Levitikus 19:4 - সান্তালী বাইবেল

⁴ Boṅga sekʼwa do baṅ ganokʼtapea se apnarakʼ dewa sewae lạgitʼ tite jãhãn debota do alope benao joṅa. Iń kangeạń aperen Probhu Isor do.

Levitikus 19:4 Referans Kwoze

Levitikus 26:1

“Jãhãn debotakoakʼ muṭhạnge alope benao joṅa. Ape lạgitʼ kaṭren jãhãn muṭhạn se jãhãn pujạwakʼ dhirire jãhãn muṭhạn alope benaojoṅa. Ar pujạwako lạgitʼ dhiriren benao jãhãn muṭhạn hõ disạmre alope dohokoa. Iń kangeạń Probhu aperen Isor do.

Exodus 34:17

“Ape do dul boṅgako alope benao joṅa.

Exodus 20:23

Onate jãhãnakʼ benaokate sewawakʼ lạgitʼ iń sãote alope teṅgoea. Sona se rupạte ape lạgitʼ jãhãn Isorko alope benaojoṅa.

1 Johan 5:21

E bachakotiń, boṅgako tulucʼ apeakʼ do jãhãn jopoṛao alo tahen ma.

Dosar Biboron 27:15

‘Onko hoṛ doko sarapangea, okoe do chãńchre dulakʼ muṭhạnko, kaṭren se dhiriren murhutʼko rokʼ benaoetʼko ar sewawako lạgitʼ danaṅ ṭhạ̃ireko dohoyetʼko. Noko sanam murhutʼko do Probhu Isor ṭhen hirkhạwan jinis kanako, ar eken kạrigolakʼ titegeko benao akana.’ Unre sanamkoko mena, ‘Amen.’

1 Korinthiko 10:14

Onate E ińren gateko, boṅga sewa khon men ńir joṅpe.

Sereńko 96:5

Eṭakʼ eṭakʼ jạtren debotako doko ạuṛiyakʼgea, menkhan Probhu Isor do maraṅ serma sirjạuicʼ kanae.

Exodus 32:4

Aron do onkoakʼ ona saj bajkoe galao ocoketʼte chańcreye dulketʼa ar mitʼṭen mĩhũ muṭhạne benaokedea. Ona ńelte Israelko doko menkeda, “E boehako, aperen debotako do nuirege menakʼkoa. Misor disạm khon noko debotage ape doko oḍok ạguakatʼpea.”

Hagae 2:18

Teheń areakʼ cando reakʼ bargel ponakʼ dinre ińakʼ oṛakʼ reakʼ rehetʼ bạisạu hoyena. Ar ape lạgitʼ cetʼ iń cekae lạgidokʼkan onape ńela.

Levitikus 19:5

“Probhu Isor ńutumte sulukren samaṅokʼakʼpe samaṅre Probhu Isor jemon ape cetanreye kusikʼ onkape kạmiya.

1 Bõsbudạ 16:26

Eṭakʼ eṭakʼ jạtren debotako doko ạuṛiyakʼgea, menkhan Probhu Isor do maraṅ serma sirjạuicʼ kanae.

Levitikus 11:44

Iń do aperen Probhu Isor kạnạń. Onate ape do iń ńutumte begar akae tahenpe ar sonotko hoyokʼpe, ente iń doń sonotgea. Ot cetanre ạcur baṛae kạṭicʼ jãhãn janwarte hõ alope besapha ocokʼa,

Levitikus 19:25

Ar mõṛẽakʼ bochor khon ona dare reakʼ jo dope jom daṛeakʼa. Onate apeakʼ darekore do ḍher jo jokʼa. Iń kangeạń aperen Probhu Isor do.

Dosar Biboron 4:16

jemon bạṛicʼ horte senkate jãhãn murhutʼko alope benaokoa se jãhãn muṭhạn hõ alope benaojoṅa- baṅ do herelakʼge cetʼ baṅ do maejiuakʼge cetʼ,

Dosar Biboron 7:25

Onkoren boṅga muṭhạnko do seṅgelrepe khadle giḍikakʼa. Ar onkoakʼ hoṛmo reakʼ sona, rupạ do alope lalocakʼa. Ar ape lạgitʼ hõ alope hataoa, ente onape onkae khan onakoge apeakʼ jhampa leka hoyokʼa. Ar aperen Isor ṭhen hõ ona do hirkhạwanakʼ jinis kana.

1 Rapajko 14:9

Am lahate okoeko tahẽkan onko khonhõ am do ḍher bạṛicʼem kạmi akada. Am do apnar lạgitʼ debotakom benao akawana ar chańcre dulakʼ muṭhạnem benao akada. Am dom be kusi ocoakadińa arem bạgi giḍi akadińạ.

2 Bõsbudạ 28:2

Uni do Israelren rajko lekageye calakʼkan tahẽkana ar Bakʼal debota sewawae lạgitʼ chańcre dulakʼ muṭhạne benao ocoleda.