Levitikus 19:32 - সান্তালী বাইবেল

³² “Haṛam hoṛkoko hecʼlenre teṅgokʼpe ar onko manotkope. Ar aperen Isor botoraepe. Iń kangeạń aperen Probhu Isor do.

Levitikus 19:32 Referans Kwoze

1Timothi 5:1

Haṛam hoṛko dos udukʼakore ãṭ kathate alope metakoa; bickom baba leka ạjijakope. Ar juạnko do aperen boehako leka bujhạukope.

Rak̕joṅ 5:12

Cetan hudạren kạmiyạko do tire tolkateko akaketʼkoa; ar murubbiko do bako manot ocolena.

Kạhtukko 16:31

Pạnḍu upʼ do ṭhonok reakʼ mukuṭ kana; ona do dhorom jionrege ńamokʼa.

Kạhtukko 20:29

Koṛakoakʼ daṛe do onkoakʼ ṭhonok kana, ar haṛamkoakʼ saj do akoakʼ pạnḍu upʼge.

Jobakʼ 32:6

Ona iạte Barkelren hopon Elihu doe menkeda, “Ińakʼ umer do komaogea, menkhan ape dope haṛam akana, onate ińakʼ roroṛteakʼ sodor lạgitʼ hõ bạń diletʼ tahẽkana, ente iń doń botorokʼkan tahẽkana.

Jobakʼ 32:4

Onko sanamko khon Elihu do umerte komaogeye tahẽkante Job roṛ ruạṛae lạgitʼe ńel horakatʼ tahẽkana.

1 Patras 2:17

Joto hoṛge manotkope, aperen biswạsi boehako dulạṛkope, Isor botoraepe, ar maharaj manotepe.

Romiko lạgitʼ Pạul Apostolakʼ ciṭhi 13:7

Okoeyakʼ oka bakhrakan uni do ona emkataepe. Khajna hataoicʼ do khajna; mạsul uṭhạuicʼ do mạsul; botorae lekicʼ do botor; ar manot emae lekicʼ do manot emaepe.

Jesaea 3:5

Manwa do manwa, aḍepaseren hoṛko do aḍepaseren hoṛko santaokoa; kạṭicʼko do haṛamko upạrte ar nicạṛ hoṛ do manotan hoṛ upạrteko teṅgona.

Levitikus 19:14

Luturte bae ańjom hoṛ do alogepe sarapaea ar mẽtʼte bae ńeńelkạnicʼ hõ alope tohotʼ ocoyea. Ape do aperen Isor botoraepe. Iń kangeạń aperen Probhu Isor do.

1 Rapajko 2:19

Ado Bethseba tinre Adoniạwakʼ katha lại lạgitʼ Solomon raj ṭhene senena unre raj doe beretʼente uniye joharadea ar ona tayom do acʼakʼ siṅghạsonreye duṛupʼena. Raj do acʼ eṅgat lạgitʼ mitʼṭecʼ duṛupʼakʼe ạgu ocoketʼte acʼakʼ jojomsa aṛereye dohokeda ar eṅgattetʼ do onareye duṛupʼena.

Genesis 31:35

Sesre Rahel do acʼ babae metadea, “Ńelme, bạń beretʼ daṛeakʼkante alom ạṛisokʼa, ente iń do candoteakʼ hoyokʼ kantińạ.” Laban do sucʼ sutrucʼ sendrakate hõ onko boṅga murhutʼ do bae ńamletʼkoa.

2 Rapajko 17:36

Menkhan Probhu Isor, okoe do daṛeanakʼ tite Misor disạm khone oḍok ạguletʼpe unige sewawaepe, ar unige ḍobokʼaepe ar uni ńutumte joto samaṅokʼakʼko samaṅpe.

Kạhtukko 23:22

Am babawakʼ katha ańjomme okoe do jonome emakawatʼme; ar am gogoe buḍhilenre alom neṅghaoea.

Genesis 48:12

Unre Joseph do acʼren apatakʼ gunṭhikin aṛe khon acʼren hoponkine ocokʼketʼkinte otre ombakʼkate apattetʼe ḍobokʼadea.