Levitikus 19:3 - সান্তালী বাইবেল

³ Aperen gogo-baba manotkope ar ińakʼ jirạukʼ mãhã manaope. Iń kangeạń aperen Probhu Isor do.

Levitikus 19:3 Referans Kwoze

Exodus 20:12

“Amren gogo ar baba ganaokinme. Enḍekhan Probhu Isore emam disạmre ḍher din jiwetʼem tahena.

Exodus 20:8

“Jirạukʼ mãhã disạime jemon onam sonot.

Ibriko 12:9

Ona chaḍa bon ńelakada, dhạrtiren babako do aboko ḍanṭaoetʼbon tahẽkana ar abo do onko bon manotetʼko tahẽkana. Enḍekhan okoe do sanam jiukoren Baba kane unire gobol tahen do cetʼ artetʼge lek baṅkan tabona, jemon jion bon ńam?

Kạhtukko 30:17

Okaṭakʼ mẽtʼ do apate ṭiṭkạriyede kan ar eṅgatakʼ katha bataore hirkhạ salakʼe baṅetʼ, ona mẽtʼ do gaḍa kạhuko ṭhoṭrao oḍoka, ar gidiren hopon do onako joma.

Levitikus 11:44

Iń do aperen Probhu Isor kạnạń. Onate ape do iń ńutumte begar akae tahenpe ar sonotko hoyokʼpe, ente iń doń sonotgea. Ot cetanre ạcur baṛae kạṭicʼ jãhãn janwarte hõ alope besapha ocokʼa,

Jesaea 58:13

“Jirạukʼ mãhãpe manao ar ińakʼ sonot dinre apnar tirpitokʼ lạgitʼ bape kạmi; menkhan jirạukʼ mãhã do hạ̃sakʼ ar Probhu Isorakʼ din do manotanakʼ mentepe bujhạu, ar apnar kusileka sen baṅkate ona dinpe sonot ar apeakʼ kusileka bape kạmi se bạṛicʼ kathako bape roṛ,

Kạhtukko 30:11

Nonkan ḍher hoṛ menakʼkoa okoe akoren apatkoko sarapako ar eṅgatakʼ bhạlại bako khojkan,

Kạhtukko 23:22

Am babawakʼ katha ańjomme okoe do jonome emakawatʼme; ar am gogoe buḍhilenre alom neṅghaoea.

Dosar Biboron 27:16

‘Sarapangeae uni hoṛ do, okoe do eṅgat ar apate bemanotetʼkin.’ Unre sanam hoṛko mena, ‘Amen.’

Exodus 21:17

“Jãhãege acʼren eṅgat se apate sarapae uni hõ khạṭigeye gocʼ ocokʼa.

Exodus 21:15

“Jãhãege acʼren eṅgat se apate dalkin uni do khạṭigeye gocʼ ocokʼa.

Exodus 16:29

Ńelpe, ape lạgitʼ jirạukʼ mãhã reakʼ noa bondobos do Probhu Isorgeye dohoakada. Onate turui mãhã hilokʼ uni do bar din reakʼ jomakʼe jogao ape kana. Ar eae mãhã hilokʼ do okoe hõ oṛakʼ bahrete alope oḍokokʼa, bhitrirege tahenpe.”

Malaki 1:6

Phạdkoren Probhu Isore meneda, “Hopon do acʼren apattetʼ ar guti do arcʼren kisạ̃ṛe manotea. Apatiń hoyakan khan ińakʼ manot do okare? Ar kĩsạ̃ṛiń hoyakan khan ińakʼ manot do okor? E naekeko, apege ińpe nihạ̃t giḍi akadińạ. Arpe meneda, ‘cekate ale do amle nihạ̃tetʼmea?”

Jeheskel 20:12

Iń ar onko talare cinhạ lekate jirạukʼmãhãń ematʼkoa jemonko baḍae daṛeakʼ je, iń Probhu Isorge iń ńutumteń begar dohoakatʼkoa mente.

Levitikus 26:2

Ape do ińakʼ jirạukʼ din ar bochorko manao hoyokʼtapea; ar ińakʼ sonot ṭhạ̃ipe manota. Iń kangeạń Probhu Isor do.

Kạhtukko 1:8

E bạbu, ạpumakʼ solha baṛe ańjomtaeme; ar eṅgamakʼ cecetʼakʼko do alom phesṛao giḍikakʼa.

Levitikus 19:30

Ińiń hukum akatʼ jirạukʼ mãhã reakʼ dinko manaope ar ińakʼ ḍera tạmbu do sonot dohoype. Iń kangeạń aperen Probhu Isor do.

Levitikus 23:3

Hapta reakʼ turui dinpe kạmiya menkhan eaeyakʼ dinre dope jirạukʼa, metakʼme ona do sonot jarwakʼ din kana. Enhilokʼ do cetʼge alope kạmiya. Jãhãregepe girobasokʼ ona din do Probhu Isor ńutumte mitʼṭecʼ jirạukʼ dinge hoyokʼa.”

Dosar Biboron 5:16

‘Amren Probhu Isorakʼ hukum bataotaeme ar amren gogo ar baba ganaokinme. Enḍekhan Probhu Isore emam disạmre ḍher din jiwetʼem tahena ar bhạlại hoyokʼtama.

Genesis 48:12

Unre Joseph do acʼren apatakʼ gunṭhikin aṛe khon acʼren hoponkine ocokʼketʼkinte otre ombakʼkate apattetʼe ḍobokʼadea.

Levitikus 19:25

Ar mõṛẽakʼ bochor khon ona dare reakʼ jo dope jom daṛeakʼa. Onate apeakʼ darekore do ḍher jo jokʼa. Iń kangeạń aperen Probhu Isor do.

Levitikus 19:31

“Okoe gocʼ hoṛkoe ḍakaoko uni ṭhen do alope calakʼa, ente uni do apeye bhõnḍpea. Iń kangeạń aperen Probhu Isor do.

Levitikus 19:34

Apnar jạtrenko sãote cetʼlekape beoharetʼ onkage onko sãote hõ beoharpe. Ar apnar leka dulạṛkope, ente ape hõ Misorrenko talare upriạpe tahẽkana. Iń kangeạń aperen Probhu Isor do.

Nehemiạ 9:14

Amge amakʼ sonot jirạukʼ mãhã reaṅem baḍae ocoletʼkoa ar amren guti Mose hotete hukum ar ạn-ạrikom ematʼkoa.