Levitikus 19:33 - সান্তালী বাইবেল

³³ “Ape talareko girobasokʼkan eṭakʼ jạtren hoṛko sãote bạṛicʼ alope beohara.

Levitikus 19:33 Referans Kwoze

Exodus 23:9

“Bidisiạ hoṛ alom santaokoa. Bidisiạ tahen cetʼkana mente ona do ape hõpe baḍaegea, ente Misor disạmre ape hõ bidisiạpe tahẽkana.

Exodus 22:21

“Bidisiạ hoṛ sãote bạṛicʼ alope beohara se alope santaoea, ente Misor disạmre ape hõ bidisiạpe tahẽkana.

Malaki 3:5

Phạdkoren Probhu Isore meneda, “Unre bicạrme lạgitʼ iń do am ṭheniń hijukʼa; ar unre jạdu udukʼko, kusumbiko, eṛe goha emokʼko ar okoe do din ṭakʼlaokoe ṭhokayetʼko, okoe do rạnḍi maejiu ar ṭũạr amarkoe santaoetʼko ar bidisiạko hok reakʼ bae bicạretʼtako kan, metakʼme okoe iń bako botorạń onko sanamko upạrte goha emokʼ do bạń biloma.

Jirimiạ 7:6

ar bidisiạko, ṭũạr amarko se rạnḍiko bape santaoko ar niạ disạmre miridoskoakʼ mãyãm bape joro ocoy ar eṭakʼ debotako bape pańjako,

Dosar Biboron 24:14

“Paona babotre reṅgecʼ orecʼ ar din mạjuriko cetanre alope behoka baṅ doe aperen Israel boehakan ar baṅ doe apeakʼ disạmren upriạ hoṛkan.

Jeheskel 22:29

Disạmren hoṛ doko jor jukʼlum kana arko rerecʼkana; reṅgecʼ orecʼko cetanreko behoketʼ kana ar dhorom bicạr baṅkate bidisiạko cetanreko sasantao kana.

Jeheskel 22:7

Am talarege hoṛko do eṅga-apako nihạ̃tetʼkoa, bidisiạkoko santaoetʼkoa ar ṭũạr amar ar rạnḍi maejiuko tulucʼ hõko jor julumeda.

Dosar Biboron 24:17

“Upriạ ar ṭũạr amarko lạgitʼ behokakʼ reakʼ do alope bicạra. Ar rạnḍi maejiuko ṭhen khon bandhok lekate kicricʼ hõ alope hataoa.

Dosar Biboron 24:18

Disạipe, Misor disạmre ape hõ golampe tahẽkana ar aperen Probhu Isor do onḍe khone chaḍao ạgu akatʼpea. Ona iạte noako kạmi lạgitʼ iń hukumape kana.

Dosar Biboron 27:19

‘Sarapangeae uni hoṛ do, one okoe do upriạko, ṭũạr amarko ar rạnḍi maejiuko cetanreye behoketʼkan.’ Unre sanam hoṛko mena, ‘Amen.’

Exodus 22:20

“Probhu Isor chaḍa jãhãege jãhãe debota ṭhen jãhãnakʼe samaṅ enḍekhan uni hõ goje hoyokʼa.