Levitikus 19:15 - সান্তালী বাইবেল

¹⁵ “Behok lekate alope bicạra. Bicạr do alope kạṭicʼ lạṭuya; menkhan mimitʼko lạgitʼ hok reakʼ bicạr chinḍạupe.

Levitikus 19:15 Referans Kwoze

Dosar Biboron 1:17

Ar bicạrre okoeyakʼ mẽtʼãhã hõ alope beṅgetʼakʼa ar kạṭicʼ lạṭu sanamkoakʼ kathape ańjomtakoa. Bicạr reakʼ kạmi do Isorakʼkangea; onate okoe manwage alope botorakoa. Ar jãhãṭakʼ bicạr kuṭhingepe bujhạu khan ona do iń ṭhenpe ạguiya, ar iń do onań bicạr chinḍạukatakoa.

Kạhtukko 24:23

Noako hõ ạkilan hoṛkoakʼ katha kana. Bicạrre hoṛakʼ mẽtʼãhã beṅgetʼakʼ do baṅ bhagea.

Dosar Biboron 27:19

‘Sarapangeae uni hoṛ do, one okoe do upriạko, ṭũạr amarko ar rạnḍi maejiuko cetanreye behoketʼkan.’ Unre sanam hoṛko mena, ‘Amen.’

Levitikus 19:35

“Bicạr reakʼ ray emokʼre se jeleńakʼ jãhãnakʼ jokhaere se jãhãn hamalakʼ sosoṅre alope behoka.

Kạhtukko 18:5

Bedhoromicʼakʼ mẽtʼãhã beṅgetʼakʼ do baṅ bhagea, onate dhoromicʼe behokʼ ocokʼa.

Dosar Biboron 16:19

Behok lekate alope bicạra se okoeyakʼ mẽtʼãhã hõ alope beṅgetʼakʼa. Ghus hõ alope hataoa, ente ghus do ạkilankoakʼ mẽtʼe kãṛã ocoytakoa ar bin dusạn hoṛakʼ katha hõe ulṭạu ocoya.

Sereńko 82:2

“Ape do ar tinạkʼ din behokpe bicạra? Ar tinạkʼ din bedhoromko secʼpe tahena? (Sela)

Exodus 18:21

Ona tayom sanam hoṛko tala khon nonkan lekman hoṛ ben bachaokoa okoe do Isorko batorae ar sạriyakʼreko tahenkan ar behokakʼko hirkhạwakʼ kan. Onkoge aben do mukhiyạ lekate ben bahalkoa, adom do hajarko cetanre, adom do saeko cetanre, adomko do mõṛẽgelko cetanre ar adomko do gelko cetanre.

Johan 7:24

Mẽtʼãhã ńelte do alope bicạra bickom hok reakʼge bicạrpe.”

Aposkạmi 23:3

Unre Pạul do Ananiạse metadea, “E phạsiạra, Isor hõ ame thapamea. Ạn lekate ińakʼ bicạr lạgitʼ am do onḍem duṛupʼ akana, menkhan daleń reakʼem hukumetʼte amge coṅ ạn mam rạputʼetʼkan.”

Dosar Biboron 10:17

Aperen Probhu Isor do sanam isorkoren Isor ar sanam probhu koren Probhu kanae. Uni do maraṅ utạricʼ, daṛeanicʼ ar botoranicʼ Isor kanae. Uni do okoeyakʼ mẽtʼãhã hõ bae beṅgetʼakʼa ar ghushõ bae hataoa.

Jobakʼ 13:8

Uni secʼge cetʼ kathape roṛ idiya? Isor ńutumte cetʼpe reṭepeṭekʼa?

Jobakʼ 32:21

Iń do okoeyakʼ mẽtʼãhã hõ bạń beṅgetʼakʼ kana, se jãhãe manwa hõ bạń jormoṭetʼkoa;

Jobakʼ 34:19

Uni do rapajkoakʼ mẽtʼãhã bae beṅgetʼatako kana, nacarko bạgi giḍikate kisạ̃ṛko maraṅ mente bae moneyako kana, ente onko jotoge uniyakʼ ti teakʼ kạmiko kangeako.

Kạhtukko 31:9

Alom thir hapekokʼa, hok reakʼ bicạrme; nacar ar reṅgecʼko lạgitʼ ạidạri rukhiyạitakome.