Levitikus 18:29 - সান্তালী বাইবেল

²⁹ “Jãhãege nonkan bạṛicʼakʼe kạmi enḍekhan uni do acʼ jạtrenko khone marao ocokʼa.

Levitikus 18:29 Referans Kwoze

Levitikus 20:6

“Okoe hoṛ ińre pạtiạu doho baṅkate bhutko tulucʼ se bạṛicʼ jiuko tulucʼ jopoṛao menakʼtae nonkan hoṛko ṭhene ạkhrińokʼ enḍekhan uni do mẽtʼ ar mẽtʼteń ńeleya ar uniyakʼ jạtrenko khoniń meṭao giḍikaea.

Levitikus 17:10

“Jãhãe Israel hoṛ se onko talareye girobasokʼkan eṭakʼ jãhãn jạtren hoṛge mãyãme jom enḍekhan uni doń dea giḍikaea ar acʼakʼ jạtrenko khoniń meṭao utạrea,

Exodus 12:15

“Ape do eae din hạbicʼ bin khạmiyanakʼ piṭhạpe joma. Apeakʼ oṛakʼre oka khạmi tahen ona do pạhil dinregepe ocokʼ giḍikakʼa. Noa eae din bhitrire okoe khạmiyanakʼ piṭhại jom uni do Israelko tala khone marao ocokʼa.

Levitikus 18:28

Ape hõ disạmpe besaphae enḍekhan laha jạtrenko leka disạm hõ apeye ulạ giḍikapea.

Levitikus 18:30

Ińakʼ hukumko senakʼpe ar onḍe seṭerkate lahaten hoṛko leka do alope colona. Ar noako kạmikate alope besapha ocokʼa. Ar iń kangeạń aperen Probhu Isor do.”

Exodus 30:33

Ar jãhãege nonkan jut so mosolae tear se naeke chaḍa ar jãhãeakʼ hoṛmore ojogokʼ enḍekhan uni do acʼakʼ jạtrenko khone meṭao ocokʼa.”

Levitikus 7:20

Jãhãege chute tahenre Probhu Isor ṭhen samaṅ akatʼ sulukren samaṅokʼ reakʼ jele jom enḍekhan uni do acʼakʼ jạtrenko khone biṭlạha ocokʼa.

Levitikus 7:21

Jãhãege manwa se janwarakʼ jãhãn chutakʼ jinis se eṭakʼ jãhãn chutakʼ hirkhạwakʼ jinise joṭed ar ona tayom Probhu Isor ṭhen samaṅ akatʼ sulukren samaṅokʼ reakʼ jele jom enḍekhan uni hõ acʼakʼ jạtrenko khone biṭlạha ocokʼa.”

Malaki 2:12

Okoe nonkako kạmikan onko do phạdkoren Probhu Isor ńutumte samaṅokʼakʼ jinisko ạguiyre hõ enhõ Probhu Isor do Jakob bõsrenko hotete onko sanamkoe marao giḍikoa.