Levitikus 18:30 - সান্তালী বাইবেল

³⁰ Ińakʼ hukumko senakʼpe ar onḍe seṭerkate lahaten hoṛko leka do alope colona. Ar noako kạmikate alope besapha ocokʼa. Ar iń kangeạń aperen Probhu Isor do.”

Levitikus 18:30 Referans Kwoze

Levitikus 20:23

Ape samaṅ khon okoe jạtrenkoń laga ńirko onko leka do alope colona. Onkoakʼ colon iạte onko do hirkhạ mẽtʼteń ńeletʼkoa.

Levitikus 22:9

“Naekeko okań hukum akatʼko ona do manao hoyokʼtakoa. Ar bako manao khan onko do dusiko hoyokʼa ar besapha iạteko gujukʼa. Iń Probhu Isorge onko doń begar dohoakatʼkoa.

Dosar Biboron 11:1

“Aperen Probhu Isor dulạṛepe ar uni okae khojkan ona baṛe kạmipe ar uniyakʼ niạmko, hukumko bataotaepe.

Levitikus 18:29

“Jãhãege nonkan bạṛicʼakʼe kạmi enḍekhan uni do acʼ jạtrenko khone marao ocokʼa.

Levitikus 19:1

Probhu Isor do Mose Israelko galmaraoako lạgitʼe metadea, “Iń aperen Probhu Isor doń sonotgete apehõ sonotko hoyokʼpe.

Dosar Biboron 12:31

Ape do aperen Probhu Isorakʼ dekʼwa sewa do onkoakʼ sewa leka alope onkaea, ente onko do debotakoko sewawakore joto lekanakʼ hirkhạwakʼko kạmikana one okaṭakʼ do Probhu Isore hirkhạwakʼkan. Onko do debotako ńutumte seṅgelre akoren gidrạkoko khadleyetʼkoa.

Bikʼcạrko 20:6

Israelko talare nonkan bạṛicʼ ar hirkhạwakʼko kạmi akatʼte ińren chuṭi era doń phạṛikedea ar Israelkoakʼ gelbar goṭecʼ jaegare ona doń kolkeda.

1 Rapajko 14:24

Onkoakʼ disạmre do herel kusumbi hõko tahẽkana. Ar okoe jạtrenko Probhu Isor do Israelko samaṅ khone sạṅgiń giḍiletʼko onkoakʼ sanam hirkhạwanakʼ kạmiko do Jihudạren hoṛko kạmikan tahẽkana.

1 Rapajko 21:26

Israelko samaṅ khon Probhu Isor do okoe Amorikoe laga ńirletʼko onko leka boṅga murhutʼkoe pujạwakote bạṛicʼakʼe kạmiyetʼ tahẽkana.

Esra 9:1

Niạko kạmi sạten khan mukhiyạko do iń ṭhen hecʼkateko menkeda, “Israelko ar onkoren naekeko ar Liwiko do onkoakʼ disạmre girobasokʼ kan judạ judạ jạtrenko khon apnartetʼ do bako begar dohoakan tahẽkana. Onko do Kananiko, Hittiko, Perisiko, Jebusiko, Amoniko, Moabiko, Misriko ar Amoriko leka hirkhạwakʼko kạmikana.