Levitikus 19:17 - সান্তালী বাইবেল

¹⁷ “Eṭakʼko cetanre amakʼ monre kurud alom dohoya. Eṭakʼkoakʼ dosko menakʼ khan udukʼakome jemon ona iạte dusire amhõ alom paṛaokʼ.

Levitikus 19:17 Referans Kwoze

1 Johan 2:9

Okoe hoṛ marsalre menaea menteye menetʼkan, ar acʼren boehae kurudaekan uni do ńit hõ ńutrege menaea.

Luk 17:3

“Men sontorokʼpe. Amren boeha am upạrteye kạilere cehaoem. Ar kại khon mone ạcurletae khan uni do ikạkaeme.

1 Johan 2:11

Menkhan okoe acʼren boehae kurudaekan uni do ńutre menaea ar ńutregeye dãṛãn kana. Uni do bae baḍaea okateye calakʼkana mente, ente ńut do uniyakʼ mẽtʼe kãṛã akatʼtaea.

Galathiko lạgitʼ Pạul Apostolakʼ ciṭhi 6:1

E boehako, ape modre jãhãe hoṛ jãhãn dosreye paṛaolenre, enḍekhan okoe sonot Jiu tabere menakʼpe ape do onkanicʼ jut ruạṛepe. Menkhan dulạṛ monte noa kạmipe ar apnartetʼ sontor tahenpe jemon ape hõ kạire alope ńurokʼ.

Ephesiko lạgitʼ Pạul Apostolakʼ ciṭhi 5:11

Ńut reakʼ bin jowanakʼ kạmikore do alope seledokʼa; bickom onako reakʼ dos udukʼakope,

Romiko lạgitʼ Pạul Apostolakʼ ciṭhi 1:32

Isorakʼ bicạr reakʼ katha mońjtegeko baḍaea je, okoe nonkanakʼko kạmi onko do gujukʼ sạjại lek kanako mente. Ar noa katha baḍaekate hõ eken niạgeko kạmikana ona do baṅ, bickom eṭakʼko hõ onkan kạmi lạgitʼko sãhãkʼako kana.

Kạhtukko 9:8

Landa dhutʼicʼ hoṛ do dosko alom udukʼaea, arem udukʼae khan ame hirkhạwama; bickom ạkilan hoṛ do uniyakʼ dosko udukʼaeme, uni do ame dulạṛmea.

Titus lạgitʼ Pạul Apostolakʼ ciṭhi 2:15

Onate am do purạ ektiạri salakʼ noako reaṅ sikhạu paṛhaokom, sopolha emakom ar dosko udukʼakome. Ar am do okoe hõ alo jemonko neṅghaome.

Titus lạgitʼ Pạul Apostolakʼ ciṭhi 1:13

Ona goha do sạrigea. Onate ạḍi ajhaṭte onkoakʼ dosko udukʼakome jemon onko do dhorom biswạsre ṭhik lekako sapʼ doho akae tahen,

2Timothi 4:2

Isorakʼ katha lại jạhirme; batarre ar bin batarre, am do jao okte lại jạhir lạgitʼ sapṛao akae tahenme; ạḍi sobori salakʼ cetʼakote hoṛkoakʼ dosko udukʼakome, onko sontorkom ar sopolha emakom.

1Timothi 5:22

Usạrate okoe cetanre hõ ti capokate jãhãn hudạre alom bahalea, ar eṭakʼkoakʼ kạire hõ alom bhạgiạrikʼa, ar napaete tahenme.

1Timothi 5:20

Okoe mukhiyạko kạkạitegeko tahen onko do manḍerren sanam hoṛko samaṅre nisṛạukom jemon eṭakʼ mukhiyạko hõ botor tahentako.

1 Korinthiko 5:2

Ar noa tayom hõ ape dope gorbokʼ kana! Bickom ape dope mon dukkokʼa honaṅ, jemon nonkae kạmiketʼicʼ do ape tala khone oḍok ocokʼ?

Sereńko 141:5

Mitʼṭen Isor botorae hoṛ do ińe daleńma, onage ińakʼ pạtiạrtetʼ do hoyokʼa. Uni do ińe egerińma, ar ona do ińakʼ bohokʼre sunum ojokʼ akatʼ leka hoyokʼa; ińakʼ bohokʼ do ona aloe baṅakʼma. Menkhan ińakʼ koejoṅ do jaoge bedhoromkoakʼ kạmi upạrte tahena.

Genesis 27:41

Jakob do acʼ baba ṭhen khon bhore ńamketʼ khan Esau ṭhen hiskạ ocokʼe ehopʼena. Uni do mone monteye menkeda, “Iń baba lạgitʼ rakʼjoṅ din do sor hijukʼ kana. Ar ona tayomge ińren boeha Jakob doń khũnea.”

2 Samuel 13:22

Ar Absalom hõ Amnon do boge bạṛicʼ cetʼge bae metadea. Amnon do uniren miserae nosṭokedete Absalom do uni kurudaye ehopʼena.

Nehemiạ 13:17

Unre iń do Jihudạren manotan hoṛkoń ruhetʼketʼkote onkoń metatʼkoa, “Noa do cetʼpe ceka kana? Ape do jirạukʼ mãhãre behokakʼpe kạmiyetʼte cedakʼpe besonotetʼ kana.