Levitikus 19:28 - সান্তালী বাইবেল

²⁸ Gocʼ hoṛko lạgitʼ rakʼ homor jokhecʼ hoṛmo alope getʼ cirạkʼa. Hoṛmore khodạ se sikạ hõ alope sikạkʼa. Iń kangeạń aperen Probhu Isor do.

Levitikus 19:28 Referans Kwoze

Dosar Biboron 14:1

“Ape do aperen Probhu Isorren hoponko kanape. Ona iạte gocʼ hoṛko lạgitʼpe rakʼ homor joṅre hoṛmore alope getʼ cirokʼa, se bohokʼ samaṅ secʼ alope hoyo poṭorokʼa.

1 Rapajko 18:28

Onate onko do arhõ ãṭ aṛaṅte hohoate memenko ehopʼena ar onkoakʼ niạm lekate hoṛmo khon mãyãm ạuriko oḍok hạbicʼ churikote getʼ cirạkʼ ar jạnumkote akoakʼ hoṛmo ghạlko ehopʼena.

Levitikus 21:5

“Naekekoakʼ bohokʼ hoyo poṭorokʼ, goco getʼ se hoṛmo reakʼ jãhã jaegare alo jemonko getʼ ghaotako.

Jirimiạ 16:6

Niạ disạmren huḍiń hapṛakʼ sanamgeko gujukʼa. Okoehõ onko do bako topakoa, onko lạgitʼ do bako homor halaṅa ar onko lạgitʼ akoakʼ hoṛmo hõ bako getʼ cirạitakoa, ar bohokʼ hõ bako hoyo poṭorokʼa.

Levitikus 21:1

Inạ tayom Probhu Isor do Moseye metadea, “Am do naekeko, metakʼme Aronren hoponko galmarao akome, onkoren peṛako modre jãhãegeye gocʼlenre ona iạte naeke do acʼ apnartetʼ aloe besaphakʼma.

Mark 5:5

Uni do siń ńindạ topa danderkore ar burukoreye kikiạu baṛayetʼ tahẽkana ar dhirite acʼakʼ hoṛmoe koṭecʼ sirạ soroyetʼ tahẽkana.

Jirimiạ 48:37

Onko do duk sodor lạgitʼ mitʼke mitʼ bohokʼko ceḍe akatʼtakoa ar gocoko hoyo giḍi akatʼtakoa; tiko getʼ sirạsoro akana ar ḍanḍare gõṛẽ kicricʼko horokʼ akawana.

Johan sodor 20:4

Ona tayom adomakʼ siṅghạsonkoń ńelkeda, ar okoe onareko duṛupʼ akan tahẽkan onko do bicạr reakʼ ektiạriko em ocoakan tahẽkana. Isorakʼ katha ar Jisu reakʼ cecetʼakʼ lekate calakʼ iạte okoe do bohokʼko makʼ ńur ocoakan tahẽkan, onko hoṛakʼ jiwikoń ńelkeda. Onko do uni janwar ar uniyakʼ muṭhạn hõ bako sewawakʼkan tahẽkana ar moloṅre se tire cinhạ hõ bako hataoleda. Onko doko jiwetʼente mitʼ hajar bochor hạbicʼ Mạsi tulucʼ rajosṭiko calaokeda.

Johan sodor 19:20

Ar uni janwar doe sapʼ ocoyena ar okoeṭakʼ bhonḍ nạbi uni ńutumte hahaṛa kạmikoe kạmiyetʼkan tahẽkan uni hõe sapʼ ocoyena. Ar okoe uni janwarakʼ cinhạko hatao akatʼ tahẽkan ar uniyakʼ muṭhạnko sewawakʼkan tahẽkan, uni eṛe nạbi do hahaṛa kạmikote onkoe bulạu akatʼko tahẽkana. Unkin do jolokʼkan gondhokʼ seṅgel reakʼ doreãore jiwetʼtekin khadle ocoyena.

Johan sodor 16:2

Unre pạhilicʼ serma goḍet do senkate acʼakʼ bạṭi dhạrtireye dulkeda. Onate okoere uni janwarakʼ cinhạ tahẽkan ar okoe do uniyakʼ muṭhạnko sewawakʼkan tahẽkan onkoakʼ hoṛmore ạḍi bạṛicʼ ar dạrun ghao ńamketʼkoa.

Johan sodor 15:2

Ona tayom iń do seṅgel mesal akatʼ mitʼṭecʼ kãc reakʼ jalapuri lekań ńelkeda. Okoe uni janwar ar uniyakʼ muṭhạn ar uniyakʼ ńutum reakʼ lekha cetanreko jitạu akan onko hõń ńelketʼkoa. Isorakʼ peṛesaṅ tire sepeńkate onko do ona kãc reakʼ jalapuri aṛereko teṅgo akan tahẽkana.

Johan sodor 14:11

Okaṭakʼ seṅgel noko hoṛkoe sasetko ona seṅgel reakʼ dhũạ do jaejug hạbicʼ rakabokʼtege tahena. Okoe hoṛ uni janwar ar uniyakʼ muṭhạne sewawakʼ ar uniyakʼ ńutum reakʼ cinhại dohojoṅ uni do sińke ńindạ tishõ jirạu bae ńama.”

Johan sodor 14:9

Inạ tayom tesaricʼ ar mitʼṭen serma goḍet do onko tayom tayomte hecʼkate ãṭ aṛaṅteye menkeda, “Jãhãege uni janwar ar uniyakʼ muṭhạne sewawakʼ ar uniyakʼ cinhạ cạndire se tireye hatao,

Johan 20:25

Ar eṭakʼ celako do Thomako lạiyadea, “Ale do Probhule ńel akadea.” Khan Thoma do onkoe metatʼkoa, “Iń do tin hạbicʼ uniyakʼ banar tire jạlại reakʼ cinhạ bạń ńel, ar bhugạkʼre kạṭupʼ bạń gutui ar kokhare ti bạń sog unhạbicʼ ohogeń pạtiạulena.”

Levitikus 19:27

Bohokʼ reakʼ beṛhaete alope kaṭopʼ ạcura ar goco hõ alope bạṛija.

Levitikus 19:29

“Amren hoponera do kusumbi alom hoeocoyea. Arem onka ocoye khan disạmre kusumbiko ḍher idikʼte mucạtʼre disạm do nosṭamite perejokʼa.

Levitikus 21:11

Mạ̃ṛĩ menakʼ onkan ṭhạ̃ite bae calakʼa. Jãhãe gocʼ hoṛ iạte, se acʼren gogo babakin gujukʼ iạte hõ bae besapha daṛeakʼa ar acʼren Isorakʼ sonot ḍera bạgikate okatehõ bae oḍokokʼa se ona reakʼ sonottetʼ do bae nosṭo ocoya, ente uniren Isor do ojokʼ bahalokʼ sunumteye begar dohoakadea. Ar Iń kangeạń aperen Probhu Isor do.