Levitikus 19:16 - সান্তালী বাইবেল

¹⁶ Okoe hoṛakʼ hõ alom nindạua. Ar am aḍepaseren hoṛakʼ jiwi upạrte hõ alom teṅgona. Iń kangeạń aperen Probhu Isor do.

Levitikus 19:16 Referans Kwoze

Exodus 23:1

“Eṛe katha alope roṛa. Ar bedhoromakʼ goha hoyokʼa mente bạṛicʼ hoṛko sãote alope joṛhakʼa.

Exodus 23:7

Eṛe katha khon pharakre tahenme ar jãhãn bindusạn se dhorom hoṛ do gujukʼ sạjại alom emaea. Okoe noa behokakʼe kạmi uni do rehay ohoe ńamlea.

Kạhtukko 20:19

Nisṛạukan hoṛ do okoakʼ kathae sodora; onate bạ̃ṛti katha roroṛ hoṛ tulucʼ do alom gatekʼa.

Jeheskel 22:9

Am talare nonkan hoṛ menakʼkoa okoe do eṭakʼkoakʼ bodnamko lại baṛaete onkoakʼ mãyãmko joro ocoyetʼkan, buru cetan than boṭkocʼreko jom-ńũiyetʼkan ar kharap kharapakʼko kạmikan.

Jirimiạ 9:4

Onko do mimitʼ gateko khon sontor akaeko tahenma ar apnar boehako hõ aloko pạtiạuako ma, ente mitʼke mitʼ boeha doko ṭhokagea ar mitʼke mitʼ gate doko okta baṛaegea.

Jirimiạ 6:28

Onko do jotoge huhulko kanako; onko do okta cintại lạgitʼko dãṛãbaṛaea. Onko do pitạl ar mẽṛhẽtʼ lekan kanako; ar jotogeko kharap caba akana.

Kạhtukko 11:13

Okoe eṭakʼko reaṅe khaekhoyetʼkan uni do oko kathakoe lạiyetʼkana menkhan pạtiạr hoṛ do kathae dapala.

1 Patras 2:1

Onate eṭakʼkoakʼ loksantako reakʼ joto lekan monejoṅakʼ, sanam lekan phorphundi, eṛeteakʼ, hiskạ ar sanam lekan nisṛạu kathako apeakʼ ontor khon oḍok giḍikakʼpe.

Sereńko 15:3

Uni do eṭakʼko bae nisṛạukoa, acʼren gatekoakʼ hõ bae khutiytakoa, ar aḍepaseren hoṛkoakʼ bodnam hõ bae roṛa,

Exodus 20:16

“Okoe upạrte hõ eṛe goha alom ema.

Titus lạgitʼ Pạul Apostolakʼ ciṭhi 2:3

Onkage buḍhikohõ Isor bhoktikoko hoyokʼma ar bhage sikhnạtkoko emokʼma. Ente eṭakʼko oktawako ar ńũ bulokʼ do lek baṅkan takoa.

2Timothi 3:3

onkore dulạṛ do baṅ tahena, onko doko jhogṛakʼa menkhan bako sulukokʼa. Onko do eṭakʼko reakʼko oktawa, ar apnar do bako sambṛao daṛeakʼa, kurmutạhakoko hoyokʼa, ar bhageakʼ doko hirkhạwakʼa.

1Timothi 3:11

Onkage onkoren bạhuko hõ manot ocokʼ lekko hoyokʼma. Onko do eṭakʼkoakʼ aloko okta baṛaema ar apnar sambṛao akanko tahenma. Ar jotowakʼre jemon pạtiạranko hoyokʼ.

Mathae 27:4

“Kại akadạń, ente bin dusạnicʼ gocʼ ocoye lạgitʼ iń soprot akadea.” Onkoko metadea, “Onate aleakʼ do cetʼ? Amge ńeljoṅme.”

Dosar Biboron 27:25

‘Sarapangeae uni hoṛ do, okoe do bindusạn hoṛ khun ocoye lạgitʼ ghuse hataoetʼkan.’ Unre sanam hoṛko mena, ‘Amen.’

Jobakʼ 17:5

Lab reakʼ aste jãhãe acʼren gatekoe dusileko khan uniren hoponko do duk jojom hoyokʼtakoa.

1 Samuel 24:10

Teheń abenakʼ mẽtʼtege coṅ ben ńelketʼ, Probhu Isor do cetʼleka niạ danderre ạlińakʼ tireye soprotletʼ bena. Ar adomko do aben gocʼben lạgitʼko metatʼ liń tahẽkana, menkhan aben cetanre mãyã hecʼatʼ lińạ. Onate liń metatʼkoa ińren mạlik cetanre ti do ohoń rakapʼ daṛelea, ente uni do Probhu Isorren ojokʼicʼ kanae.

Sereńko 50:20

Am do amren boeha upạrte katham roṛa ar uniyakʼem oktawa.

Sereńko 101:5

Okoe danaṅre eṭakʼkoakʼko oktayetʼkan onko doń marao giḍikoa; bạḍại mẽtʼan ar dhomok monankoakʼ hõ bạń sahaotakoa.

Kạhtukko 10:18

Kurude okoyetʼ kan hoṛ do eṛe kathae roṛa; ar bebuj hoṛ do bodname gahaoa baṛaea.