Levitikus 18:27 - সান্তালী বাইবেল

²⁷ Laha khon okoe ona disạmreko girobasokʼ kan onko do onkako kạmikante disạmko besapha akada.

Levitikus 18:27 Referans Kwoze

Jeheskel 22:11

aḍepaseren hoṛren bạhutetʼ sãote, kimintetʼ sãote ar kạki gogoren hoponera sãoteko laṭghaṭetʼ kan.

Jeheskel 16:50

Onko do bạḍạite perecʼko ar iń samaṅre hirkhạwakʼko kạmikan tahẽkana. Onate am cetʼ lekam ńeletʼkan onkage onko hõń sạṅgiń akatʼkoa.

2 Bõsbudạ 36:14

Ona chaḍa naekekoren sanam mukhiyạko ar disạm hoṛko do eṭakʼ jạtrenko leka hirkhạwakʼ kạmikateko kạikeda ar Probhu Isor Jerusalemre okaṭakʼ oṛakʼ do acʼ ńutumteye begar doholetʼ ona hõe bhonḍ ocokeda.

2 Rapajko 21:2

Probhu Isor do Israelko samaṅ khon okoe jạtrenkoe laga ńirletʼko tahẽkan Manase do onko leka hirkhạwakʼko kạmikate Probhu Isorakʼ mẽtʼre oka bạṛicʼakʼ kan onageye kạmiyetʼ tahẽkana.

2 Rapajko 16:3

Uni do Israelren rajko lekageye calakʼkan tahẽkana; ar Probhu Isor Israelko samaṅ khon okoe jạtrenkoe laga ńirletʼko onkoakʼ bạṛicʼakʼ kạmiko lekage uni do acʼren hopon seṅgelreye samaṅledea.

1 Rapajko 14:24

Onkoakʼ disạmre do herel kusumbi hõko tahẽkana. Ar okoe jạtrenko Probhu Isor do Israelko samaṅ khone sạṅgiń giḍiletʼko onkoakʼ sanam hirkhạwanakʼ kạmiko do Jihudạren hoṛko kạmikan tahẽkana.

Dosar Biboron 27:15

‘Onko hoṛ doko sarapangea, okoe do chãńchre dulakʼ muṭhạnko, kaṭren se dhiriren murhutʼko rokʼ benaoetʼko ar sewawako lạgitʼ danaṅ ṭhạ̃ireko dohoyetʼko. Noko sanam murhutʼko do Probhu Isor ṭhen hirkhạwan jinis kanako, ar eken kạrigolakʼ titegeko benao akana.’ Unre sanamkoko mena, ‘Amen.’

Dosar Biboron 25:16

Okoeye nonkae, metakʼme, ṭhokʼkayicʼ hoṛ do aperen Probhu Isore hirkhạwaea.

Dosar Biboron 23:18

Herelge cetʼ ar maejiu kusmbige cetʼ uniyakʼ rojgarakʼ ṭaka do mundilte manot purạu lạgitʼ aperen Probhu Isorakʼ oṛakʼte alope ạguiya, ente Probhu Isor do nonkan herel ar maejiue hirkhạwako kana.

Dosar Biboron 20:18

Ar bape onka lekhan onkoren debotako sewawako reakʼ hirkhạwakʼ kạmipe cetʼjoṅa ar onate aperen Probhu Isor upạrtepe kạiya.

Levitikus 18:24

“Nonkanakʼ kạmikate ape modre okoe hõ aloe besapha ocokʼma, ente ape samaṅ khon okoe jạtrenkoń laga ńirko onko hõ apnarte onkageko besapha akana.

Hosea 9:10

Probhu Isore meneda, “Hahaṅkarre darkha nạ̃ṛĩ leka Israel doń ńamledea; pạhil dhao jo emokʼkan loa dare reakʼ pạhilakʼ jo lekage aperen hapṛamkoń ńelletʼkoa. Menkhan onko do Bakʼal-Piyạr ṭhen senkate apnartetʼko ạkhrińena ar akoren dulạṛiạ boṅga lekage onko do hirkhạwankoko hoylena.

Levitikus 18:26

Menkhan ape do ińakʼ niạm ar ạn-ạriko manaope. Ape jạtren se ape talareko girobasokʼ kan eṭakʼ jãhãe jạtren hoṛko hõ jemon nonkan bạṛicʼakʼ aloko kạmi.

Levitikus 18:28

Ape hõ disạmpe besaphae enḍekhan laha jạtrenko leka disạm hõ apeye ulạ giḍikapea.