Levitikus 18:24 - সান্তালী বাইবেল

²⁴ “Nonkanakʼ kạmikate ape modre okoe hõ aloe besapha ocokʼma, ente ape samaṅ khon okoe jạtrenkoń laga ńirko onko hõ apnarte onkageko besapha akana.

Levitikus 18:24 Referans Kwoze

Dosar Biboron 18:12

Onko do Probhu Isor lạgitʼ hirkhạwan hoṛ kanako. Ar nokoakʼ bạṛicʼakʼ iạtege aperen Isor do onko jạtrenko ape samaṅ khone laga ńirkoa.

Levitikus 18:30

Ińakʼ hukumko senakʼpe ar onḍe seṭerkate lahaten hoṛko leka do alope colona. Ar noako kạmikate alope besapha ocokʼa. Ar iń kangeạń aperen Probhu Isor do.”

1 Korinthiko 3:17

Jãhãege Isorakʼ mundile bạṛij enḍekhan Isor hõ uniye bạṛijea, ente uniyakʼ mundil do sonotgea, ar ona mundil dope ape kangea.

Jirimiạ 44:4

Iń do aema dhao ińren gutiko, metakʼme nạbikoń kolletʼkoa nonka memen lạgitʼ; noa hirkhạwakʼ do alope kạmiya okaṭakʼ iń kurudakʼkan.

Dosar Biboron 12:31

Ape do aperen Probhu Isorakʼ dekʼwa sewa do onkoakʼ sewa leka alope onkaea, ente onko do debotakoko sewawakore joto lekanakʼ hirkhạwakʼko kạmikana one okaṭakʼ do Probhu Isore hirkhạwakʼkan. Onko do debotako ńutumte seṅgelre akoren gidrạkoko khadleyetʼkoa.

Levitikus 18:3

Onate ape okarepe girobasokʼ kan tahẽkan ar Misor disạmren hoṛko okakoko cekayetʼ tahẽkan onka do alope kạmiya ar ińiń idiyetʼpe ona Kanan disạmren hoṛko lekahõ alope colona. Ar onḍenko hoṛko leka hõ alope calakʼa.

Genesis 15:16

Menkhan am bõsren pon piṛhiren hoṛ do nonḍeko ruạṛ hijukʼa, ente Amorikoakʼ ghạṭ do nonka ạuri hoyokʼa one onate onkoń sạjạiko.”

Numeri 35:34

Ente ape oka disạmrepe tahen ińhõ onḍegeń tahena ar ona iạte disạm do alope besapha ocoya. Ar iń Probhu Isorge Israelko talareń girobasokʼ kana.”

Dosar Biboron 9:4

“Aperen Probhu Isor do ape samaṅ khon onkoe laga ńirko tayom aperen okoehõ jemon mone monte aloko menma, ‘iń doń bindusạngete Probhu Isor do noa disạm ạidạri lạgitʼ nonḍeye ạguakadińạ.’ Ona do sạriyakʼ do baṅkana; noko jạtren hoṛkoakʼ dusṭạmi iạtege Probhu Isor do ape samaṅ khone laga ńirko lạgidokʼ kana.

1 Rapajko 9:7

enḍekhan Israelko okaṭakʼ disạmiń emakatʼko ona khon doń laga oḍokpea. Ar okaṭakʼ mundil do ińakʼ tahen oṛakʼ lạgitʼ iń begar dohoakatʼ ona hõ ińakʼ mẽtʼãhã samaṅ khoniń sạṅgiń giḍikakʼa. Unre Israel do eṭakʼ eṭakʼ jạtrenko ṭhen kạhtuk ar cigạri lekako hoyokʼa.

Esra 9:1

Niạko kạmi sạten khan mukhiyạko do iń ṭhen hecʼkateko menkeda, “Israelko ar onkoren naekeko ar Liwiko do onkoakʼ disạmre girobasokʼ kan judạ judạ jạtrenko khon apnartetʼ do bako begar dohoakan tahẽkana. Onko do Kananiko, Hittiko, Perisiko, Jebusiko, Amoniko, Moabiko, Misriko ar Amoriko leka hirkhạwakʼko kạmikana.

Sereńko 106:39

Ar nonkate onko doko bhoṅḍena; akoakʼ kạmiko iạte Probhu Isor ṭhen bepạtiạrkoko hoyena.

Dosar Biboron 9:5

Ar bindusạn se dhorom iạte onkoakʼ disạm ạidạri lạgitʼpe calakʼ kana ona do baṅa bickom aperen Probhu Isorge aperen hapṛam Abraham, Isahak ar Jakob ṭhen kiriạkate okaṭakʼe menletʼ ona purạu lạgitʼge uni do noko jạtrenkoakʼ dusṭạmi iạte ape samaṅ khone laga ńirkoa.

Bikʼcạrko 20:5

Ńindạ jokhecʼ Gibearen hoṛ do iń sendrayiń lạgitʼ oṛakʼko gheraokeda. Onko do iń gojeńko menleda, menkhan ona bodolte ińren chuṭki era tulucʼ jorkateko laṭghaṭkeda, ar onate uni doe gocʼena.

Bikʼcạrko 20:6

Israelko talare nonkan bạṛicʼ ar hirkhạwakʼko kạmi akatʼte ińren chuṭi era doń phạṛikedea ar Israelkoakʼ gelbar goṭecʼ jaegare ona doń kolkeda.

Bikʼcạrko 20:10

Israelkoren sanam gusṭiko mod khon mimitʼ mitʼsae hoṛ khon gel hoṛ, hajarko khon mitʼsae ar gel hajar khon mitʼ hajar hoṛ bon bachaokoa. Onko do senkate lạṛhại phạdko lạgitʼ jomakʼko ạguiya; ar abo do Benjamin ṭoṭha reakʼ Gibeate senkate Israelko talare oka hirkhạwakʼko kạmi akatʼ ona reakʼ bon halawakoa.”

2 Bõsbudạ 33:2

Probhu Isor do Israelko samaṅ khon okoe jạtrenkoe laga ńirletʼko tahẽkan onko leka hirkhạwakʼko kạmikate Probhu Isorakʼ mẽtʼre oka bạṛicʼakʼ kan onageye kạmiyetʼ tahẽkana.

Jeheskel 36:17

“E Manwa hopon, Israelrenko akoakʼ disomreko girobasokʼ jokhecʼ onkoakʼ colon ar kạmiko hotete disạmko bhonḍleda. Ar ińakʼ mẽtʼre onkoakʼ colon do maejiukoakʼ candoteakʼ reakʼ besaphawakʼ lekage tahẽkana.