Levitikus 19:10 - সান্তালী বাইবেল

¹⁰ Darkha khet khon darkha gotʼ tayom ona khon darkha alope gotʼ dohṛaea ar ńur akan darkha jo hõ alope halaṅa. Ona do reṅgecʼ orecʼko ar eṭakʼ jạtren hoṛko lạgitʼpe sarecʼ oṭokakʼa. Ar iń kangeạń aperen Probhu Isor do.

Levitikus 19:10 Referans Kwoze

Jesaea 24:13

Jạitun dare ruku tayom ar darkha jo gotʼ tayom cetʼleka darere thoṛa jo tahen, onkage dhạrtiren jạtkoakʼ dosa hõ hoyokʼtakoa.

Jesaea 17:6

Enhõ thoṛa hulạkʼ do ńurakan tahena. Jạitun dare joko rukui tayom cetʼleka cetan ḍạrkore mitʼ bar jo tahen, onkage onkoakʼ dosa hõ hoyokʼtakoa.” Israelkoren Probhu Isorge niạ katha doe meneda.

Levitikus 25:6

Jirạukʼ bochorre jumire acʼte oka janamokʼ onage apeko lạgitʼ, guti kạ̃ṛmĩko lạgitʼ, ape talareko girobasokʼkan eṭakʼ jạtren kạmiyạko lạgitʼ, eṭakʼ hoṛko lạgitʼ,

Mikạ 7:1

Hai iń do! Iń do niron din reakʼ joko samṭao akatʼ lekageń hoyakana one joko gotʼketʼ tayomko tumạlketʼ, ar jom lạgitʼ darkha reakʼ jãhãn thopage bạnukʼa; ar pạhilre beleakʼ loa hõ bạnukʼa one oka lạgitʼ ińakʼ jiwiye gagojokʼkan.

Obodiạ 1:5

“Hae, cetʼ lekan muhinge baṅ am lạgitʼe koyokʼ horakatʼ! Kombṛo am ṭhenko hecʼlenre; ar ḍạku hõ ńindạko hecʼlenre, onko do akoakʼ mone joṅakʼ lekageko kombṛo idiya. Ar darkha jo gogotʼ hoṛ am ṭhenko hecʼlenre am lạgitʼ thoṛa jo doko sarecʼ oṭokakʼgea.

Jirimiạ 49:9

Darkha jo gogotʼ hoṛ am ṭhenko hecʼlenre onko do cetʼ thoṛa darkha jo bako sarecʼ oṭokakʼa? Ar ạyupʼ jokhecʼ kombṛoe hecʼlen khan jạruṛae bhorge cetʼ bae idiya?

Bikʼcạrko 8:2

Uni doe roṛ ruạṛatʼkoa, “Ape khon do cetʼ ḍhergeń ceka akada? Ephrayim okaṭakʼ darkha joko halaṅ ạguakatʼ ona do cetʼ Ạbieserakʼ tumạlakʼko khon baṅ ḍhergea?

Levitikus 19:9

“Phosol ir jokhecʼ aṛe reakʼ phosolko alope ira ar khetre okako ńur tahen ona hõ alope halaṅa.

Levitikus 19:11

“Alope kombṛoya, okoehõ alope ṭhokakoa ar eṛe hõ alope roṛa.

Levitikus 23:22

“Apeakʼ jumi reakʼ phosolpe ir jokhecʼ aṛe reakʼ phosol do alope ira ar ńur akan gele hõ alope halaṅa. Onako do reṅgecʼ-orecʼko ar disạmreko girobasokʼkan eṭakʼ jạtren hoṛko lạgitʼ bạgi oṭowakʼ hoyokʼtapea. Ar ińkangeạń Probhu aperen Isor do.”

Dosar Biboron 24:19

“Apeakʼ jumi reakʼ phosolpe samṭao jokhecʼ ạṭi ạguiype hiṛiń lekhan ona ạgui lạgitʼ do alope ruạṛ calakʼa. Ona do upriạko, ṭũạr amarko ar rạnḍiko lạgitʼ bạgi oṭokakʼpe. Enḍekhan aperen Probhu Isor do jotowakʼ kạmireye bhorapea.

Dosar Biboron 24:20

Jạitun jo dal ńurhại tayom ḍạrko secʼ do ar alope beṅgetʼ dohṛaea. Okaṭakʼ tahen ona do upriạko, ṭũạr amarko ar rạnḍiko lạgitʼ bạgi oṭokakʼpe.

Rut reakʼ kạhini 2:2

Mitʼ din Rut do Naomiye metadea, “Ạliń do cetʼ khette senkate hulạkʼ liń halaṅ ạguiya? Ar okoe ạlińreye dayakʼte onae halaṅ ocowạliń uni tayomrege liń tahena.” Naomi do uniye metadea, “Hẽ bạhu, ma calakʼ ben.”

Levitikus 11:44

Iń do aperen Probhu Isor kạnạń. Onate ape do iń ńutumte begar akae tahenpe ar sonotko hoyokʼpe, ente iń doń sonotgea. Ot cetanre ạcur baṛae kạṭicʼ jãhãn janwarte hõ alope besapha ocokʼa,

Levitikus 19:25

Ar mõṛẽakʼ bochor khon ona dare reakʼ jo dope jom daṛeakʼa. Onate apeakʼ darekore do ḍher jo jokʼa. Iń kangeạń aperen Probhu Isor do.

Dosar Biboron 24:21

Apeakʼ darkha bagwan khon darkha jope godre dosar dhao alope ńel dohṛaea. Okaṭakʼ tahen ona do upriạko, ṭũạr amarko ar rạnḍiko lạgitʼ bạgi oṭokakʼpe.