Levitikus 19:13 - সান্তালী বাইবেল

¹³ “Am aḍepaseren hoṛ alom julumea ar jãhãnakʼ alom rejeya. Khaṭaoicʼ reakʼ mujuri do enhilokʼge emkataeme; ona do setakʼ hạbicʼ alom doho aṅgaea.

Levitikus 19:13 Referans Kwoze

Jakob 5:4

Apeakʼ khetre okoe kạmiyạko phosolko samṭao akatʼtape onko do kuṛại bape emakatʼkoa; ar ńelpe, ona kuṛại do ńitokʼ ãṭ aṛaṅteye dusiyetʼpea. Sanam daṛean Probhu Isorakʼ luturre onko kạmiyạkoakʼ rakʼ do seṭerakana.

Malaki 3:5

Phạdkoren Probhu Isore meneda, “Unre bicạrme lạgitʼ iń do am ṭheniń hijukʼa; ar unre jạdu udukʼko, kusumbiko, eṛe goha emokʼko ar okoe do din ṭakʼlaokoe ṭhokayetʼko, okoe do rạnḍi maejiu ar ṭũạr amarkoe santaoetʼko ar bidisiạko hok reakʼ bae bicạretʼtako kan, metakʼme okoe iń bako botorạń onko sanamko upạrte goha emokʼ do bạń biloma.

Jirimiạ 22:13

Probhu Isore meneda, “Hae uni do, one okoe bedhoromakʼte acʼakʼ oṛakʼe benaoetʼkan ar behokakʼkote acʼakʼ koṭha kandhakoe tearetʼtae. Hae uni do, okoe hoṛ jãhãnakʼ baṅ emkate acʼakʼ disạmren hoṛkoe khaṭaoetʼko ar onkoakʼ khaṭaoakʼ reakʼ kuṛại bae emako kan.

Kạhtukko 20:10

Baṅ ṭhikakʼ baṭkhara ar sosoṅakʼ noa banarge Probhu Isor doe hirkhạwakʼkana.

Mark 10:19

Hukumko mam baḍaege, ‘alom khũna, alom laṭghaṭa, alom kombṛoya, eṛe goha alom ema, alom ṭhokakoa, ar gogo-babam manotkinạ.’ ”

Jeheskel 22:29

Disạmren hoṛ doko jor jukʼlum kana arko rerecʼkana; reṅgecʼ orecʼko cetanreko behoketʼ kana ar dhorom bicạr baṅkate bidisiạko cetanreko sasantao kana.

Jirimiạ 22:3

Probhu Isore meneda, ‘oka hok reakʼkan ar oka ṭhikakʼ kan ona onkaepe. Okoeye luṭ ocokʼkan uni do acʼren sasantaoicʼ khon rukhiyạyepe. Bidisiạko, ṭũạr amako ar rạnḍi maejiuko jãhãnakʼ alope behoktakoa se alope santaokoa ar niạ ṭhạ̃ire miridoskoakʼ mãyãm alope joro ocoytakoa.

Exodus 22:21

“Bidisiạ hoṛ sãote bạṛicʼ alope beohara se alope santaoea, ente Misor disạmre ape hõ bidisiạpe tahẽkana.

Exodus 22:15

Menkhan mạlik samaṅrege onka hoylen khan enḍekhan khuti purun do baṅ lagaoea. Ar ṭakate uni janware bhaṛa ạgu ocoakan khan enḍekhan ona ṭakage uniyakʼ khuti purun do hoyokʼa.

1 Thessalonikikko 4:6

Noa babotre okoe hõ jemon jãhãe boeha behok lekate aloe ṭhokaye. Ale do laharegele lại akatʼpea arle sontorakatʼpea, noako behokakʼ iạtege Probhu Isor doe sạjạipea,

Luk 3:13

Uni doe metatʼkoa, “Ạnre oka menakʼ ona khon bạ̃ṛti alope hataoa.”

Kạhtukko 22:22

Mitʼṭen hoṛ doe nandange iạte uniyakʼ jinisko alom hataotaea, ar bicạrre harkhetokʼ hoṛ do alom maraoea.

Jobakʼ 31:39

ar ona reakʼ phosol bin damteń jomakatʼ khan se onḍenko mạlik tulucʼ kurmutạhań beohar akatʼ khan,

Exodus 22:13

Ar bir janwar uniye cirạ akade khan ona sạbud lạgitʼ uniyakʼ kaṭra kuṭrạ hạṭińkoge ạgukate udug hoyokʼtaea. Ar onate uni do khuti purun baṅ emokʼ hoyokʼtaea.

Mathae 20:8

“Ado ạyupʼen khan darkha bagwanren mạlik do acʼren gutiye metadea, ‘kạmiyạko hoho ạgukom ar tayomtenko khon ehopʼkate lahatenko hạbicʼ mimitʼ mimitʼte kuṛại emakom.’

1Timothi 5:18

Sonot sostore meneda, “Phosol enokʼ jokhecʼ ḍaṅgra do moca alom toltaea.” Arhõ ol akana, “Kạmiyetʼkan hoṛ do acʼakʼ kuṛại ńam lek kangeae.”

Exodus 20:15

“Alom kombṛoya.

Exodus 22:7

Jãhãege ṭaka poesa se jinisko dohoy lạgitʼ jãhãeye emae ar uniyakʼ oṛakʼ khon ona kombṛokʼ enḍekhan kombṛoe sapʼlenre uni kombṛo do ona reakʼ pongel doboṛ ruạṛkakʼ hoyokʼtaea.

Jobakʼ 17:5

Lab reakʼ aste jãhãe acʼren gatekoe dusileko khan uniren hoponko do duk jojom hoyokʼtakoa.

Kạhtukko 3:28

Goṛowako lạgitʼ daṛe tahentam khan okoe hõ alom metakoa, “Do calakʼme, ar tayomte hijukʼme, gapań emama.”

Jeheskel 18:7

ar okoehõ bae santaoetʼko bickom rin akatʼ hoṛ do bondhoke ruạṛkatae kan, ar bae kombṛoyetʼkan, menkhan reṅgecʼ hoṛko jomakʼe emakokan ar laṅgaṭkoe kicricʼetʼko,

Jeheskel 22:12

Am talare mãyãm joro ocoy lạgitʼ hoṛko do ghusko hataoeda; ona chaḍa am hõ ḍher sudkom hataoeda ar jor julumkate aḍepaseren hoṛkom recʼetʼkoa. Ar iń dom hiṛiń akadińạ. Iń Probhu Isorge noa katha doń meneda.

Levitikus 25:14

Ape talare jumi kiriń-ạkhriń jokhecʼ okoe cetanre hõ alope behoka.

Levitikus 25:17

Okoe cetanre hõ alope behoka. Ar sanamkoge aperen Isor botoraepe, ente iń Probhuge aperen Isor do.

Jobakʼ 7:2

Guti cetʼleka ạyubokʼ reakʼ koyokʼ hor akaeye tahen, ar din mujuri hõ cetʼleka acʼakʼ kuṛại lạgitʼe asokʼ,