼ ar kại ńutumte samaṅokʼakʼ jelko teke isin ar anaj samaṅokʼakʼ jinisko sekao isin jemon ona sonot jinisko bahre racare ạgu baṅ lagaoako, ente jãhãe hoṛge onae joṭed uni do Probhu Isor ńutumteye begar utạrokʼa.”

Jesaea 61:1

Probhu Isorren Jiu doe decʼ akawạdińa, ente uni do ińe ojokʼ akadińạ jemon reṅgecʼ orecʼko bhage sombatiń danako. Uni doe kol akadińạ rạputʼ monanko bogeko lạgitʼ, bondi akanko ṭhen sạdhinokʼ reakʼ katha lại jạhir lạgitʼ; kạd oṛakʼre tol akanko ṭhen chaḍaokʼ reakʼ katha sodor lạgitʼ;

Levitikus 7:12

Jãhãege sulukren samaṅokʼakʼ Probhu Isor ńutumte gunmanao emaeye menetʼ khan uni do noa gun makʼnao samaṅokʼakʼ sãote sunumre mesalakʼ bin khạmiyanakʼ piṭhạ, sunum ojokʼakʼ bin khạmiyanakʼ thapṛa piṭhạ ar sunumre sipiyakʼ mĩhĩ holoṅ reakʼ piṭhạ,

Levitikus 6:17

Ar khạmi mesalkate ona do jemon alo rapagokʼ. Noa do iń ńutumte seṅgelre samaṅokʼakʼ jinis reakʼ onkoń ematʼkoa. Kại ńutumte samaṅokʼ ar dos ńutumte samaṅokʼakʼ leka jomakʼ samaṅokʼakʼ reakʼ noa hĩs hõ sonot utạrakʼ jinis kana.

Levitikus 1:11

Ar samaṅetʼkạnicʼ do pinḍ reakʼ utạr secʼre idikate Probhu Isor ńutumteye magea, ar Aronren hoponko do uniyakʼ mãyãm hataokate pinḍ beṛhaeteko irciyakʼa.

Exodus 16:31

Israelkoakʼ ona jomakʼ do Mannako metakʼkan tahẽkana (metakʼme “Onako do cetʼ kana?”). Noako do ńelokʼte dhạniạ jaṅ leka ponḍge tahẽkana; ar ona reakʼ sebel do dumur rasa piṭhạ leka.

Exodus 12:8

Enhilokʼ ńindạge onko do ona jel seṅgelreko rapagma ar begor khạmiyanakʼ piṭhạ ar haṛhatʼ aṛakʼ sãoteko jom ma.

Numeri 6:15

Niạko sãote jomakʼ samaṅokʼakʼ ar coḍorokʼ samaṅokʼakʼ jinis ar mitʼ ḍạlicʼ bin khạmiyanakʼ piṭhạ hõ lagaoea. Niạko piṭhạ do sunumre sipiyakʼ mĩhĩ holoṅ reakʼ piṭhạ ar sunum mesalakatʼ thapṛa piṭhạge hoyokʼ jạruṛa.